1 Daqar qwalasini /a/amise ner a tor ure'n asma slahha amayer hi'iit gawai wa ale. 2 Daqari'iimarhu'ng ka hhitin nee tlaba'ahung ka /ay nee sisibu. 3 Sahabuhung nee pesa'r hunga tlaxo nga dakuu's hhiturutaro's kuunga a anda nee slaqohung kin /ay ido'r asla qasirhung a ka qase ay boloo alhhe'eesay. 4 Qaltsite, bu'utu mukda a gadiyus baraa qaymo'r wa ale kwada ta bu'uka'n /a/amina'r nee /aee in a harda hiye dir geeara Aako slagwara. 5 Anahote baraa yamuwo ar moro hoo kuwa /aya kuunga kilohung tina metimise asma deloda ar hunuwa siqiti. 6 Askwasleme ana tslehhe nee hee gana'amu koo', unagase kwada, ngi aleslawaka'n tunu wa alesi. 7 Gawa idosihe qitle hhae ay dir ki/imaa Aako ido'r dostutumo balango's ngur damana'a wa baraa qaymo in damara'n ner qitla ay dir tluwayda oo geera nee oo alhhe'eesay i tluwi. 8 Nee kuunga sleeme qitle munerhung gawdesak asma bo/o Aako niwa ki/i naa tsewur. 9 Hhae miti kilohung as qunu/ara' qaytsite as kwaslema ma siawara as idosi asma heda kwaslema'r tlaq maa harda dir afko do. 10 Hhae, slaqasewe slahha'eemis nee qitla dir mulada oo oruseda a axwee's gawa dando umo Aako. 11 Qaytsite kwad naa qitli in babawan an mu'k .o qitlo Ayubu uka axase nee gada Aako a tlehh dir Ayubuwo kuunga xuu'a nee a har iaola Aako ira haats gurtlemuwo. 12 Hhae ee baraa moro sleemeero kuunga miti /u'umisara ne'r dawri laqa yaamu laqay ne'r lo'or hatla ala kuunga baraa umoqo garo garta kata a "ee" laqay a "a'a" as kahho ma dahara askwaslema. 13 He dero oo sla'amoaye'r koo'm baraa tla/angw hunge? Hariin iwa firirin he i dero oo qwal/oo koo'm? da'angw ngu dai. 14 Hee ideero baraa tla/angwhunge oo tiq? Bariser kanisa ngi ateeti, daqane barise'r kanisa ngu aleefirine ngwa di/ita'r slikiya's her baraa umo Aako. 15 Nee firor haratlintao tiqitusumo ngu hhoe's nee kutlees nee Aako, nee aba'r tlakwema nga tlehh Mungu ngu gurtlay. 16 Gawa idosihe tlakwemahung hho'iimaak tiwa alefiririnda umo hee nee hhiyaso's as kahho tunuwa hhoes, firor hee gana'amu koo'm i /uru koon. 17 Eliya a hee ido'r ate'n ino's inafirin asma tluway miwa tluu nee tluway ir tluwiyka'n ay qomar kurer ta'm nee slehheri lahho. 18 Nee Eliya in male firin ar tluway iwa tluwi dawri tluway ngun ku'uusi, gawa dando yaamu nee balangw ire hama'r 19 Hhaeee' aba'r hee baraa tla/angw hunge ibira ti'iit baraa loemawo, ala kwa'y ki/is nee hee hatla, 20 xuak heda hee tlakwema koo'm ngwa ki/is wa bara urwada ar tlakwema muno hesi ngu tu/i wa bara gwa'ara nee tlakwema hesi ka gurtlay as heda hee ngwa ki/is.