1 Nee alu kangusiye Yesu ina hhayut amor yaamu Galilaya asma nga slaika iwa Uyahudi ka'y asma Wayahudi ta Uruwa'r lelehhit ar kur gaasi. 2 Gomar ye siku Wayadudi sikuku /asleeri na nakaa'/. 3 Hhaeno's nguri ba'y diri gexawe tla'w Uyahudi as eharuseero'k sleeme tlehhemiiwok otatlehhit ngiwaariya. 4 Hee' ga ngitlee'hh ar lu/ara'y ii ka'jj ba ino's ti xutisa'r a slaa' bar' tlehhem'ika tlehit ti laqamis mu'k baraka yaamu. 5 Tam hhai'iiwoos sleeme ngwa haratlinti'ii iika'. 6 Yesu ngina ba'y siwaa'r ee' na harditika' siwaaarhung afiomasleemero ka amoohoo'. 7 Kuunga' tunu siika nee mu'k yaamuka ala an ta s sma tlehhi'ii'in koda slasla/are'n iga alki/iit. 8 Tsa/ame' sikuku awak ani adaqwaka baraa' sikukuhiye asma afiqoomar ee' ii kahhamit a xeerika'. 9 Alu kangusi nguwa oo' diriii alero' iri Galilayar ii de'l. 10 Tam idosiye hhaiiwo's niwatlaye' baraa' sikuku ino's sleeme ina daqay ar nahhata ta laqanika. 11 Wayahudi nguna lelehhitiye' awa sikuku ne ikahiya ii amoola amo'r i dirii? 12 Mu'k yarir tarhumumu dandowose' bahha'alero ta kahi a hee' hoo' bahha alero ta kahi i mu'k amoqwaremiis. 13 Tam idosiye hee' axwesani nga gwa/atee's dandowose i kaahh as Wayahudi kawadaiyumiti. 14 Siwa'r sikuku iwatlaaoh Yesu inatsaa'n amo'r do salingw itsahhasa ngina imu/u'n. 15 Wayahudi tri wa/o/o tari oo' heeewi' ido'r morowi yarir nguri xuu' abalo' soomuusiika'? 16 Yesu ina oo' itsahhasar ee' a te'eeneeka' ala ar' koda ani a ya/aaw. 17 Geraho bir der oo sla'aarir kwisi tlehharo ngi slaa geraho ngi tsahh itsahhatisari bar'r amo'r Mungu'ngin dahh laqa ara'r amo'r ee' dahh kilo's an axwee's. 18 Oqo toda amoro's dahh axwee's a xirfuuwo's ngun kils lelehhiit ala koda xirfuu koda ngwa ya/aa'w leelehhiit heesi i anaa' ne baraa' inose gar tawaa' oo' i gana'aamu tlehhitika ii ka'hh. 19 Musa haraaya nga dihuung ngi hanisike ala bre tam oo wa'k ii kahh'o haraiaasi ngi hardahaisi barahunge? Hhe'ee gar is gasa'r sla' a umos? 20 Xoorooda' tana oo' kwa netlamer' ko'n hee' kuung ugasa'r slaa' a ma'aa? 21 Yesu ina oo gadiye wa'k anatlehh slee'meero ana wa/oo/amo'r wa ande'. 22 Musa haraaar al/utlo ngina hani a gibaheka in amo'r Musa da'hh, ala amo'r babi'i ngin dahh, nee balo'r sabato'ro kuunga hee' ual/utla'. 23 Bar hee kuuqo al/utl balor' sabatoro as haraaya'r Musa makawa geqay he'ee' aning misiii nanaqa as hee nguwa hho'ees balo'r sabaato'. 24 Sakwaslema matlehhitar nar amahatli sakwaslema tlehitak nar bana aamaye. 25 Bahhaaleero koda Yerusalemu dahha tari oo' kwah a kodaeee ta lelehhiti as kuwagaasi? 26 Iqaytsiite in axwes ta'm ti lu/uu/unka' sleme nee gar ta kahi i kahh dando inosie doqari geraharuuse ngatsahhiye gibaa' heewi' ana ga/aa'w a Kristo? 27 Axuua'n heewi amo'r i dahh' Kristo birni har amo'r i dahhi hee ngi xuu' ii kaahh. 28 Yesu aforo's ngiri tlee's wa baraa' doo' Mungu' iwa itsahhatimisi ire oo' kuunga slee'meero' ani ixua' nee amo'r ni a xua sleee na xawika ner muna ee ala koda ani aa ya/aaw no's a looeema slamti kuunga ino's u xua'aaka'. 29 Ino's ani u xuu' asma amooro's an dahh nee inaya/aa'w. 30 Nguna slaiii nguwa ohiya ala heetam oo' wa'k dako's ngwa tlees i kaa'hh gawa ino's asma siwanro's na harditika'. 31 Tam adosiye mu'k yaarir baraa' tla/angwoo/aydo'e nguna haratlintiiye nir oiiye Kristo bolo'r birna harda slaqasii koka oo hewi ba/a ngi tlehhi? 32 Mafarisayo ngina axasiye idor bo/eda oo muu tar kamgw si sasa'hh dando Yesu nee uruseda ar makuhani nee Mafarisayo askari ngire ya/awiye as Yesu kuwa oohi. 33 Alo Yesu iri oo qoomar ninaw ikahhamit an ne kuunga a dinkwa alo a tlaw amo'r kwada ana ya/aaw. 34 Ilelehha' ala i anda'aaka' amoda nika'w xeemu ngu aslera'aka'. 35 Batisiye Wayahudi tari kiloin axwe's heewi amo'r i ka'y aamola' nguwa aranaka? In amo'r kwoda diya/ati baraa' tla/ang Wayunanir kaya ne mu'k Wayunani ngure itsahhatisi? 36 /Amuwi i kahi gidabaros a umo's to' iwa kaahi anilelehha sleeme anda'aaka' amoda inkaw xeemu u aleslera'aaka? 37 Qoomar delor alhhe'eesay boloda urar sikuku Yesu ina sihhiti afo ngir tlee's ire oo hee waxit ni xaay amo'r ee' ii wahi. 38 Kwada haratlinti ido'r gooi nga'r oo' ya'uu' ma'aay slafingw in barawo's wa tsororoxiya. 39 Ala kangwsi nguan oo' dando Qeeru gawaa' kwad ngu haratlintia ngu ilaohii ya asma Qeeru i kahhatit kuunga hanisika asma Yesu ii kahhatit kwa xirfesika. 40 Bo//eeda bahha alero axwesanti kawa axaas tana oo' loemawo kwih a arusumoo'. 41 Bahhaale tana mila? Kristo ni Galilayar wa ti'iiti. 42 Gooi katke' Kristo nin ti'iit awa baraa' tlahha'y Daudi nee amo'ri i dahh a Betlehemu yamuda Daudi a hoo't. 43 Baraa' idosiye Partlto nina deru't baraa' tla/angw bo/aaywo' as dando Yesu. 44 Kodari baraa' tla/ang'iine eraho' ngu ohiya hee dako's ngwa amo' ino's i gnaas ii kaa'hh. 45 Askaarida ninaki/ amo'r uruser nee Mafarisayo kina ba'y msungwahubi'iika? 46 Askaarida tana oo' hee kaahh oo a axwe's ado'r kwih tam imida' ee'. 47 Mafarisayo tari oo kuunga sleeme tudna amoqwaresi? 48 Hee idero baraa' geraharusero oo ngwa haratlinti laqa Mafarisayoro'? 49 Aqo bo/eeyi haraar'xuaka ka luus. 50 Nikodemu awaambia (kwoda qaroro' a amo'r Yesu ino oo wa'k baraa' mu'k Farisayoro). 51 Ihii' haraayaren hee' ngu Sakwaslemata aba'r axwesanto's aga alaaxasanika geera alero nee nge tsahhan gar i tlehhiti? 52 Nguna baye kuung sleeme amo'r ta dahh aa Galilayaro? Leelehheeka ka and arusuumoo' aa Galilayar wali'iiti? 53 Aluwo uno hee' ina tlay amo'r do' oo's.