1 Matlatler bo/ balor geera bara wikiiro imi i bo/aarii kahh Mariamu Magdalena nina amoor baar keer iwa qaytsiit tla/aada ka hengee's afukoo ba'aaro. 2 As idosiye ina ti'iin amo'r Simon Petro nee amo'r eharusumooda oo hatla Yesu a slaa alo nina beer Aako ngwar tlayeer bra ba'aaro ateen a xuaanaa' ka diir ngwai qatiiye. 3 Petro nee eharusumooda oo hatla tana talay tana amo'r ba'aar ka'y. 4 Slee'meero tana alti'iin nee eharusumooda oo hatala ina ar ti'iin te Petro ire beera harda diir ba'aa'. 5 Ire sihhiit nee aluwo ire qaytsiit baraa' ba'aa inqwaruda ta tlehh ner kitan ii hatla dirii ala a dahiika baraa' kurooda. 6 Aluwo Simoni Petro inaharda iree da'h baraa' guroo ba'aa. inqwariida ar kitani ii dida i dirii. 7 Nee warqamooda ta sagos ar tseeg ii dikwaaroka nee inqwardar kitaani ii bihhi dirii kilo's. 8 Aluwo eharusumooda oo hatla sleeme ire da'h baraa' guroo ba'aa nee ngina ar nee ire haratlinti. 9 Asuma te eqoomaasiye toda qooi'i koot nga balo tsahhi'iika gidaaba' Yesu harimaro aqoo nimale wasloo baraa' mux yaamu wa alero'. 10 Aluwo eharuseeda tana watl slami amo'r do'iin. 11 Tam idosiye Mariamu ii sihhimiit wa dir ba'aa ii /aa/amiin siwar iwaakumiit /aa/eewo inasihhit alo iroqatsiit baraa' ba'aa. 12 Malayker tsa'r ngina aand slaqsiiyo ki/awaak na iwiiti o wak amorsaha nee o hatl amo'r ya'aa dida ang slaqwta Yesu a ii qa't. 13 Malaykeda tana oo /ameen a mila maas /aa/aiin? ino's ina o' asma Aakooee' ngwar tlaye ani axuaaka' dir ngwa ii qaasiye. 14 Tisi ooaro nina hhe'es ire aluwi warqeer Yesu ngure aand ii sihhimiit ala ngwa tsahhiika idor tar Yesu. 15 Yesu sleeme ngina ba'y Aayo a mila ma /aa/amiin? Hee ta leelehhiit a ma'aa? Ino's gerho ngiwa xu a hee qutlar amohhe'eemamiis ngure beer Aako bar kuung inartler ooaang dir kwa ii qaa's ani u leehh. 16 Yesu ngina ba'y Mariamu'. Ino's ina wargeer ngure beer ner tisfirir kiaramu Raboni gidaabaro's malimu. 17 Yesu ngina ba'y ani mii kwatiitaar asma aa tsa/aamiika amo'r Baboee nee sleemeko a Babohuung, Mungu'ee' nee Mungu'huung. 18 Mariamu Magdalena eharuse ngire beer Aako uga ar nee toda nga ba'y ngire diri'iini o'. 19 Xweraxu'ii boloor geera ara wiiki nee tsufa'ydo kwa tse'gi as Wayahudi kawa daiyumiti Yesu ninaharda ire sihhiit baraa' tla/aawiiin ngina ba'y Wayda masok in dirhung. 20 Idosi ooaro ngiwa hhe'ees dabawo's nee bihhiwo's. Nee eharusee Aako kuwa ar ire qwala/iiye'. 21 Aluwo Yesu ngire male ba'y wayda masok i dirhung ikoda Babaa' ani ar ya/aaw ani kunga sleeme tunuya/aaw ner idosi. 22 Yesu idosi oo aro ngiwa hhe'ees ngire i hiisl ngire ba'y qeeru hhoohhoo ilaoohaaak. 23 Kwoda irii nger'iin ta gurtlere ka gurtlay nee kwoda ta tsege ka tseeg sleeme. 24 Tomaso oo wa'k baraa' kwoda mina nee tsa'ro kwad ta ba'y didimasl (Dangmo) i dinkwaroka nee eharusee qoma'r Yesu niwa harda. 25 Eharuseedar hatla nguna beer Aako uga araan. Ino's ngina ba'y bar mulkeda oo misumara'y oo baraa' dabawose bura ariika nee ditsa'ee bira qasiika baraa' mulkesi nee sleeme daknw'ee bura qasiika baraa' gwehhamowoos a ya/aamaka'. 26 Alu deelor' dakaat iwa waraahh eharusee ta braa' do'i dirii male alero. Nee Tomaso sleeme i dinkwa neee inooin, tsufii do ka tseg Yesu ina sihhiit tla/angw'iin ngire ba'y wayda masok di rhu'ng. 27 Aluwo Tomaso nguna ba'y ditsak huwana dabae xuxuue dakok huwang qaaseek baraa' gwehhaoee' kuung maso'k hee haratliintaor wasleka maso'k hee haratlintaor koom. 28 Tomaso ina oo' Aakoee' nee Munguee'. 29 Kuung asuma iiwaaand anaharatlintii katsuqu kwoda a ri'iika nee aharatlintii. 30 Alo Yesu slaqasi'i ya'riir ngina tlehhiit eera eharusseero's ot gooiniika baraa' kitavuwiye. 31 Ala ti kanagoin as gidaaba' kawaharatlintia gidaaba' Yesu an Kristo garmao Mungu' nee bura haratlintie lafiingw kuwa koonda ar braa' umoowo's.