1 Hhaeee' haratluntaor Aako Yesu Kristo Aako xirf ina dagidelitra' ar muu bahha ale kuwa barqantusa. 2 Asma heeko birna da'h baraa dink'uma'r hu'ng saximo sahabu nee tlaba'a hhohho' nga dahaa's nee hee nar kuutumo oo tlaba'aa slasla/aren nga dahaas nire da'h. 3 Kuunga kwada tlaba'aa hoohhoo nga dahha's kure ilaiwa/ nee kure beta kuunga a "tsiini kuunga dirii hhohho, iwiteek" aluwo heeda oo narkutumo kure bera' "kungu dirqay isihhitsaan" laqay "kure beta "iwit yaamu." 4 Xay ti kilohu'ng askwaslemutaake, aluwo kuunga tare har'ohuse'r hhaslo'r tlakw koo'm? 5 Hhaeee oo sla'aaruse ia qasaak, xa'y Mungu narkute'r dandoo yaamuu nga tsawariko tawa daqarer baraa haratlintaa nee wariti'ima'r gawa dawri ngiwa aliya' toda' ta alqadin asma kwada ino's ngu sla'aa? 6 Ala narkute ake waqaii muk uunga tunu slahha'emiis a daqarerooke, a kwada eeke kuunga tunu uruxuuma baraa mare kwasleema. 7 Xay a daqareroke kwad umoda hhohho oo kuunga' tunusa teet ngu slasla/aremisa? 8 Gera ab'r har'ayada ar wawiti'ima a hardahamisa idoda kara goin gara goiro "Inslawmook un sla' idor kuung tir kiloq sla," gar hho a tlehhita. 9 Ala kuunga mu bahha'ale ubur barqantusa tlakema tlehhita tunusakwaslem ut nee go asma kuunga a goir geqera. 10 Asma kwad go i sleemeero nga oh nee ire nikiits gawa gar ninaw ar goiro tsakwemawo's a wak nee kwad goi sleemeero nga geqay. 11 Asma Mungu kwada aa oo' "fiqi matlehhar an kwad aa oo matsu'uta'r aba'r fuqusaka' ala kuung a tsu'ut kuung goir Mungu aka geqer. 12 Gawa idosihe axweese nee ila iwa/ame komaak ido'r mukda ta as kwaslemuti ne'r goida mu kur gweediiti. 13 Asma as kwaslema i xeer ar gurtlemu komaaka'n dir mukda gurtlemu koma'aka'n, hee gurtlemo nga tlehh i da'i miika dir gera askwaslemaro. 14 Hhohhoo ta da'w a gala hhaee' aba'r hee i kahi ani a haratlintaor koo'm alow bartihe i tlehhemi'ii konaka'n? Xay haratlintaosi ngu ba/amisa'ng? 15 Abar hiya oo hawata laqa /ameeni ibir fa/a'r laqaa' inqwa'r. 16 Nee hee wa'k ngire bay "tlawe ne'r wayda, asla axwanemiso awak nee ta lo wa /ay nda" qomasihe kuung garta hani's i kahh haratlintaosi ga'r wa /is a mila? 17 Baraa idosihe haratlintao ibir tlehimi ii kondaaka'n a gwa. 18 Heko in oo' "ani a haratlintao'r koo'm nee sleeme a tlehhimii koo'm" haratlintaorok ar tlehimii komakang laqamang nee ani hratlintaor ee ngi laqam ner tlehhimi'ii. 19 Abar hartlintaati ar gidaaba Mungu a wak i qoon ala netlame sleeme in yara tlintaati'iya nee in daradaxiya. 20 Xay daktani a tsatsahhanda haratlintaoro'k ibir tlehhimi' kondaaka'n a qwa? 21 Xay a Abrahamu Baboreneke kwada ta gana'amu i harafa'r asma tlehhimi'ii qoma'r garmawo's Isaka ngwa duux gawa kitangw ilahhoa? 22 Akaande, hara tlintaoro's gadiye ngina tlehh nee tlehhimi'iiwose ala baraa tlehhimiiwose haratlintaoro's dida' slai ngire ee'r. 23 Goi inabo/ ar ka "Abrahamu Mungu nguna haratlinti nee kure gana'amu harataa'r" idosihe Abrahamu kure ba'y mulqumoo' Mungu. 24 Akaandae ar gidaaba hee kuna gana amu i harafar as tlehhimii ala as harantlintao kilosekan. 25 Idosir lalae xay a nahabuwoke tida ta gana'amu iharafaar ner tlehhimii qomar dahaye ngiwa kwahha's. 26 Idoda slaqwa ibir hinso konda'kan a gwa idosir kila hara tlintao ibir tlehhimi'ii kondaka'n a gwa.