1 Ga'r ak u'r baraa moroowi taa axweesani a ti gidaaba ate'n geerabarusmoo u'r oo saaliingw oo idoori hinti u koomaa'n ino's aa iwiit dakw doo /uya'y oo kitaangw aleesleemu oo Mungu'da aleesleemu koo'm oo gawa' dawri. 2 Ino's an geeraharusmoo u'r oo saaliingw dir iwa gadiyuusi an dida ak hhoohhoo' gidaaba baraa heemaada'r lo tada Aako aa tlee'hh aa ga'r hee gwaa aa tleehhiika. 3 Umooqo geeraharusmoo u'r oo saaliingo kwaa qaa's as ilahhooa ngiwa harmiisi dir Munguhe tam hikwaa ngiwa tsu/i ilahhooa'r waale gawaa idoorihe geeraharusmoore'n kwi sleeme ga'r iwa hariin alo moso ga'r duuxi in deer as ngiwa duuxi ilahhooa'r wa ale. 4 Ino's geerawo birma'k i baraaka oo yaamu geera alo'k ino's a geeraharusmoo saalingoka asma geerahharuuse'r saaliingw i deer a'r ilahhooa'r harmiis antaa hara'erin idooda'r hara'eya'r Musa i kat. 5 Inooin gadiyee't ngin tleehhiya gadiyer'in tada an ido'r slaqsaay nee hhantimoo moroo gawa dawri gawaa idoorihe inooin an ido'r Musa asma Musa hee'ma ngawa tleehhamar wa slaa kuna hara'eyen nee Mungu gidaaba, "Ga/aawek umooqo gaaro kawa tlehh nar ido'r slaqsayda taa kuu'ng i laqa'n gawaa tlooma'r wa ale." 6 Ala hinti geeraharu'uuma'r saaliing tada Yesu aa sla'y ka lo' wa hhoo' tooin ba/a an idooda alqalooda inno's aa tleehh sleeme ka ak hhoo tada'r geera ba/a asma alqadoori kaa qaa's gawaa al'axweesanta ak hho. 7 Alqadooda geeraawo ibir dakuu'sar koondaaka geera alok alqador hatla ga'r kar leeelehhiiti nee Mungu i ka'hh. 8 Asma Mungu nga a'r gidaaba muko's aa dakuu's ire oo', "Aako i kaahi ga/aawaak deelo i hardat ar ani alqador /aben ngiwa tleehh nee mu'k Israeli tam nee mu'k tlahha'y Yuda sleeme. 9 Alqadoari a ido'r tada'r aangeka tada na alqadiim dir baabiiluing qoomar ngawa duux nar dakw'ees baraa yaamuu misrir wa ale Asma inooin alqadoree kaa ee harahariika gawaa idoorihe ani inooin ngire maw asdaawimitoowo axweesanaywi Aako nguna ka'h. 10 Aako i male' kaahi hinti aqadoori an taa ni tleehh nee mu'k Israeli aluu deeloorihe gidaaba ani hara'aya'r ee an qaa's braa muner'r in ale nee ani tare Mungu' in nee inooin tare mu'k ee. 11 Hee i kaah oo inslaawmoowo's ngu intsaahhatimus laqa hhiyaawo's nguwa bay gidaaba Aako ne xueel asma ani ti xuui iimir hee Niina'w tam ay hee u'r. 12 Asma ani tlehh mi, ii' in oo tlakw i gurtlaq nee tlakweemaain ngire boloo inslawaaka. 13 Diirihe Mungu iidigoo alqada'r /aben ngura axwee's gawaa' idoorihe gidaabaro's g'r laqaqaan a alqadooda'r geera ina diin, ala gaa ibaraa garuu'r nee aa diin gadaa'da qwanaywo's aa naka'/.