1 Alqadooda'r geera i dabi ii koon gawa dandoo' saaliingo slami diro's tada hhoohhoo ar saaliing i deer ar taa tleehh nee muu. 2 Hee'marka i deer matl/eero sta'r koom matla/aa ngos oo geera a kwada ta babay Dida Hhoohhoo moroo barada i dirii a tsaa'asi nee mee'sa nee mukaa teeda taa qaas as Mungu. 3 Alu baqowomatla/angw hatla i deer oo ta baby Dida ak lo' wa Hloohhoo. 4 Baraadae mee'sa i deer ar taa tleehh nar miinsh mee'sari gadiyeero's a kan ilahhosar i qamaamin ar maroo xarangw tsuu koom kuwa da/a/an gar hatla baraadae a sandakwmoodoo alqado oo taa tunduk nar minsli umoqo barto moroo baara sandakumoowihe da'as gisangir miinsli tada moroo taa baby maana ngi koom nee hharta Haruni tada na harma. nee tlaa/eeda tsa'r oo ta axweesanta alqador i gooin. 5 Gaawa dandoosandukmoowihe kitangw gurtleemu i deer gawaawose malykadu tsa'r oo xirfet i day oo taa tleehh nar slaqsaay nee kitangw gutleemu nwa tutuukii nar hhanpe'eeri' in malaykaduka gar laqaqaana a gidaaba Mungu' i deer dirihe ma hintihe pa/aangw i kaahh oo umoqoo gaaro kawa wakeetimaan alki/i taawo. 6 Idoori an ido'r moroowi slee'meero kar qamin hee geeraharuuse'r saaliing in dararat umoqoo daqto baraa matla/a'ngdoo geera oo hee'ma ar gadiye'r in ar saaliingw kawa tleehhi. 7 Ala baraa matla/angwdoo tsar oo heemaro heee' daraaraa a geeraharuusmoo' u'r oo saaliingq kilo's slami in da'h sagaawa/a'k wa ale gaara kurko wak slami i dahiika tawo ale ba'r tseere i ka'hh tseereeri ngin duux dir Mungu ar daandoowo's nee as dandoo tlakweemaa muu kwada ta xuiika. 8 Gawaa idoorihe Qeeruu Hhoohhoo ngi laqaaqan gidaaba uruwar tar dahi baraa matla/angqdoo tsa'r oo heema oo ta baby Dida ak Hhoohhoo kaa gweeriika asma ay hinti matla/angw doo geera oo heema i komiit. 9 Gaari a slaqsaay oo qoomaari ngi laqaqaa'm gidaabaro's a ti ilahhooa'r ta harmiisi dir Mungu i ali nar uruuwari nee hikwaa ilahhooa munoo heeda saaliim hhoohhooeesaro ngu aleesleeraaka. 10 Asma hara'eya'r uruuwan an hara'eya'r tlehhemi' ii slaqo kilo's dandoo moroo /ayma neewahaangw nee hamtlito'r slaqwa tlara eyari kana duu'x ay dir qoomaada Mungu uruuwa'r /aben ngi i qaasi. 11 Ala Kristo ino's naa harda'h ino's aa geeraharuusmoo ur oo saaliingw as momooda hho kwada ni harda'h ino's ina waaraahh nar baara heemada ak ur tada ak qoom heemaada taa tleehhika nar dabaa muu Gidaabaro's a heema'r baraa yaamuu wooka. 12 Slami ino's aa dahiika baraa heema'r i ale nar tseere'r gurtaawe nee nar ar damaay ala ina da'h sagaawa wa'k kilo's baraa dida'r hhoohhoo i ale nar tseereero's ar kila gaawa idoorihe ba/ama'r alhhe'eesay wa'sl ngina tleehh. 13 Asma tseere'r gurtaawe nee ar awee ne da/ara'r dame hikwa abarka tsifaqamiis gawaa slaqaa ukda ta harmeerin i ale mukda ngure hhoohhooe's. 14 Xa'y tseere'r Kristo ti ngi lo wa ba/a'ke? Asma ino's ino's tina kilo's hariis dir Mungu i ale nar /uuruu geeruu alhhe'eesay wa'sl as tawa i lahhooa'r xaslxaansli wasl. Tseeree'ro's ruuneeren nga hamatl nee tlehhemi ii slafingw koona'aaka as alomoso ate'n Munguda slaaf uwa sagadiuusaan. 15 Asma aning Mungu al'axweesani ngina hariis dir mu'k i ale gidaaba alir alhhe'eesay wa'sl kawa slay alaa muu Mungu nguna sadukuus qoomar alqadooda'r geerawo Kristo ire gwaa as muu nguwa gweeri dir tlehhemi' ii' in kwadae gawaa idoorihe Kristo an haraki/imumoo aqado'r /aben as mukda ta atee't nee Mungu al'axweesantada Mungu aa oo kawa slay nar idoori. 16 Gidaabaro's a ti alqadoori a ido'r a;qado'r adibir deer ali axweesantada'r aali kawa hariis i /uuruu doondaaka ay dir gwa'arar heeda alqadooda nga oo' i xu'uutit. 17 Asma qooma'r ino's bir slaaf alqadooda i /uuruu koondaaka. 18 Gaqaa idoorihe tam qooma'r alqoodo'r aa'ng kawa aqadin tseere i deer. 19 Asma Musa idoori ngina tlee'hh ga'r geera a haraay a'r Mungu sleemeero ngina alki/iit dir mukda aa burumburiit. Aluuwo tseer'r danaay nee ar gurtaawe ngire tataa'hh dinkwa ne ma'aay tseere ngina tsefaqamiis nar see ngw bee/aangw oo da/ate'n nee loo/or hisoo'po dir kitaabu nee dir moro sleemeerowo. 20 Ire ka'h, "Gaari a tseerr alqadooda Mungu na hara'eyin dirhu'ng i ale." 21 Alami tseer ngire male tsifaqamiis dir heemaada nee dir xoosla sleemeero ar ta'r gadiyuu's baraa saaliingo. 22 Slami hara'eya i kat gidaba moroo sleemeero kun hhoohhooeemiis nar tsseere ala bar tseere aa ku'uutika gurtleemu i kaahh. 23 Moroowi a slaqsoo morodoo gawaa dawri gawaa idoorihe ga'r kuwa kariim aqo hhoohhooees nar ila hhooada ak hhoo. 24 Asma Kristo ino's a da/iika baraa doo hhoohhoo i ale taa tleehh nar dabaa muka asma do'w ta tsee'hh mar dabaa an slaqsoo do'duu kila oo hhoohhoo. Ala ino's ina da'h gawaa dawri kila as tiwa laqaaqaan hinti dir geera Mungu i ale as ate'n 25 Slami Kristo ino's a drahiika daqta yaarire as tiwa hariis adoodar geeraharusmoo u'r oo saaliing ir dararahi umooqoo kurko nar tseere'r hikwaa ilahhooa. 26 Asma Geera a ba'r an idoori geera Kristo ga'r kuwa hariim a gwa'araaro's ngin inkaakii/ daqta yaarire iimir yaamu kiwa tlee'hh. Ala hinti qoomaarir alhhe'eesaywo ino's nina harda'h baroa yaamuka sagaawa wa'k kilo's as tlakweema nguwa hebgeesi nar gwa'araaro's tawa kilo's hariis ilhhooar wa ale. 27 Muu ga'r kuwa hariim a in qaatl sagaa'wa wa'k wa ale nee aluu gwa'araaro tare sakwas/ema. 28 Idoori an idooa'r Kristo sleeme ku /iisi ino's kun ilahhooa'r wa hariis sagaa'wa wa'k wa ale as tlakwema mu'k yaarii ngiwa hengeesi. Ino's nin male tii iit braa yaamywoo sagaa'wa tsa'r wa ale. Ala ga'r nis hardah a tlakweema hengeesarooka ala a mukda ino's nga daamaaraa'm nguwa ba/amisi.