Tsufa'y Mibaa Nee Lahhoo'

1 Ti ngina oo dirhung as mtunuwaa' diqa'y tsat. 2 Tutuhenge's wa braa' mara'y saling haraxuaak siwa ni hardat umoo hee tunutsu/aa ngiwa xu'i gadiyer qoom ngina tlehhit as Mungu. 3 Tisi kingi kuunga ii tleehh as Babaa' nguwa xu'iiaaka nee sleeme ani ii xu'iiaaka'. 4 Ti slee'meero ngina dir kuunga' ii oo as gidaaba qooma bira xeer ar kangwi niwati'iiti ainslera idoda ngar oo' inooin kiwaar ba/aa. 5 Tam hindi aa amoor kwoda aa ya/aaw kaw ala dirhunge ani hee yahaamii ii kaahh oo kah amotakeer? 6 Asuma axweniiri nga amorhungi oo' muneerhung a bats gurhamiro. 7 Tam idosiiye loeemaa ngin kaah gaar qoom ani an quul dishunge asuma braa' qutliika Ale/isusmo ni xaayka amorhuuog ala ani baraa' tlaa'w ngu ya/aaw amorhuung. 8 Ale/isusmoosi kangw iriinge nee gana'aam nee sakwaslema ngu gehho'ee's. Dandoo iriingede asuma ani iigaaharatlinti'iika'. 9 Dandoo iriingede asuma ani iiga haratlinti'iika'. 10 Dandoo ganaaamuwo asuma aa amo'r Babaa' kaa'w ii male andaa'aka'. 11 Nee dando sankwaslemar asuma kwoda oo dandoo yamuuka kwa sakwasleemu. 12 Kaa yariir ar ni oo ar slaa dirhuung ala hingirye aa tsahha'aaka'. 13 Ala ino's Qeeru lo' bir na harda tunu gerhaar baraa' lo eemaa slee'meero suma ar ii axweesi a toseeka kilos ala araa qo aasa's sleeero gni oo nee kaang alu wa xaaw ngu gehho aatiis. 14 Ino's ani xirfees asa kaangwe ee ngun taataahh nee nguure oo diirhung. 15 Mooro slee'meero oo Babaa' ii koon a kwe'ee'. An garmiiska' gidaaba' Qeeru kaangw'ee ngun a taahh nee ngure gehhoaatiis amoo'r huung aleero'. 16 Afuqomaa'r nina gira waarahh ii banda aak alo afiqoomar nina bira male waarahh ii anda. 17 Eharuuseero's bahha ale tina yahaasi Axwenti oo un a umuus qoomar nina ii nan da'aaka slanti qomar nina ianda nee ar gidaaba' amo'r Babaa' kaaw? 18 Tere oo' gari a umoos ii kahi afuqooma'r nina ii kahhatiit? a xuanka gari kahi. 19 Yesu ngina ar idor ngur slaiiya' yahasto ngina ba'y ti kilohuang yahaamisa dando ti niwaakaah afiiqomar ninaye ii anda'aaka' lsanti afiiqoomar ninaye ii andaa'? 20 Ani a' kaah kuunga' a /aa/a wa lo ala mu'k yamuuka ii qwalaa/awalo akurhamuta ala gurhamirhung ka werqees tawa qwalaa/. 21 Hare in gurhamuut qoomar asita xwaylaro' asuma qoomar iwa laqwal na hardat ala na/aay burgwa laqwal, slahha'aamayeda slanti ngi isleraaka asuma qwal/ooda na/aay kuwa laqwal dando yaamu. 22 Kuunga sleeme aa gurhamir konda hindi ala tunu mele ar nee muner hun ii qwala/ nee ii kaahh oo qwala/ohuung hengesao ngu aleslaaw. 23 Baloosiye iyahaasaaka an aa kaah a'r taqofiiriinda amo'r Babaa' ner uoo'ee ngi haniis. 24 Tam hindi agafiitiindi'ika ner umoo'ee' Fiiriime kuunga a ilaa ota as qwal/oohung iwa bo/. 25 Ana axwees amoruungi aleero ar axwanir ta tsatsahhandaaka ala qooma ni hardaat ar niwaaxwesaak neer axwenir toa tsatsahhandaka ala ni axwees neer axwenita geehho dando Babaa'. 26 Balosiye afiirinda ar umooee' slamti mubowaaka tunu aleefiirimu diir Babawo. 27 Asuma Babaa' ino's oo kila tunuslaa' asuma ani inasla'ee' nee asuma igaharatlintie gidaaba' amo'r ni daahh a amo'r Babaa'. 28 Amo'r Babaa' ngin daa'hh nee nina xaaw baraa' dando yaamu slamti aa tlaa'w ba yamuuwo aa amo'r Babaa' kaaw. 29 Eharuseeo's ngunabeer aga'andi alkwi'ii a axees's ner axweriita geehho nee a axweta lu/aareeka. 30 Alkwaaari agatsahhan gidaaba' moroo' slee'meero u xu nee gar hee kuung uwayahaasi ii kaahh asuma ikdoriye agaharaatlintiari ido'r tar amo'r Mungu' daahh. 31 Yesu ngina ba'y alkwaari aga haratiii? 32 Ga/aawa'k qooma ni xeer neehindi na hardat ar kuunga tawa diya/ata' umoo heewo' amo'r oo doiin ani ii kilo ee' geexeera ala ani a kiloemeeka asuma Babaa' ii dinkwa nee ani. 33 Kaangw ngun dirhung ii ooi as baraeene wayda kuwa koonda Dando yamuuwo slahhama'y a konda mamunine siaara ani yaamu igarbaa/.