Tsufa'y Mibaa Nee Gwaleel

1 Askaarida laqaya kina marmaar nee slamangw ngure tlehhi. 2 Ngure qasiiye gawaa' sagw Yesu ngure tsitisiiye ar tlawuu' sirda/aat. 3 Ngunai daqqaye nee ngu babayea kuunga wawituumoo Wayahudi nee sleeme ngurna difiiye ner dabaiin. 4 Aluwo Pilato ire male ti'iit afeeriri alero ngire ba'y ga/aawaak heewi ngu amorhuung ii huuw as kawaa xuaa gidaaba' ani dakuusar ni ga/aaw ii kahh barawose. 5 Gawaa' idosiiye Yesu ire ti'iit afeeniri aleero hhaaangwda ngwa dahaa's nee tlauda sira/aaat aluwo Pilato ngire ba'y heewi dirii xuuxuuaak'. 6 Idoosiye siwar kuhanida ur nee useer hatla Yesu nguwa ariiye tana uu ta kahi kikiie' kikiieek. Pilato ngina ba'y artlawaaka kuunga kila kikiiak asuma ani kakuus a ga/aawa'ka barawwoose. 7 Wayahudi Pilato nguna bayee' ate'n Hara'aaya a koomaan nee as hara'aayasiyae gar i hariin gwa'aara asuma ino's tina garma Mungu tlehh. 8 Pilato axwenisi ngiwa axaa's ina ak daiyuut. 9 Inadaha baraa' boma male ale Yesu ngure ba'y kuung amo'r ta dahh? Ta'm idosiye Yesu gar a oo i kaahh ina xaslit. 10 Pilato ina oo kuung naas xaslimiit maas axwsaka kuung a xu'aake ani ido'r nir aleslemu koom ouwa gwer nee uwa kikii? 11 Yesu ina oo' kuung /uruu ta koon ii kaahh dando aniiye burkunga hanisika wa gawaa' kwada ani a mo'r kuung ii haniis iringer ur ngi koon. 12 As xweniiti Yesu a ooi Pilato ngina slaa' Yesu nguwa gemaa'y Wayahudi idosi kawa tsahha tana uu ta kaahi uburaemeer kuung mulqima ii kaahh nee wawitumoo Rumi oo qokaah ani a wawutumoo kwisi a wawitumoo Rumi ngun waqawa'aqa. 13 Pilato axwenti ngiwa axaas Yeu nguna afeeniri buaw aluwo ire iwiit bara kitangw sakwaslema dirka a bay sakafu ala bara tsitriri kiebrania Gabaatha. 14 Delo'r amohe'eemuso Pasaka iwa harda qomar' ooar lahoo' Pilato Wayahudi ngina ba'y qaytsite wawitumohuung kwi diri. 15 Tana uu hengeeseek hengeseek kikiieek' Pilato ngina ba'y wawitumoohuung un kikia? Kuhanumoo ur ina oo' ateen wawitumoo u komnaka aqo har Kaisar. 16 An dir Pilato nguwa haniis amo'r in as kuwa kikii'i. 17 Inooin Yesu ngure ar tla'y nee Yesu ina ti'it msabaro's nga gagaar e dida ta baba'y Farta saga baraa' sfiriir Ebraniaro Golgota. 18 Yesu ngure kikii'iiye ino's dikwa nee Hhawate tsa'r o wa'k barti nee oo hatla barti nee tla/angw iin i dirii. 19 Aluwo Pilato slo/i ngire gooin ngire qaa's gawaa' msalaba baraa' slao/siye gar ta gooin YESU NASARETI WAWITUOO WAYAHUDI. 20 M'uk yariiri baraa' Wayahudiro gooisi ngina so musiye asuma dida Yesu kwa ii kikii ka tseew dir gixsa gooisi kana gooin ar tsifirir kebrania anee ar kirumi nee ar Kiyunani. 21 Aluwo uruseer makuhani nee uruser Wayahudi Pilato kure ba'ymagoimaar wariumoo Wayahudi a ino's ina oo' ani a wawutumoo' Wayahudi. 22 Pilato ngina ba'y ar na ooim aga gooim. 23 Askari nguwa hhe'rrsikikiiaro talabawo's ngire qasmisi daqo tsiyahh umoo askarumowo dakta wa'k nee kansu sleeme ala kansuda kwa hiritiika i dir wa'k i di'riii iir gawaa'. 24 Aluwo tare kiloi axwee's tare o utehisanaaka tsawdo an tlehhan u aran o ma'aa ti inatlehharuut as toda ta oo braaa' gooiro iwa bo/ toda ka'inaqwaroee' nguan qasmiisiye nee tlawuee ngure tsawdari tlehhiye. 25 Askari kangwi nguna tlehitiiye, Ayo'r Yesu hho'oor ayiro's Mariamu har kleopa nee Mariamu Magdalena Tiyeeka na sihhiye bihhi msabar Yesu. 26 Yesu ayiroos ngiwa ar nee eeharusumooda a slaa' ki haratsew dir msalabar Yesu' roos ngina ba'y Ameeni qaytsiit areek grmawok kwi dirii. 27 Aluwo eharuusuumoda ngure bay qatsiit ayihuung ti dirii. Imiir siwasi eharusumoda ayoda nginar watl amo'r do'o's. 28 Alu tisiye asma Yesu ngi xuu idor kaa slee'meero ar qoon as gooi iwa bo/ ina oo aga waxiit. 29 Xoslumooko a hatsi difairo qarqare kwa didi qaas. Aluwo warqamoo a hats difairo qarqare kure sihh halemir Hisopo ngure qasiye baraa' afko's. 30 Yesu ngiwa tsaq ire oo avuut alo sago's ngure mahhatiis munawo's ngure sayiin. 31 Asuma qomasiin tawa qoomar tiwa amohhe'eeisiya ne asuma slaaqo u'k a qatl kislaiika iwa msaladu ii metiya de sabatoro asuma sabato a delo'r ur Wayahudi Yesu nguna Fiiriine yaa' mukda ta kikii'in iwa tlaqi nee slaqooin kiwa awersi baraa' miisalabaro. 32 An dir askari niwahardat nee hee gera kure aa' tlaqa nee oo tsa'r sleeme kwada ta kikii nee Yesu dinkwa. 33 Tawa harda dir Yesu a qaroo gwaa' ngwa ya'aa' geqayka'. 34 Tam nee idosiye askarmoo wa'k Yesu nguna muut bihhi ale ar lawala nee ma'aay nee tser nire wa/iiye. 35 Kwad ti nga ar nga oo nee tisi ii kahi a looeema nee ino's ngi xuu' gidaaba' ar a kah alooeema ar ngua sleeme kawa haratlintia. 36 Ti slee'meero inatlehhit as /aymuda ta oo iwa bo/ tam fartos ar wa'k ta geqaa'y ii kahh. 37 Slamti goiir hatla i kat kwada na muutiyi ngu ariiya. 38 Alu xangusiiye Yudufu armatayar dahh asuma ino's tawa eharusumoo Yesu ala ta laqanika nar baraa' gehhanto asuma Wayahudi ngiwa da'aayuumiit Pilato nguna firin gidaaba' slaqwta Yesu ngiwar tlay. Nee Pilato ire ya/aan Yusufu slaqwata Yesu ngire hengee's. 39 Alo nee Nikodemu kwada bologera Yesu ngwa amsi haradaqa'y sleeme nina harda. Ino's moyangw haragawiir manemane nee udi ngina huuw har qomoo ratili tsiru wa'k. 40 Baraa' idosiiye inooin slaqwata Yesu kaa taata kare tseeg bar inqwariir ta tlehh ar kitani dinkwa nee moyangwda idor an idor mu'k Wayahudi tlehhahhiti qoomar folko. 41 Dida Yesu kwa ikikii qutla ii der nee baraa qutladae baar /aben ii deer arta hee i fooliika'. 42 Asuma tawa delor Wayahudi tiwa amoohheee' miis nee asma baada ka disi tsewslaqwata Yesu kare qaas baradi aleero.