Tsufa'y Mibaa Nee Wa'k

1 Heeko Wa'k umowo's ta ba Lazaro geraho i tiiq i Betaniar dahh gixisa'r mariamu nee Hhooro's marta. 2 Mariamusi aqo toda Aako gwa sliki ar moyangw ta ba'y marhamu nee ya'aawo's ngire fits ar se'eengo's an tisi hhiyawoo's kwisi ta ba'y Lazaro tiiq. 3 Hhoudusiya an kwoda a ya/aabine amo'r Yesu ter oo' Aako Qaytsiit kwoda ta sla'aa'aan ii tiiq. 4 Yesu ngiwa axaa's ina oo' tiqtising ar gwaaraaroka ala as kirfoo Mungu' as garma Mungu' kwa xirfeesi ar baraa' tiqtising. 5 Yesu marta ngina slaa' neee hhooero's nee Lazaro. 6 Ngiwa axaa's Lazaro ii tiiq Yesu a gasler tlayka dela tsa'r ngina hheeesi wa dida i diri'ii. 7 Alu tiye' eharuuseero's ngi ba'y go'se Uyahudi male ale. 8 Eharuuse nguna beer malimu (Rabi) Wayahudi bar' tuna alo tlaqunt ner tlaa/e nee kuung a male amodi ki/ima sla'aa? 9 Yesu ngina ba'y loa'r tlatla/angwa mina nee tsareee? Hee bir tlaatlangw hiimiit ku getabika' asuma ii xuumiis as gwa/ateema tlaatla/aangw. 10 Ala tam idosiye bir Amsi hi'iimi ku etlaraa'hh asuma gwa/aatee ma i kahhita barawose. 11 Yesu kangwi nguna ali/iit alu kangwsiye ngina ba'y ulqumoren Lasaro a guu' ala an daqaw asuma nguwa tlees baraa' guutero'. 12 Eharuuseero's nguna ba'ye Aako ir'ina guu' ii tlaa'y. 13 Qoomaasiye Yesu ga'r i axwesi a kangw gwa'aara'r Lasaro ala inoin kawa xuui gar i axweesi dando gu'uute. 14 Yesu axwe'saani ngire gehoaa tisi Lasaro gwa'. 15 Ani a qwalaala/ asuma kuunga' asuma ani amoorqa ii diriaaka as kahho' haratlintao kwa slera gwese amooro's. 16 Tomaso kwada oo Dangamo eharuusehatla ngina ba'y kwose alhhaman dinkwa nee Yesu. 17 Qooma'r Yesu iwaaharda Lasaro baraa' baaaro delo tsiyahh nga qaro hhe'ee's. 18 Nee Betani ka tsew dir Yerusalemuwo ador kilo ita miberi tsihi nee kooan. 19 Mu'k yaarir baraa' Wayahudiri tinaxay amoor marta nee Mariamu asuma kiwa gurkwa/aaiisi as hhiyaaiin. 20 Marta ngiwa axa's ido Yesu nir hii'iiti inatler tiwadogiya ala mariamu iwiwit wa do'. 21 Marta Yesu ngure ber Aako gerho kuung ba'r dir hhiyaal alog a gwaika. 22 Tam hindi a xu' artaqofirinda amo'r Mungu' ngi haniis. 23 Yesu ngina ba'y hhiyaawo'k ni wasloo/. 24 Marta nguna beer a xuu ido'r nir wasloo/i bolo'r wasloo/ alhhe'eesaye. 25 Yesu ngina ba'y ani an wasloo/ nee slafingw kwoda ani a haratlinti'ii tam bira gwari i slaaf. 26 Nee kwoda slaaf nee ani ahara tlitii i gwaiika ti a ya/a/anda? 27 Nguna beer ya/aa/amu Aako gidaaba kuung a Kristo garma Mungu' kwoda harda' dando yaamuwi ale. 28 Ti ooaro ngiwa hhe'ees ina tleer hho'ooro's mariamu ngina bihhi /aaka' ina o' (malimu) intsaahhatusmo i diri dirii i /aa kaaka'. 29 Mariamu idori ngiwa axas ina gansle'r tler e amo'r Yesu. 30 Nee Yesu ikahhati na hardahiika baraa' ixisar i alero' idida nee marta taidogi kaahhamit. 31 Mu'k Wayahudi kwoda nee Mariamu dir do i diria nee kwoda ngi gur kwa/amiisa tawaqaytsiit a gasle'r sihhit ite ti'it afeeni kanadigideel gerho kawa xuu' in amoor baa'r keer as iwa /aa/e er amoda. 32 Mariamu iwa hardat dir Yesu nguwa and inahuu dir yaa' Yesu ngere beer Aako gerho kuung ba'r dir hhiyaeee' gerawo a gwaiika. 33 Yesu iwaqaytsiit i/aa/amiind nee mu'k Wayahudi kwoda dinkwa nee ino's i /aa/amiisna sleeme munawo's ina slaha iri kuhamuut. 34 Iri oo dir kway gatiise a diila? Kuna ba'y Aako Qwaalang are. 35 Yesu iri /aa/. 36 Wayahuid ter oo araak ido'r nguwar sla' Lasaro. 37 Bahhalero baraine tana oo' kwoda a kwiyeeke ila heedo tampa nga kiis iri qaytoit heewi ila/aaro ngwaqoharsalaqati iwa gwaiika? 38 Yesu iwa baraa' muunaawoe malo /aa/amiin ina amoor baaar ka'y slamt a marii nee tla/ar hatla ka qaa's gawaa' afuukuda i ale. 39 Yesu ing oo tla/aasing hengeesaak Marta hhoo'r Lasaro kwoda a gwaa Yesu nguna beer Aako slaqwa' a hituurut i tlii/ asuma deelor bi/i ar tsiihh. 40 Yesu ngire ba'y ani tuna bowiika baraa' haratlinti kirfoo Mungu' u aa'nd? 41 Baraa' idosiye tla/aada kari he ngees Yesu ila wo's ngina tlees gawaa' iri oo Babaa sluufiniis asuma ani kuung ii axaiis (i iia'r i qaamind). 42 Axuu' gidaaba' i iar ii qaamiinda qooma slee'meero ala asuma xooroori a sihit an a har weed an gar ti ngisa oo' ngiwa haratlintiiya gidaaba' ani kuung ina yaa/ap. 43 Alu ti ooaro ngiwa hhe'ees ina /aa/ nar afoor ur Lazaro ti'iitaang afeeni. 44 Tuaa ninati'iit afeeni katseeg dabaa' nee ya'aa' ar inqwarirda tuu' kir foola liit nee getse/a ka tseeg ar warqamo Yesu ngina ba'y gweraa'k i tla'y. 45 Mu'k Wayahudi oo yaarir kwada na xayae amo'r Mariamu idoda Yesu a tseehh ngiwa arii nguri haratlintiiye. 46 Ala bahha' alero tana tlay amoor Mafarisayo nee toda Yesu a tleehh kare oo'. 47 Uruser Makuhani nee Mafarisayo tanaburumbriit dinkwariale baraa' do kwaslemar ur tay oo' ido'r ta /iisaa'n heewi slaqasii yaarir ngi tleehhit. 48 Burato moowan kilo's ale slee'meero ku haratlinti Warumi ni rexeer nee mgrooren slee'meero kunaar tla'y diren ti nee xoorooreen. 49 Ta'm idosiye heeko wa'k baraa' tla/angw iine Kayafa ino's a kahamusumo ur kur kwisiiye ngina b'y garta xu'aa iqo kahhehhe'eesa? 50 Awagwadita'aake gar qoom hee wa'k iwa gwai asuma muu tay xooro sleemeero iw a qwad. 51 Ti nga ooiika as ino's ala suma ino's a kahamusmo ur kurko dae aari ngina oo' gidaaba' Yesu igwaa' as dando xooro. 52 Nee as xooro kiloseeka ala as Yesu sleeme naa/aa Mungu' kwada na diya/aat yaa'mu dimba ba'y ngiwa harakiisi. 53 Imiir baloosi tana axwees ido'r Yesu kur gaa'si. 54 Asuma idosiye Yesu ar gehhuu baraa' tla/aangw Wayuhudiro ina tlay disiiye ay isapo xaanxaay baraa' gixisaarka ta baba'y Efraimu disiiye inahoot nee Eharuuseero's. 55 Alo Pasaako Wayahudi na na kaa/ nee awayarii tana tsa/aan amo'r Yerusalemu dir gixisaaro wa afeeni as tiwa hhohhoe'siiye kiloiin aleero diir Pasaaka iri kahhatiti. 56 Inooin Yesu nguna leleehhitiye nee ta axwees umoo heewo qomaar tawa sihhimiti ikahiiya baraa' be/eere' i ee' xaayke baraa' sikukuye? 57 Qoomaariiye uruseer Makuhani (xahamuse) nee Mafarisayo axwsaanika qaaro oo' gidaaba' hee ngwa ar ngu dioai ar kuwa oohi.