1 Yesu kangwi nguna oo alo ilawos ngina tlees ngina dawri xu'urs ire oo Babaa' siwa na xeer Garmaawo'k kirfeeseek as garma sleeme kuung uwa xirfeesi. 2 Idoda kuunga garma kura asleslemu ii haniis dando mora slee'meero as ngiwa slafingw alhhe'eesay ko aaka ii hanisi kwoda ta dirosi hanis. 3 Slafingw alhe'eesay komaka a kwi gidaaba' tuwa xu'u kuung Mungu' lo oo kilo's nee kwoda la ya/aap Yesu Kristo. 4 Uga xirfees baraa' yamuwo nee gayedada na hanis ni tlehh nga hhe'ees abu'uut. 5 Hindi alkwa'aari Babaa' ani xirfeeang ndinkwa nee kung ner xirfooda ni koom nee kuunga tawa dinkwa miir yaamu kiwa tlehhika'. 6 Umoowo'k uga gehhotis dir mukda na hanis oo baraa' yamuka ange a mukok alo ngi dir ee ii sayin nee /aymuwok ngwa ohiye inooin. 7 Alkwa'aari nga xu'uuye umoo gar na qo dir ee' hanisi amoro'k ngina dahh. 8 Baraa' axwenida na ani nanisi aga qarohanis dirini aleero nga ilaohiya nee loeemawo nga xu'iiye ar gidaaba' Ani amo'r ni dahh a amoorok nee nga haratlintii gidaaba' kuung an hee ani a ya/aaw. 9 Inooin in aleefiririim dando yaamu ilefiririimaaka ala kwada na haniis asuma inooin a kog. 10 Mooro' slee'meero kwo' ee' a kog nee kwoda kuung ta koon a kwe'ee' nee ani ta xirfees ner orosung. 11 Ani aa kaahh slamti baraa' yaamuuwo' ala inooin ta gawaa' dandoo' yaamu ani Hindi nin amorok kaaw Babooee oo hhoohhoo de'eemeek ner umoowak kwoda na haniis dirten as inooin iwa waklelu'uuma ngiwa kona idoda aten kar koomaan. 12 Siwaada ani tawa dinkwa ne inooin ina de'enm ner umooda kung na hariis ina de'eem tam oo wa'k oo aa awar i kaah aqo har kwoda ta qwaneey harafaar as qooi iwa bo/. 13 Alkwi'ii ni amorook ala ti an kaah wa baraa' dandoo yaamu as qwala/ooee iwa bo/i baraiin wa leero. 14 /Aymuwo'k ugahariis dir un inooin kaa ee mu'k dandoo' yamuuka as inooin awa dando yaauwoka ikoda ani ta'r oo dando yaamuwaka. 15 /i alefirilimaaka kiwa hengee's dandoo' yaamuuwo ala de'eemeek dir tlakusumooda'. 16 Inooin oo yaamuuke'eeka idoda ani tar oo yaamuu ku eeka'. 17 Paratle as looeemaawo'k nee /aymuuwo'k an looeemaa. 18 Inaya/ap dandoo yaamu nee ani inooin igaya/aaw dandoo' yaamu. 19 As inooin anoo kila tina haniis dirok as ne inooin tiwa hanisiya amorok ner baraa' loeemaada'. 20 Aa kooka kiloineeka awa ni alefiririim sleeme' nee kwoda haratlintia as /aymuuin. 21 As gidaaba' inooin sleeme waklelu'uuma kawa kon idor kuunga Babaa' tar barae ii dirii nee ani a bra wo'k. In aletifirim as inooin sleeme iwa baraaren i diri'iiya as mu'k dandoo' yaamu kawa haratlinti' gidaaba' kuung ani ina ya/ap. 22 Xirfooda ana ani haniis ugahamiis diriin As gidaaba' waklelu'uuma kawa koon idoda ate'n tar' wa'k. 23 Ani aa barain kuung barae' as waklelu'uuma kawa bo/eesi as mu'k yaamuuka ngiwa sahhahhe'eesi gidaaba' kuung ani ina ya/al nee kiwa sla' idoda kuung ani ira sla'. 24 Babaa' toda na ani haniis a sla' inooin sleeme tawa dinkwa ne aning dida ani ni diru as kirfooda na ani hanii nguwa ar ya asuma kuunga ani ina sla' imiir yaamu kiwa ihhafiika. 25 Babaoo ganamu koom, muk yaamuka kuung tu xu'iika, ala ani kuung uu xuu' nee ngi xu'uuya gidaaba' aning kuung ina ya/ap. 26 Umoowok uga geehhoee' kuwa xui as gidaaba' nee male geehhoutis as kuwa xui as gidaaba' sla'arida ani kuung ar sla' masok in baroain nee ani mosok an braain.