Tsufa'y Mibaa Nee Kooa'n

1 Ani aa msabiuu loeemaaka' nee Babooee ana hee sabiibu doosl. 2 Umo halemir barae ar /aamir laqwalimaaka ngin hengee's Nee haleemida laqwaliim ngin fiits as iwa lowaa laqwaal. 3 Kuunga agaaqaaro hhohhoo'aa eere as axwesaanida na dirhungi oo'. 4 Barae' wa iwiiwiitak nee ani aa Barahung idoor haleei ir kilo's laqwalaka biir baraa' sabiibu ii diriiaka sleeme tam kuunga bar bara ee wa hota'aaka'. 5 Ani amsababu kuunga aa halemoo kwoda barae wa hoot daqi slemu nee ani a barao's heesing amu yariir ngu laqwaal asmuma ani ba'r kaahh gartlehharo ta alesleraii ka'hh. 6 Bar hee i baraee netiika' ku kwahha idor haleemi nee ire kah muu halemoo kin burumburikire kwahh baaa' aska nee kiire faa'k nee asla. 7 Bar baraee wa hota nee axwesantie'ee tira barahungu wa hot ar taqosla'aa'aa' firimaak nee kiingi haniis. 8 Baraa' tiye Baboee' ku xirfees asuma /amuu' yaariir kuwa laqwalinda nee as tawa eharuseer ee'. 9 Idoda Baboo'ee' ani ir alai ani sleeme kuunga nuna slaa' hoote wa baraa' sla'aariir ee'. 10 Abar hara ayaar' ee aga ote a hota awa baraa' sla'aarir ee' idoda ani sla'aa riir Babooee' ngar oh nire hoot wa baraa' sla'aariro's wa alero. 11 Kangwi nguna amorhung i oo' as qwal/ooee' iwa brahung ii dirii nee as qwal/oohuung iwa aka bo/ii. 12 Ti an hara'ayaa'r ee' gidaaba' ti sla'ee' kuunga kilohung idoda kuunga tundar slaa'. 13 Hee ii kaahh oo sla'aarir ur ngi koom ar ti ba/aa' gidaaba' hee hootawo's ngiwa hamiisi as mulqeero's. 14 Kuunga' a mulqueer ee' bar toda naa oo' agatleehh. Tunu /akakaa'aaka ner lawalee Asuma lawalmo toda Aakowo's ii tlehhiiti ngi xu'iika. 15 Kuunga tunana /aaka' ner mulge asma kaangwda slee'meero na axaas awa amoo'r babaa' ngwa dirhung xu'uuutii's. 16 Ani kuunga a wagwedi'iika ala a ani kuunga' ani tununa waangweer' nee tununa qaa's as /aam kuwa laqwala nee /aamuhung iwa iwiiwiit (kumamiiti) ti a idori gidaaba' artaqoofirindi'ii diir Babaa' ner umoo'ee' ngiwa hanisi. 17 Kaangwi ngwa alqaadiim gidaaba'ti slaa' sla'ee umoo hee nee hhiyaawo's. 18 Bar mu'k yaamuuka' tuna aahh Xu'aak ani tina geera aahh diir hunga' tunura aahhiika'. 19 Kuunga' geera ba'r oo' yaamuuka alog geera tunu slaa' idor muku'iin asuma kuunga tawa oo yaamuuke'eeka nee asma ani kunga tununawangwr awa bra tla/angw mu'k yaamuuka asuma idosiye mu'k yaamuuka an ar tunusa aahh. 20 Islaawaa'k /ayamuda niwa oo lawaalamo ku ureka dirr Aako woose bar ani ina slehe'ee iisi tam kuunga sleeme tunuslehhe'eemiis bar erho /aymusee nguna oo hiye geera' tam koohungu ngu o hiya'. 21 Ti slee'meero kiingi diir kuunga tleehh asma umoo ee asma ngu xu'ii aaka' kwoda ani aa ya/aaw. 22 Gerho bir na xaawika nee ngire ii axwee's ngera alog i iringer koon aaka ala hingi ga'r tar matiin i kahh baraa'iringer'ine. 23 Oo ani a si'i Babaa' nguna sii'. 24 Gerawo' ba'r gadiyer na tleehh ii kaa'hh baraa' tla/aanguine slanti tam oo wa'k nga tleehh ii kaahh gerho ii iriinger koon' aaka Ala hindi nga tleehhi tsa'r nga ariri nee assi'iiye ani nee Baboo ee'. 25 Ti inatlehharut as /aymuuda iwa boo/ ta gooin baraa' alqadoiin anooin to waakiya tam ga ii kaahh. 26 Qoomaa'r ile/iisuusmo birna harda kwoda ni ya/aaw amorhung oo amo'r Babaa' dahh kwih an Qeeru lo kwoda amo'r Babaa' dahh kaangwee ngu alkii/iiit. 27 Kuunga' sleeme kaangw ee' u alki/iita asuma imiir gerawo ani adinkwa nee kuunga'.