Tsufa'y Mibaa Nee Tsiya'hh

1 Munawok muelea/aamaar iwa dowimiiti Mungu' ugaheratlinti ani sleeme haratlintiang. 2 Dir do Babooene dir hotaa'r yariir i deer geerho bar idosiyeka nga oo asuma niwadiir amohhe'eesaa'r aw as kuung. 3 Baraa' tlaw nee di baraa' amohhe'ee's nee male kii/ as tunuwa kwaas amor ee' as kida ani ni diirii mosok kuunga' sleeme aa diida'. 4 Amooda ni kaaw uruwaa' a xua'. 5 Tomaso Yesu ngure ba'y Aako amoor ta keera xuanaka idor uruwaa ngir xuaan. 6 Yesu ngure ba'y ani an uruuwa' nee looeema' nee slafiingw hee kahh oo' hardahamu amo'r Babaa' ngu aleeslaw aqoo neer uruuwar ani. 7 Gerho' bar ani i xua gerawo tam Babooe u xua sleeme. Imiir hindi ay deelo slem u dua nee uga qaaro a nde ino's. 8 Filipo Yesu ngure ba'y Aako Babaa' laqaamang daqate tising i bu'uut dirne. 9 Yesu ngure ba'y ani adikwaroke nee kuunga' delo slee'meero nee ebili ani ii xuaake Filipo? Hee ani a a'r Babaa' ngwa ar aa idola idor kuung tar kaat Babaa' laqaamaang? 10 Aya/a/aandake ar gidaaba' ani a Baraa' Babaa' nee Babaa' i brae? Axweesanti ni a moorhuung ooim aooiimaaka asa ani kilooe' ala Babooda barae hoot in gadyerosetlee'hh. 11 Haratlintiang ani gidaaba' a baraa' Babaa' dirii nee Babaa' ibraee i dirii akaaleero haratlintiangas gdiyer' ee ar kila. 12 An kaa kwoda ani a haratlinti gadiye ani ni tlehhit ino's sleeme ngi tlehh neq tam gadiyer ak ur ngi tlehh asma amoor Babaa' kaw. 13 Artaqoofiriinda ar baraa' umooe atlehh as gidaaba' Babaa kuwaxireesi ar baraa' garma. 14 Artaqoofirinde ar ba umooe tisi atlehh. 15 Ani bir slaa' harayar ee a oota'. 16 Nee Babaa' ufiriim ino's ale/isusumoo hatla ngu haniis as iwa dinwa nee kunga daqi slem. 17 Qeeru looeema, mukda aharatliinti'iika ngu ilaohiya'aaka asma ngu ga/ay/aaka laqa ngu xu'iiya'aaka' tam idosiye kuunga ino's u xua' asuma ii dinkwa kuunga nee abarahung ihoataaay. 18 Tunu kilohung gexawaaka nikii/ amoorhung. 19 Qomaar delor ninawe muukyaamuka ii ariaaka male ale ala kuunga i e/eera asma ani a hoot kuunga sleeme a hotaa'. 20 Baraa' delosiye a tsahha ani a baraa' Babaa' nee gidaaba barae diria nee ani a borahuung. 21 Hee haraayar ee' nga ooh nee ngire tleehh kwisi an oo wa'k oo ani slaa' nee kwada ani slaa' ino's sleeme kuslaa' Baboee nee ani uslaa nee ani oo ila' ti laqaam dir ino's. 22 Yuda (kwada iskariotewoka) Yesu nguna ba'y Aako graqa a ila tiit ar tiwa laqamaa'r slaa dir ate'n nee adir mu'kda aa haratlinti'iika? 23 Yesu ire oo' kwoda ani i slaa' nee /aymuee ngwa ooh kuslaa nee Babooe nee ni amooroo's kawaan nee nirehootan dinkwa nee ino's. 24 Kwoda ani sla'aaka hara'ar ee ngi oohiika /aymuuwi ta axaamiisa a kwe'eemeeka ala oo babooda ani aa ya/aaw. 25 Kangwi nguna dirhung ii kaah qomarii niwa baraa' tla/anghung hoot. 26 Tam idosiye ale/isusumo qeeru hhoo oi kwoda Babaa' ya/aawi nr umooee' tunuitsahhatiis kaang slee'meero nee tuntuislawtiis toda slee'meero na amorhung ii alki/iit. 27 Wayda waydoee ngu haniis dirhung nguhanisaka kwih ador kwokda muk yaamuuka ni hanimiisi mnemahung ml dawitimeer awaara nee da'aaye. 28 Aga axaase idoda tunabaaw ani atlaw nee nikii/ amorhuung gerho bir slaa' alog ana qwal/ee' asuma an amo'r Babaa' kaw asuma Babaa' ku ak ur te aniite. 29 Hindi nga daqiioo' dir nar harda tika nee qooma'r bir na hardaat kawa haratlintia. 30 Ar yaariir nee kuunga tu axweesaan kaahh asuma urusumoo yaamuuka ii hi'iit ino's uru ii ko'n ii kaa'hh dandoene. 31 Asuma gidaaba' mu'k yaamuuka' tsahha kawasla'y idoor ngur slaa' toda Babaa' abaay an tlehhiit ani idoda hara'aaya' ngar haniis sihhitari diira agexaawa'n.