Tsufa'y Miibangw

1 An tunubabow kwoda a dahika ar tsufa'y do baraa' matld/aand bee/aang alaina tsa/aan ner uruwaa'r hatla kwisi a fisusumo nee qwatlusumo. 2 Kwoda a tsufa' do'or da'h a de'ee musmo bee/aangw. 3 Kwisi kwoda tsufa'y do xuuma ngun gweriya be/aangw aforo's ngi axamiis nee be/aangw ngu /akaa' nee umer'iin nee ngure duux afeeni. 4 Birnga afeeniri duux kwoda o ' kose ngin gerahar'r nee be/aang ino's kunidigidel asuma aforo's ngi xu'. 5 Dahayumoo' ngu digidelika' kun kwarhhit asuma aforor dahaye ngi xu'iika'. 6 Yesu slaqsaaysing nguna dir'iini oo' ala kangw sing dir'ini axweesi ngwa tsahhi'iika'. 7 Yesu nging male ba'y ani nubabow anign a tsuta'y do be/aangw. 8 Kwoda slee'meero na girine a fisuuse nee qwatluuse ala ka ilariqasika nee be/angw. 9 Aning a tsufa'y do o' naqo da'h ne'r dir'ee' kuba'/amiis in da'h baraa' do nee ire ti'iit nee ayaaro's ngi slay. 10 Fisusuu'mo ni xa'y as fiisoo nee tsu/u'ta' nee qor' oosa ani ninaxaa'w safingw kuwa sla'y nee slafingw delo sleeme. 11 Ani a de'eemuusumo hho' de'eemusumo hho slafingo'w ngun hanis as be'/aangw. Asgadiyusumoda ta gu'uun nee ines a de'eemusmooka 12 be/aangw a koseka tawerumo burgwa'ar in goow be/aangw ngun gexa'y. 13 Nee taweer be/angw ngun oohim nee ngure diyayaa/ gar is gowi asma gadiyusumoo ta bu'un nee be/aangw ngu gari xu'ka'. 14 Ani a de'eemuusmo hho nee kwoda oo' kwee' ii xuu' nee kwoda oo' kwee' ani i xiriiya. 15 Babaa' ani i xuu ne ani Babaa' u xuu' nee ani slafingwe e un haniis asma be/aangw. 16 Be/aangw hatla u koom ala o baraa' matlangwiyeka' kwisiya sleeme gar' tis harim ngun huu'w nee afo'r ee ngi axaa's ari daqata wa'k nee de'eemusmo wa'k. 17 Ti an Babaa' anisla'i slafingw'ee' nguwa hanis ngw bale tatahh. 18 Hee ngu dir'ee wa tataahh ii kaahh ala ani un kilo'ee haniis aleslemu nguwa hams u koom nee nguwa tataahh sleeme alqadori ana ila oh wa dir Babaa'. 19 Partlito ni ti'iit baraa' tla/angw Wayahudi as axwsatiisi. 20 Awa yaarir tana oo' i Netlamer kon nee saga/akuut gakus iiar ii qaminda mila? 21 Bahha'alero tana oo' axwesanti ar hee Netlamer komaka Netlame ila tampa ngi qaytisitsa? 22 Alo sikuku ur oo' Yerusalemu kawa paratl wa do salingw nina xeer. 23 Oomaasi a qoomar' tsaqwa Yesu i hi'iimit bara do Mungu' dida Sulemani a tlee'hh. 24 An dir Wayahudi nguwa harweriye ngure baye e daqali ate'n ti baraa' xureri qaamiin? Ihhi bar' kuung a Kristo tir oaa hhe'ees. 25 Yesu ngina ba'y tununaqaro adabaw ala aya/a/aanda'aka' gadiyer ni tleehit na umoo Baboe kangw ee' ngu laqaqand. 26 Tam idosiye aya/a/anda'aka' asma kuunga a be/aangw' eeneka'. 27 Be/aangw'ee' afor'ee' ngi axa'miis ani i xuu nee ino'in an idigirde. 28 Igaslafingw alhhe'eesa'y wasl i hanis i balo qwariaka' nee ii tamoo' wa'k o ngi baraa' da' kwuee' wa haayo. 29 Babaoee kwoda kwoka nga hamis kuak ur te oo hatla slee'meero nee ta'm o wa'k i ka'hh oo' ngi haa'y baraa' da kwoo' Baboee' wa alero. 30 Ani nee Babaa a wa'k. 31 Tla/ee kina gaga'r as kuwa tlaquti maleaale. 32 Yesu ngina ba'y gadiyer yaarir ar amo'r Baboe da'hh ngina laqam a gadie gala baraa' tisiye ar iwa tla/ee'r tlaquto' slaa? 33 Wayahudi nguna baye utlaqutanaaka' ner tla/ee as gadiyer slee'meero' ar qooma ala as Mungu' kuwa otliit asuma kuunga oo hee tina Mungu' ilaqamiin. 34 Yesu ngina ba'y kagooiniie garaa' haraeerhunge ana oo kuunga' a Mungu'? 35 Bar ngina ba'y Mungi'i dir kwoda /aymuu' a i harda'h nee gooii geqawato ka asleykang), 36 An axwesa dando kwoda Babaa' na haniis ngure ya/aaw gawaa' dando yaam a gotlitliin asma niwa kaah ani a garma Mungu'? 37 Bar gadyer ni tlehhit ar Baboero ka mi haratlintiara. 38 Ala tamu haratlintatiaaka asma ngiwa tlehhiit tsahhak gidaaba' ani a baraa' Babaa' nee Babaa' i barae idirii nee ani a ba Babaa' i dirii. 39 Geera ngu male oo her slaiiya ala ina baraa' dabain wa tla'y. 40 Yesu ina male tla'y barta Yordani amoda Yohani gerho iwa batimiis nee ire amoda wa iwiwiit. 41 Mu'k yaarir nina amor Yesu ka'y Yohani loeemawo slaqasay a tlehh i kaahh ala toda slee'meero a oo daado heewi a looeema. 42 Mu'k yaarir Yesu ngure haratlintii wa diisi.