1 Aluu Yesu /aymeriika ngiwa hhe'ees oaro tana tlay nee eharuuseeroos amo'r tlapar kidrooni amode na/aari ideer ino's nee Eharuuseero's tere baradi dah. 2 Alkwa'aari Yudoda Yesu ngusakii/maa'wa sla' ino's sleeme dising ngi xuu asuma Yesu iqoo diri daakaay delor yarire ino's nee eharuuseero's. 3 Yuda aluu daqta askaari ngiwa slay nee wawutoo uren wa dir uruseer makuhai nin hardihi tsa'aaso'r kona nee tochay nee xoosluu slaqwara. 4 Nee Yesu ino's ngi xuu umoo gartlehharuut gawaa' inose ire geraiin i ti'iit ngire mahaas, "Hee ta lelehhita a ma'aa? 5 Inooin tare oo' "Aa Yesu oo Nazareti" Yesu ngire ba'y "Ani an ino's" Ino's Yuda kwada Yesu ngwa sakii/ ino's aa sihhiit dinkwa neee askaarida'. 6 Nee ngiwa ba'y, "Ani an ino " tare kic/alu tare hahu'uun yaamu. 7 Ngire male amahaa's, "Hee ta lelehiita aa ma'aa? Inooin kure ba'y. 8 Aa Yesu Nasareti " Nunaqaroo' baw gidaaba' ani an ino's gawaa' tihe hee' ta ee lehhiita bar ani koko hatla. mawaak i tlaye. 9 Ti an idosi as /aymuuda iwa boo/i fada iwa oo'; "Baraa' kwada na hanisi tam oo wa'k u gwa qwaresika. 10 An dir Simon Petro kwada pagar koom panga ngire uruux nee iar sagadiyusmoo Kuhanida ur ngire tsa't iar dakw /iya'y. 11 Yesu Petro ngure ba'y pangarok ki/ise baraa' tla kwewo's ihi gar ngi wahaka isangaiir Babaa' na ani haniis? 12 Nee daqataada ar askaari nee urusumoo iin nee sagadiyuudeda ar Wayahudi Yesu kun o'h ngwe tseegi. 13 Ngure ala huuwi ee amor anasi asuma ino's a baboo haree dir kayafawo kwada urusumoo ur kur kusiiye. 14 Nee Kayafa a kwada haraa aaya nga haiis dir Wayahudi gidaaba' a tsini hee wa'k iwagwai wa dandoo muu slee'meero. 15 Simoni Petro Yesu nguna digrdel. Nee eharuusumoo hatla sleeme aqodoosi, nee eharuusumooda ku xuu nee kuhanida ur nee tare aldah ne Yesu ee bra efeeniir do kuhanida ur. 16 Ala Petro ino' i sihhimit wa aluu' mlango wa barta afeeni alo eharuusumooda nee kuhanida ur ti xa ina ti'iit afeeni hareeda afuko doo' xuu'm ngire ii axwee's Petro nguwa daha's ngure dahaa's barado. 17 Alo hareda afkko doo xuum Petro ngure beer kuung aqo hee wake kee baraa' eharuser heewiye? Ino's ire oo aniheeka'. 18 Sagadiyuseda nee uruse ta dida wa shhimit asla nga oohiisir asuma tsaqwa i deer nee idosiye ta aslta axwaaneemiis as axwnay kuwa slay. Nee Petro i diisi sleeme astla axwaaneemiis ar sihhitino. 19 Kuhanida ur Yesu nguna yahamii dandoo' eharuuseerose nee itsahhatisaroose. 20 Yesu ir oo uu slee'meero unaia xwees ner gehhooeema. Ani anaitsahhatii'iis umoo siwaaro awa baraa' maree' salingw nee baraa' doo Mungu' dida Wayahudi Iburumburmaamit. Nee ani ar na oo ar sasahha ii kaah. 21 Ihii ma's ani iniyahaaiisa? Yahasaak kwada axamisa dandoo toda ani na axwesi mu'ksi ngi u'iiya toda ani na axwees. 22 Yesu idosi ngiwahhe'ees ooaro ao wak baraa' uruseero koko sihhimiit Yesu nguna tahh ner dakos nee' e oo idosi an idor kuhanimo ur kubeta? 23 Yesu ire oo bar ar tlakw na oo ideer itsi tlakw oaang bar gar tlakw na oo i ka'hh hhe'e' a mila gara asa tahh? 24 An dir anasi Yesu nguwa huuw amo'r Kayafa kuhanimoo' ur imaratsegamoor ii dirii. 25 Qoariiye Simoni Petro i sihhimiit ti kilos axwaneiis alo mu'kda nguna ba'y kuung oo wakeke baraa' eharusrose? Inatank ina oo heesi aa ani yeeka'. 26 Hee wa'k baraa' sagadiyuseda ar kuhanida ur ino's a hhiya hhawatoda (kwada) Petro a iia tsaa't ina o heeda kuungeke naa ar baraa' quutlada nee ino's? 27 Petro ina male atlank qomaasir kila e' kokumo ire hara uu'. 28 Aluuwo' Yesu ngunar tla'ye wa doo Kayafa ay baraa' boomar ur qoomasi a matler' b oo. inooin na dahi'iika baraa' bomada ure as miwa meta gwi pasaka /aymaro. 29 Gawaa' idsiye Pilato ngina haradaqay ngi baba'y kwaslemar dando neewi a milaa? 30 Nguna baaye heewi gerho bar moro slasla/areen tlehhitika gerho ngwa huwaniika amoorook. 31 Pilato ngire ba'y artlawaak kungo kila sakwaslemutaak ar hara'aayarhung idoda i diri'i Wayahudi tare oo' haraayare'n gasar hee ngi kataka. 32 Idori ngina oiiye as /aymuda Yesu a oo' iwaabo/ /aymuuda a qaroo' oo' dando gwa'aarar ir gwaai. 33 Alo Pilato ina male dah baraa bomada ur Yesu nguna /akaa' nguna ba'y xa'y kuung a wawitumoo' Wayahudiro? 34 Yesu ina oo' gar isayahaa's asma kuung kawa xu'uutir sla'aa? Laqa asma mu'k hatla' kung unaya/aa'w as ani iwa yahaa's? 35 Pilato ire oo ar Myahudiwoka laqa aa idola? Xooroorog ar kila nee kuhani ur kung tuna amooree' i huuw gar ta tlehh aa milaa? 36 Yesu ire ooo' wawiti'iima'r ee' ar dadnod yamukaa'eeka, geraho wawiitiiimaree' bir dir koon baraa' yaaamukeee' alog gerho sagadiyeser ee' ani ii aleslaqwa as tiwa hanisiika dir muk yahudi loemaawo' wawiiti'imar ee' ar dando yamuuka eeka. 37 Pilato ngure baye xa'y kuung a wawitumoowo'? Yesu ire oo' idosi kung ta kat gidaaba' an wawitumoo' asuma tihe ani tinalaqwal nee asuma tihe ani nina xaaw baraa' dando yaamu, as loeemaada ngiwa oo 'heeqo baraa' loeea ii dirii afooree ngi axamiis. 38 Pilato ngure ba'y loeema a uos? Nee idosi ooaro ngiwa hhe'ees ina tlay amo'r Wayahudi ngire ba'y dakusaa'r heewi a araaraaka. 39 Kuunga' unukoo u kwodnda oo ani hee wa'k nguwa gweer qomaa'r Pasakuwo' amoor huungi alero xaa'y asla'aa' wawituumoo Wayahudi nguwa gweerir? 40 Alo taanaa uu ta hahi a kwisiyeka Baraka na gwerang nee Baraba nee moro muu qwatliit.