Tsufa'y Miibaa Nee Tsa'r

1 Bolo'r Pasaakawo deelo ii kahhatiit lahoo' Yesu ina Betaniar kay amooda Lazaro i dirii'i kwada awaslo/atiis wa baraa' mu'k a hha'n. 2 Kure moro/aymar xweraxi i tlehh wa amooda marta nguna sagadiyuus siwaasiiye Lazaro a oawa'k diir kwada na iwiitiyae dir moro /ayama dinkwa ne Yesu. 3 Alo Mariamu mooyangw ta tleh ner nardo hhohho no tlaxwor ur nguri taatahh ya'aa' Yesu ngir siik nee ngire fits ner serngw sagos do slemero ina hats xarang mooyangw dae. 4 Yuda Iskariaote ino's oo wa'k baraa' eharuuseer Yesuwo anqo kwada Yesu ngu sakii/ ina oo'. 5 Ihii mooyangwi mskwaweerisuka ner shilingi tsire tam nee helasi kare haniis diir narkuteri aleero. 6 Ino's idoosi nga ooiika asuma nar kuuse ngiwa gurtlay ala as inos tawa fisusmo ino's a hee tlakwaay Pesaar ohahiim nee ngin ta tahhahhaa'n ner fis oda ta baradi gaas as ino's kilo's. 7 Yesu ina oo' mowe ngi qas toda ooda as deelor foola ree'. 8 Nar kuse nee kuunga a dinkwa dele slee'meero'ka daqisleem. 9 Bo/aay yariir oo Wayahudi nina tsahhi gidaaba' Yesu ii amooda i diir nee hardihiiye ala asua Yesu kiloseeka as Lazaro sleeme nguwa ariiya kwoda yesu awaslo/atiis ariiya kwoda Yesu awaslo/aatiis wa baraa mu'k a hhan wa ale. 10 Sleeme uruser Makuhani a xwesani kana tleehh ar gaasar Lazaro. 11 Asuma oo yaarir baraa' Wayahudiro nina tlaye Yesu ngure haratlintii. 12 Boloo' tsa'r bo/ay yaariir nin a xaaye baraa' kikuku nginwa axaa'siye Yesu niharda Yerusalemu. 13 Halemoo' slansla kire taataa'hh, te ti'it afeeni kuwa ilaoohi taritseaami takahi Hosana kwa tsunqu kwoda na xaa'y nar' umoo' Aako Waawutumoo' u'k Israeli. 14 Yesu gureendiir daqwaa'y ngina sla'y ngina ii tsa/an idooda kaar gooin. 15 Maada'aayumitra u'k Sayuni qaytsii waawutumoo'k na harda gureediir daqawaa'y nga tsa/a'n. 16 Eharuuseero's kawsingi ngwa tsahhika' qoomar hargerho' alo Yesu kuwa xirfee's, an dir ngiwa islaye gidaaba' morowi kuwa dandowo's ii goin nee gidaaba' moorowi slee'meero kwa tleehh gawaa' ino's. 17 Alo' daqtaada dinkwa nee Yesu qooma'r Lazaro nguwa /aaka wa baraa' baa' kangusi kuna alkii/it diir muuk hatla. 18 Gar mu'k yaariir ngusa ilaoo har aye asuma slaqaasesi a tleehh kuna axaa's. 19 Mafarisayo tana kiloin axwees ga/aawaak idor ta/iisa ii kaa'hh muu a talaay amor ino's. 20 Muko bahha ale oo Wayunani i baraa' tla/angw kwoda slufinimisu awa baraa' sikukuu. 21 Kooka tana amo'r Filipo kaa'y kwada Besaidar Galilayar daahh nguna firiine nguna baye Aako ate'n a sla'aan Yesu kuwa araa'n. 22 Filipo ina tlay Andrea nguna kangwisi ba'y Andrea nee Filipo tana tlay Yesu kuna idaba'y. 23 Yesu ngire ba'y qooma a aradat ar garma hee kuwa xirfeesi. 24 Ani tunubaboow ilimoo ngano gira huu'iika baraa' hhape iri gwaa' aqo in hootatin wa idooda i dirii kilo's alero ala bira gwaa' aama yaa riir ngu laqwaal. 25 Hee slafingo's ngu slaa' ngu qwarees hee slafingo's ngwa si'ii baraa' yaamu kaae ngu ba/amiis ay slafingw alihhesaay komaaka. 26 Hee' bar ani sagadiyys i digdeli daqate didaa' ani ni dirii an dida an diir sadidiyuso ee' i dirii slamti hee ani bir sagadiyys kuilaa iwawaa/ nee Babaa'. 27 Alukwa'aari Munoi idawimiit ani ma oo' Babaa' tu/aang baraa' qoomariye ala an as tih ar qomari ngas ii harda. 28 Babaa' umoowo'k xireese aluwo afoo nina gawaa' dawrii wa hardat i kat ugaxirfees nee hindi u male xirfees. 29 Daqataada ari muu a siihhit bihhi yo's tana axaas tare oo' /itli tliia'y ideer Bahhaaleoro' tana oo' nee malaika nina axweesi. 30 Yesu ina oo Afoori na xeeriika asuma ani ala asuma kuunga. 31 Aluwaa ri sakwaslema'ar mu'k dando yaamuuka' i deer alkwii kwoda ur oo dando yamuuka ku afeniri kwahh. 32 Ani birta tlees gawaa' dandoo' yaamu slee'meero tunu amoor ee' ii uruux. 33 Idoosi gar' ngisa oo' idoor iir gwai ngi laqaaqa'n. 34 Daqataada tare oo' ate'n aga axaasaa' baraa' haraaaara gidaaba' Kristo ii alhhe'eesaa'y koonka kuung ido'r ta'r kat garama hee kuuayiika' gawuti tleesaro? Garama hee kwisi a ma'aa. 35 Yesu ngina ba'y gwa/aateema nee kuunga a dinkwa qooma'r ninawe Hiite wa baraa' gwaaateasiya ta kuonda as /ona mutuna ot hee' braa' /oona'r wa hi'iimiit amoo'r i ka'y ngi xu'iika'. 36 Gwa/aateemasiya' ta koda haratlintiga'k as tawa na/aa' gwaaatiema tleehhita Yesu ti oo'aaro ngiwa hhe'ee's ire tlay ire nahhaat mukuwa ar. 37 Yesu ta slaqa'si'ii yaarir nga tlehhahhiti tam idosiye ngwa haratlintiii'iika'. 38 As /aymuuda oo arusumoo Isaya iwaboo/i toda iwa kah Aako a a'aa hee' axwesaantaren ya/aan a ma'aa? Dakoo' Aako hee gehho'ootiis aa a'aa'. 39 An ga'r inooin nis aharatlinti'iika asuma Isaya in a male oo'. 40 Nga ila tuntuuk nee muner iin nga gaw deemiis, mingiwa arii ar ilaaiin nee munema'iine mingiwatsahhi nee ire ba/ana ani ngire hhoees. 41 Isaya /aymerika ngina oooin asuma xirfoo Yesu nguna ar nee kango's ngure alki/iit. 42 Ala tam uruuseer yaariir Yesu ngwa haratlinti'ii ala as Mafarisayo ta laqaani'iika as de'ee'r kiwa paratli do saliingo. 43 Xirtoo' muu nguna sla'iiye ta xirfoo' amoor Mungu dahha. 44 Yesu afooroo's ngina tlees ire oo' kwoda ani a haratlingi aani kiloe ina haratlini'iika ala nee kwoda ani a ya/aaw nguna haratlintii. 45 Nee kwoda ani aa ar a kwoda ani a ya/aaw nguna ar. 46 An nina xaw ido'r gwa/aateea yaamu as kwoda ani a haratlinti miwa baraa' /oonaa wa hoot. 47 Bar hee axweesantee' nga aaas alo nga oohika ani uu sakwaslemutaka asuma ani na xawiika as muu nguwa sakwaslemuut ala sas muu nguwa ba/amiis. 48 Kwoda ani asi'ii nee axwesantee nga si'ii hee ngu sakwaslemuut i deer /aymuusi na alkiiit an gar ngu sakwasleemuut boloo alhhe'eesa'y. 49 Asuma ani ar na axwees ar baraee kiloseeka' ala a Babaa' kwoda ani a huuw ino's oo kila' ngina oo' ar ni o' nee ar ni axwaesanta aaw. 50 Nee ani a xuu ar na oo ' ino's aslafingw alhhe'eesaa'y komaaka ala ti an ido'r ngir axwees amooriin aleero.