1 Qoomaa'r a qoomar sikuku pasaaka' iwakahhatiti asuma Yesu ngiwa xuu' gidaaba' siwaaro's a iwa tlay baraa' dando yamuka'ee iwa amo'r Babaa' kay na hardat ne ino's muuko's kwihi oo baraa' yaam ngwa lo'or slaa' ar slaarir ki'la. 2 Neetlangw kwa qaroo' amoohhe'ee's baraa' muuno Yuda Iskariote garama Simoni Yesu nguwa saki/i. 3 Yesu nga xuu' ido'r Babaa' moro slee'meero ngwar qaa's baraa' dabaaawo's nee gidaaba' amo'r Mungu' ngin daahh nee male amoor Mungu' ka'y. 4 Inatla'y wa dir mooro /aymaa' inqwariro's ara/eeni ngire hhaa'f yamuwi a/ero. Alo inqwarir nina ngina taataahh ngire tseg afeetloowo's ale. 5 Aloowo' ma'aay ngie qaa's baraa' isangai Eharuuseero's ngire imu/an ya'aahamtlitooro nee ngire fitsiit ner inqwaruro's toda a tseng afeetloowo's i alero'. 6 Ire harda dir simon Petro Petro ina oo' Aako kuung ya'aaee' inhamatlar sla'aa? 7 Yesu ina oo ar ni tlehhiit hindiya kuunga tsahhaka' aloowo a tsa'hh. 8 Petro ire oo ya'aa ee kiw ahamtl kuung ibalo yaa/aandak, Yesu ire oo bar' ya'aawok ihamatlaka ani nee kuun di ku'uuma i ka'hh. 9 Simoni Petro ire oo' Aako aa ya'aa'ee' kiloseeka sleeme dabaa'ee nee saguuene hamaatle. 10 Hee a hhe'ees hamtloro hamatlo ngi male slaika aqoo har yaa kiloiin nee slaqwato's slee'meero ka hhoohhoo' kuunga tunu hhoohhoo ala slee'meeroka oat hhoohhaero. 11 Asuma Yesu ngu xuu' kwoda ngua sakii/ an ga'r isaa oo' aa slee'meeroka oata hhoohhoare. 12 Qooma'r Yesu ngiwahhe'ee's ya'aaiir hatlo'ro nee inqwariro's ngiwa taataa ire male iwiit ngina ba'y aga tsahhi'ii loqa na kuunga' ii tlee'hh? 13 Ani kuunga bir akaa'ka'aa' a kaata intsahhatusmo nee Aako ti aa looeema in kaata' asmuma an idor ani ni dirii. 14 Abar ani kwih oo' Aako nee intsahhatusmo ya'aahung ngina haaatl, kuunga aaa harinda ya'aa' hha eehung kiwa hamtlita'. 15 Asuma slaqaasa'y ngwa laqaam as kuunga sleeme kawa tlehha' nar idoda ani na dir kuunga ii tleehh. 16 Ani a ka'h lawalumo ku'ureeka te Aakowose laqa kwoda ta ya/aaw ku ureeka ' dir kwoda ngwa ya/aawi. 17 Bar kangwi uga tsahh twatsuqu uburtlehhiit. 18 Tiakahaaka as kuunga sleeme asma i xuu kwoda na wagweer ti an an kaa as gooi iwa bo/ toda kaa kwoda mkatumooee' ngwa /aay aa sakii/. 19 Ti ngin imiir hindi wa oo' dir iwatlehhitiika bo' bira tlehhiit kawa haratlintia idor' aning tar INO'S. 20 Ani aa ka' oo ani aa ilaaoh kwoda ani ani ya/aaw ngu ilaaoh nee kwoda ani aa ilaoh kwoda ani a ya/aaw ngu ilaaoha. 21 Qooma'r Yesu kaangsing ooaro nguwa hheee's iri dawiimi baraa' munawose' ire oo' an ka' hee wa'k bra tla/angwhunge ani ii sa kii/. 22 Eharuusero's tireiqytsiti tar kwislit hee danda kaahi aa ma'aa'? 23 Dir mooroo/aymasiye ehauusmoko wa'k atlinti gawaa' de/eboo' Yesu an kwoda Yesu ii slaai. 24 Simon Petro Eharuusmooda nguna yahaa's xaa'y hee' i kaahi a maaa. 25 Eharuusmooda a tlinti gawaa' deleboo Yesu ina oo' Aako a ma'aa? 26 Yesu ina oo' kwoda parhhomita mkatumoo' ii utsu nge haniis mkatumo nguwa utsu nguna hanis dir Yuda rama simoni Isakariote. 27 Alu mkatesiye Netlangw ngunaidah kure ba'y nee Yesu toda ta tlehha'r sla' tleehheek ner gaanslaay. 28 Ta'm ee wa'k i kaahh dir mooroo/ay madeee oo nga tsahh gar kusaidosi ba'y. 29 Bahha' ale kawa xu'ii asma Yuda hee tlakwaa'y Pesaa'r ohahim doqari nguna ba'y morooda sla'amta asuma bolo'r sikuku talaxwang laqa naarkuute qaweek. 30 Yuda mkatumo nguwa sa ilaoh ina ti'iit ner gaslaa'y nee qomaa'si a Amsi. 31 Qooma'r Yuda iwatla'y Yesu ina oo' garma hee alkwa'aari kwa xirfees nee Mungu' kwa xirfees' ar baraa' ino's. 32 Mungu' ku xirfees ar baraa' ino's nee ku xirfees ar ganslaa'y. 33 Na/aa ninaakw ani nee kuunga' deelor ninawe ileleehha' idoda Wayahudi nga bow amor ni kaw xeem aleslera'aaka hindi kuunga sleeme tunu ikosi bobow. 34 Alqado'r /aben ngi haniis ti slaa idoda ani kuunga' tuna'r sla' kuunga sleeme ti sla'ee'. 35 Asuma tiiye muu ngi tsahha ido'r kuunga tar Eharuuseer'ee girti slaa' kunga kilohung umo hee nee kwoqa. 36 Simoni Petro ngur ba'y Aako amo'r ta keer amoola? Yesu ina oo' amo'r ni kaa'w hiniye kuung alesleraka iwa digdeel, ala aluwo idigdeel. 37 Petro ina oo' Aako ihi as umoos gar hindi gidirdelaro us aleslawaka ani slafingweee u haniis as kuung. 38 Yesu ire oo ' tsu bar lo'ee slafingok uqoo' hanisa as dondo ee'?Ana a ka'h k kumo dir ar uiika an kuu ii tlank sagawa tam wa ale.