1 Alu kangwsiye Yesu tina male gehhoes dir eharuseero's baraa' tlawiita Tiberia idori an idor tiragehhoee's kilo's. 2 Simon Petro nee Tomasoda ta baba'y didima's (Dangamo) Nasanaeli ooka nar Galilaya nee daqay sebedayo nee eharuseer tsa'r ar Yesu. 3 Simoni Petro nina ba'y a smakir o hiiw aw nee inooin nguna ba'y ateen sleeme ti komaan nee kuung' tinakonee tanadah baraa' malalimo ala amsisiya slee'meero tam gar na slayee' ka'hh. 4 Matlero ini iwa/awakur Yesu inasihhiit afee tlawiiti alero nee eharuse kwa tsahhika hee tawa Yesu. 5 Alo Yesu ngina ba'y daqaa'y gar /ayma ta konda i deero? Inooin tana oo' ii ka'hh. 6 Ngina ba'y baratsufehung /etisaak barta /iyay ar malalimo daqate samaki aa slera baratsufa'y ngure /eetisiiye uruxato ngure harslaqati asuma yaremaa' samaki. 7 Alo eharusamooda Yesu a slaa' Petro nguna ba'y nee Aako nee simon Petro ngiwa axaa's gidaaba' a Aako. Inqwariro's ngina tsita hhe'ees (asuma gerho nga tsitahhe'eesika), alo ire akuut baraa' tlawi. 8 Eharuseedar hatla nina hardihiye ar baraa' malalimo asuma kiqosaweka dir yaamu kahare aqo harqoomo miita tsiru wa'k tlemu afku tlawi nee inooin ta baraa' tsufey uruxuun asuma a hatsi smakiro. 9 Iwa ti'iitiyee afetlawi aslata gilaor koom ngina ari nee sakamo nee mkate ka gawadi qaa's. 10 Yesu ngina ba'y samakisi na ohinde hindi bahhahuwaare. 11 Simoni Petro ina tsa/aan baratsufeda ngure uruux kwada hats samakir ure'n tsiru nee miiberi kooan nee tamu tam ka ala yariire baratsufeeda a feehhamiitiika. 12 Yesu ngina ba'y qwalasare A/ii watlesaak. Tamoo' wak ii kahha baraa' eharuuserose oo ngwa qiitl yahasto kuung a ma'aa? Nga xu'iiye idor tar Aako. 13 Yesu ina amorin ka'y makatumoda nguna tatahh ngure hariis, smakida sleeme ngina hariis. 14 Idori a ki/iimaa' tam Yesu tiwa gehhoee's dir eharsero's ii alero alu niwawasloo/ wa baraa' mu'k a hha'n wa ale. 15 Alu afii ngiwa watle siye. Yesu Simani Petro nguna ba'y Simon armaa Yohani ka'y ani kuung ii sla'a kooka' ba/a? Petro ina oo' ee Aako, " kuung a xu idor ani kuung ur slaa' kunaba'y nee Yesu delay bee/angw'ee' aymiiseek. 16 Nguna male ba'y ki/iima tsare Simoni garmaa Yona ani kuung iqo sla'a? Petro ina oo "ee Aako kuunga axu idor ur slaa' kunaba' nee Yesu bee/angw'ee de'ee'meek'. 17 Nguna male bay ki/iimaa tame "Simoni garmaa Yohani ani kuung iqo slaa'? Petro kurhami ngure eer as idoda kuwa yahaas ki/iima ta'm kuung ani iqo slaa nee ino's ina oo Aako kuung umoo gro a xu axu idor kuung ur slaa'" kure ba'y nee Yesu bee/angw'ee /aymiiseek. 18 Ani a ka'h qomar tawa garma aa itsahhan inqwar kuwa kilog dahaiis nee amo'r kemuno ta sla' an keer ala balo baraa' diin, dabawok in tumu'uus nee hee hatla' tlabawok nin dahaas nee ure huuw amo'r kemuwota sla'aaka. 19 Yesu idosi ngina oo as ngiwa Laqaan gwa'arar Petro ir gwaai ar Mungu' nguwa xirfeesi. Alu tisi ngiwa oo Petro nguna ba'y "ani digriidelang. 20 Petro ina waraqay alu eharusumooda Yesu a slaa' ngure ar ngina digirdel kwih ana kwada atlinti'ii gawaa' de/ebo Yesu siwaar moro/aymar xwedu nee ngwe yahaa's "Aako a ma'aa hee kuung u sakii/?" 21 Petro nguna ar Yesu ngure yahaas Aako kwi idor ii /iisi a idola? 22 Yesu ina oo bar slaa' iwa slafi e dir aninji harda kuung gar uhuuw a mila? Ani digir delang. 23 Axenti ina diyaya/at tla/angw hhae slee'meero gidaaba'eharusumooda ii gwaiika hhe'r' Yesu a ooiika ii gwaiika, "Abar slaa' iwa slafi ee ani dir ni harda ma har kuung. (kuung gar u huuw) 24 Kwih an eharusumowi kangwi alki/iit nee sleeme an hee kangwwi ngwa gooin nee a xuan alik/ii tuwo's idor tar looeema. 25 Yesu moroo' hatla oo a tlehhiit ku yariir gerho bar umoo garo kana gooin ana ga/aw tam yaamu sleeme ii bu'uutiaka kitabemasiiya ta gooin qasaro.