1 Hhaeee oo yarirekan dirhunge oo harima tawa itsahhatuse asma xua ar gidaaba baraa tihe askwaslema'r yarir a ila o haan. 2 Asma slee'meero a dakumisaan baraa urduu' yarire, abr hee dukutsumo ngwa slaykaa'n slaqwato's sleemeero ngi aleeslai ila/aro. 3 Ala aba'r tambay un qamimaan gawa afe'r daqawaaye nee tunure tada ta tlehhitaan ngire dagidaliya nee slaqo in in warqemisan ne'r tambeesi. 4 A xuan meli tam ka ala ure slimi kan tliwi/in nee tur'ar yarir gar ngi hi'iitimis a gar ninaw heda ngi nadiit amo'r ngir slai tinir ka'y. 5 Baraa idosihe tsifirangw a diqita wa'kk ar slaqwa ala ti xirfeemiis ner' moroo uren oo yarir nee sleeme darmoo' yarir iya/an kuwa da/i nee tsisita ninaw. 6 Tsifirangw sleeme a asla, a ayako a haats tlakwemawo, kwaa qaa's dinkwa hee diqa'y baraa slaqwataren kwada slaqwa sleemeero ngi hhitim ngire qaa's gawa sla nee ino's sleeme kure kwahh baraa asla alhhe'eese komaka'n. 7 Umowo makakito'or baraa sla'ato, tsir/or moroo moraroq nee moroo baraa tlawi kude'en nee hee. 8 Ala hee tam oo wa'k in kahh oo tisitirango's ngu aleeslaw de'eengo a tlakwema' bo.o xaslita'aaka'n, inaa qarka gwa'ara'r wa haats. 9 Baraa tsifirango Aako unxirfeemisaan nee Baaboren ne'r tsifirangw si oo kila mu'k ta tlehh ne'r slaqase Mungu in lo'or i hubimaan. 10 Baraa tsitifanw si oo kila ga'r ti'miit hhaee morowi i qonka ta idoori. 11 Xay kutlita wa'k ngi aleeslera'ng malee hho ngiwa dux nee ma'ee talak ngire male dux? 12 Hhaee'e xano tini iya.anda /amuu seitni nguwa laqwali laqa'y sabibu na'aa tini ngi aleeslaya'ng laqwalaro? Sleeme tsinqa'r ma'ee diwi i ya/andaka' ma'ee diwita' koma'aaka ngiwa dux 13 A ma'a baraa tla/angw hunge oo sagaloa'r koo'm nee fuqurango? Aso hesi hotaa' hhohho ngin laqan ne'r tlehhimi'iyos ar tiwa ninawesi ner idoda sagaloa ka't. 14 Ala aba'r da/, ta tlakw a konda nee hhaslor tiwa kilohu'ngw sla'a ibir baraa munemahu'ng ma dara/amara, a lama an axweesa nee loema kiwa aleetlanka. 15 Ti a sagaloadaeka'n gawata' dahh, an sagaloa'r dando yamuka ala ar qeruwoka'n nee slimi ar netlane. 16 Asma dir da/i nee hee tiwa kilo's slai ibir deer gila ideerutiya nee tlehhi'mii tlakw deya. 17 Ala sagaloa'r gawta dahh ga'r gera ka hhohho i waydo sla i tsa'eema koon, gurhhoa'r koon garwa ha'ts a gurtlemu nee /amu hhoa i barqantir kondaaka'n nee i loemaa koon. 18 /amu gana'amu kuna dahaa's baraa wayda nee mukda waydao lelehhita.