Tsufa'y Faanqw

1 Melkisedeki ino's a waawutmoo' Salemu ino's a male Geeraharusmo saaliingw oo Mungu' gawti i dirii Melkisedeki Abrahamu nguna al'ay qoomar Abrahamu iwa slaqwara'r dahhi waawita ngwa wa tsuui/ Abrahamu kuna tsuuiq nee Melkisedeki. 2 Abrahamu ilahhooa ngina hariis dir Melkisedeki gar aa hariis a ga'r wa'k baraa umoo'qo moroo mibaango kwada kona Umoo Melkisedeki gidaba o's ar geera a waawautmoo' gana'amu, "nee ino's a male waasatmoo' Salemu" Gidaaaba'ro's "waawutmoo' wayda." 3 Ino's i baaboo konka i aayor konka i xwaylite'r konka iimu/iingw deelooro's i kaahh alhhe'eesoo slafiingo's i kaahh sla ino's a ido'r Garmoo' Mungu ino's a geeraharusmoo saaliingw oo alhhe'eesa'y wa'sl. 4 Ga/aawaak heewi ido'r kur u'r asma baaboore'n Abrahamu ilahhooa ngina ngina hariis dir dir heewi i ale baara morooda sleemeero naa hayohi ga'r wa'k ngina hariis baara' moro's mibaango. 5 Baara ba/aa' lawiwo bahh'ale a geeraharuuse'r saaliingus inooin haraeya ngina idbee'r gidaaba ilahhooa' ka ohin ga'r wa'k umooqo moroo mibaang dir mu'k wa ale moroowi dir kuwa ohin a dir hha'eein ala inooin tawa xwayla'r Abrahamu. 6 Ala Melkesedeki a hee' baraa tlahhayda dahhaaka ala idoorihe ino's ilahhooa ngina oh dahhaaka ala idoorihe ino's ilahhooa ngina oh dir Abrahamu wa ale ga'r wa'k baara' moroomibaango ino's Abrahamu nguna tsuu'q kwada alaxweesanta Mungu' ngaa sla'y. 7 Ala gaaari a gar si iitauntaka gidaaba kwada tsuuqa ngi hariis kun u'r dir kwada ta tsuuqi. 8 Gawaa idoorihe na/aa lawi inooin i ilahhooa'r ohina ar ga'r wa'k baara moroomibaango inooin a mu'k qaatl. Ala Melkisedeki ino's a hee' ta alki/iit nee gooi gidaabaa ino's tam hinti i slaaf. 9 Slami i ya/aa'n ooaro gidaaba lawi sleeme kwada ilahhooa'r ohaahiin ino's oo kila ilahhooa ngaa hariis sleeme ga'r wa'k baara umooqoo moroo mibaango qoomar Abrahamu ilahhooa ngawa hariis. 10 Asma qooma'r Abrahamu kuwa al'ay nee Melkisedeki lawi qoomaada'e i baara slaqwta Abrahamu i kaahh. 11 Ala hinti idoorihe haara eya slee'meero tada ta dir mu'k i hariis a tada taa hariis gawaa geeraharu'uumada'r saaliingw a tlahhay lawi sla dirihe ga'r yaahasa'r slaa i deer gidaaba geeraharu'uumari ar saaliingw ar tlahha'y Lawi ibir gari'amu huwahu'p geeraharusmoo saaliingw oo ido'r hatla ga'r misa harda'h a mila'h? Asma geeraharusmoowi a idor Haruniwooka ala ido'r Melkisedeki. 12 Asma Geeraharu'uuma'r saaliingw biraa wanqee'r hara eya ga'r iwa qoon aqo in qarqeer. 13 Hee taa axweesanti ka'h a Aako Yesu ino's a hee tlahhee hatla nee baraa slahha'ywose hee gadiyer me'egar ilahhooa nga tleehh i kaahh. 14 A ga'r xu'utiit gidaaba Aakooore'n tlahhaywo's a tlahhee Yuda tam Musa iidigoo geeraharuuse'r saaliingw ngawa axwee's ga'r a oo, i ka'hh gawa tlahha'y wihee. 15 Gaari kaa geehhooesa hhee'ee's idoorihe gidaaba Geeraharusmoo saaliingw oo dimbay naa tiiit ino's a ido'r Melkisedeki. 16 Ino's ga'r ira geeraharusmoo sauliing tleehhiit a hara'eya'r mukooka tada'r dandoo tlahhay ala ga'r isa geeraharusmoo saaliingw tleehhiit slafingwda boloo warqawaaka. 17 Asma gooi iidigoowo's ngu ka't gidaaba "Kuung a geeharusmoo saaliingw ay alhhe'eesay wasle ar ido'r Melkisedeki. 18 Gawaa idoorihe hara'eyaada'r geera kaa hengee's asma i /uuruu koondaaka nee ga'r bu' i ka'hh. 19 Asma hara'eyaada'r Musa ga'r a aleeslee'r i ka'hh boo/eesaro Gawaa dandoo hara'eyaadae haraxu'utir ak hho kingna hariis. 20 Guari iwaa tleehharut Mungu lo'o ngiwa huu'w geeraharuuseeda'r saaliingw ar aang kawaqamin Mungu lo'or aa huu'w i ka'hh. 21 Ala Yesu kuna geeraharusmoo saaliingw waqaa's nar lo'o asma Mungu nguna idoori bay, "Aako lo'o ngina huu'w slami ngi bo/ao waqeesika kuu'ng a geeraharusmoo saaliingw ay alhhe'eesa'y wasle. 22 Gawaa idoorihe alqadoori ka lo'wa hhoo' tada'r aa'ng ba/ati asma Yesu tawa alki/ii luusumowo's. 23 Ba'r hatla ar dimbay i deer a gidaaba geeralaruuseeda'r saaliingw ar aang inooin ki yaariir asma inooin hoota yaariit nga aleeslay'iika asma idooda inooin tawa mu'k qaatl. 24 Asma Yesu ino's slafingo's ku alhhe'eesa'y wasl, geeraharu'uumaros ar saalingw ka baoloo hariisiika hee hatla i ale. 25 Ala gawaa idoorihe kuwada Mungu ngu i da qaqawa' na'r uruwaro's ino's ngi lo'wa sleesla'y ba/amisaro asma ino's daqisleem i slaaf asma nguwa aleefiriirin. 26 Gawaa idoorihe Yesu an geeraharusmoo' u'r oo saaliingw oo ate'n ti gaa wa buu' asma ino's ku hhoohhoo, i tlakweemaa konka nee xaxaanslir kon i ka'hh nee sleeme kwa Paraa'tl dir tlakuuseero nee kaa tsalaa's gawaa dawri. 27 Ino's a ido'r geeraharuuseeda'r hatlaaeeka ar saaliingw asma ino's ga'r ilannooa ngis duxuuti umoqo deeloro i ka'hh idooda geeraharuuseeda'r aa'ng nga'r duxu't asma inooin ilahhooa kana geera wa daxuut asma tlakweema'in oo kila alusinge tare tlakweema muu. Ala ino's ilahhooa'r wa'k kil's ngia hariis sagaawa wa'k wa ale qooma'r ino's kilo's tawa hariis. 28 Asma hara'eya'r Musa muu nguna qamu'n tawa geeraharuuse'r saaliingw inooin tama muk tlakweemaa kooma. Ala axweesantada ta hariis ar lo'o kana hariis wa alu har'eya'r Musa wa ale axweesanti Garma nguna qa's geeraharusmoo saaliingw wa ale kwada ta bu'uutii's alhhe'eesay wasle.