Tsufa'y Tsiya'hh

1 Gilaa nee tlahhi baraa tla/angwhunge amo'r dahh a amola? Di niwa tletlee'r abara ilatleridaeka tlakw ni brahu'ng dahh toda slaqwarar hubiim baraa tla/angw dinku'umar mukuhu'ng? 2 Gada ta konda aaka'n an ilatlerusa, an tsu/uta gada slawto ta aleslera'aka an alti'iinda tin difa nee an qilinda, nee slimi aslera'aaka'n kuunga a Mungu firirnda'aka. 3 A firiirmda nee akasleri'iika'n asma an firirinda asma moroo tlakw, kahho kuwa huba baraa ila tlerirhu'ngw toda tlakw. 4 Kuu'nga oo fuquuse a xu'a'ake hhiya uma'r dando yamulaa taa wakari dir Munguhe? Gawa idosihe umowohewo kwada hhiyauma'r dando yamuka nga ya/an tin kilo's wakariri tlehhit dir Munguhe. 5 Ka xuaa goiri i ga'r dondake ti kah qreuu hhohho oo ta barare'n i qaa's i tlomu kon lo wa ale as kuunga? 6 Ala qemu Mungu' ngu lo wa haniniis an ga'r goi is kat Mungu' heda dara/am ngun si ala qemu ngun haniis dir heda ta ninawes. 7 Gawa tihe tihanise dir Mungu netlangw aleesi'aak ino's tunu ilaqoow. 8 Sape amo'r Mungu nee ino's sleeme nin amorhu'ng i tsewu'y daba'ahung hamatlaak, kunga kwasi tlakweema koma nee oo badu tsa'r koma. 9 Gurhamute tsunguumise ner /a/ee qasengw hung warqesak tawa gurhami nee qwal/ohungw tawa tsunqumis. 10 Ti kilohungw ninawese dir gera Aako nee tune tles gawti ale. 11 Hhae miti kalohung dandemo axwesara Hee hhiyawo's ngwa danda axwees laqay hhiyawo's ngwa sa kwaslemuti nee goi ti kona'aka ino's goi ngin as kwa sleemut, goir Mungu baraa as kwaslemuye, goi a i la, wa/a/aaka'n. 12 A wa'k kilo's kwada hara aya'r duxuut a Mungu' an kwa aleslemu koo'm oo hee ba/amiisaro laqay nguwa hhamisi, kunga a ma,a hhiyayawog kuwa as kwaslemut? 13 Ia qasaak kuunga kwisi kaha' bili laqamotlo a tsawaan baraa ayako nee kurungire mosi wa faak ar iwa moroo werimisi ngire ga'r wa sla'y. 14 Hee ngi xuu ar motlo ti'iit a ma'a hotahung a ga'r mila? Asma kuunga slaqas nee qai ar warahh qomar ninawe aluwo ire qwad. 15 Gera iwa oi "aba'r sla'arir Aako a hotaan ti nee toqa ngire tlehhan. 16 Ala hindi kuunga tin kilohungw xirfemisa wa gawa moro hu'ng oo ta qomeresa, tisi sleemeero slasla/aru. 17 Gawa idosihe dir kwada ngi xuu' loema tlehharo ala ngi tlehhitika'a dirose gasi a tsakwema.