1 Gawaa' idoorihe intsaahhada, sleemeero iimu/uuma gawaa Kristowo alo moso an geexawaan nee tare geera ii komiitan baraa intsaahasa dar hee kwa/aas baraa slafingw qeemuwo, Aten asla'aanaka kuwa male' inki/aan intsaahhasada'r iimu/uuma gidaaba hee iwa hho' ii' in ar tlehhmi ii slafa'aaka ngiwa may, nee Mungu nguwa haratlinti, 2 nee intsaahhaasa'r gawaa' baatiismo nee ar dakw i qaasa nee insaahhasa'r gawa waaslo/ nee askwasleema'r alhhe'eesay wasl. 3 Idoorihe an tleehhaan abar Mungu' tunda aleeya/a'n. 4 Asma mu'k aa qaaro alu kii/ ido'r kungu'r ki/isi baraa hho' ii ingw i ale asma inooin kingina dahaa's baraa gwa/ateemaa Mungu i ale tsunqaa Mungu kwada gawaa' dawari dahha' kire tsaaq mee qeeru hhoohhoo kure in, 5 axweesanta Mungu kare tsaaq ido'r ka'r hhoo' nee /uumu yaamuda xaawa kure tsa'ahh, 6 nee aluuwo tare aluri i kii/ ya/aandaaka asma inooin Garmaa Mungu ku male kiki' in gawaa msalaabar i ale nee ku murekeemiis geera mu'k wa ale. 7 Ala yaamuuda ta du'umiis nee tluwaay qomiu yaarire nee bu'ungw hho ngire laqwa/ii' oo gidaabar koo'm dir dooslusmoowo yaamuu idori tsungaa Mungu ngi slaya. 8 Ala yaamuuda gar nu laqwaalii bar laqaya nee afuquray gar bu' eya i kahh yaamuu idori ka nak/aas nee Mungu lo' usaro. Alhhe'eesaywo ki da/a/an baraa asla. 9 Ala aten tam idoori kaahana sla'aaruuser' ee' aten a xuaan daandeemoohunga gidaaba kuunga atsini nee kuunga ba/ama a harahi'ita. 10 Asma Mungu ino's i gamaa nee gadiyerhung tada ta tlehhe ngi ginqartisiika nee sla aarirhu'ng tada ta diro's i laqaande nar uu'r mu'k hhohho' oo Mungu kuwa sagadiyuse' nee tam hinti tawa komita kuwa sagadiyusa. 11 Bar aten ta lo'wa sla'aan moso umooqo hhwo dirhunge i idooda'r kamiiti insaarehhino wa kahhi ay alhhee'eesaay as moro'oda ta haraxua kuwasleera. 12 Ate'n a sla'aanaaka kuunga tawaa munu/uu' ala kuunga moso an ido'r mukda' a haratlinti' kwada qiq tliin nee kawa sleera tada Mungu al' axwee's. 13 Gooma'r Mungu al'axweesani ngawa oo' dir Abrahamu lo'o ngire huu'w gidaaba tada aa oo' i tleehharut lo'ooda ngina huu'w na'r umoowo's ino's oo kila asma oo u'r oo ino's ngu baa'/ i kaahh, oo lo'o ngir huwi. 14 Ina oo, "A lo' ani kuu'ng u tsuu'q nee u xwayla'r yaariir i hariis." 15 Gawaa idoorihe Abrahamu iree qiqtlin nee gadaada, Mungu aa al'axwee's ngire sla'y. 16 Hee aba'r lo'o nga huuw, lo'ooda ngin kuuw na'r umoo u'r diro'se kwada' ino's ngu baa'/gawaa idoorihe tlaanka slee'meero gar ngi tsaat a lo'o. 17 Gawaa idoorihe Mungu sleeme lo'o ngina huuw qooma'r al'axweesanto's ngiwa gawdeesa'r wa slaa' dir mu'kda al'axweesantada' ngi aa'/ gidaaba ino's i boloo warasayka baraa tada aa al'axweesi. 18 Gawaa idoorihe Mungu moro'owi tsa'r nwa huu'w al'axweesanto's nee lo'o moro'owi i boloo wa iqayka nee Mungu lama ngi boloo oo iika gawaa moro'owiye, Ate'n ino's ukwa ii goxaa'n moro'owi ate'n tundu lo' wa gurka/a amiis as haraxu'utida geetaare'n ii dirii' kawa oo haan. 19 Haraxu'utiri atoore'n muneero=en ngi lo'wa o t asma ma qwa't idooda naaqimo ku'r baraa ma'ay i al/aa/a'n nar tla/a as mukaa tliwii/ nee gwaanduu ma'aay Haraxu'utire'n ti alhhe'eesaywos dir kwa ii tseeq a gawa dawri dir ar qaa ra'ha a dir baqoo baraa doo Mungu. 20 Yesu ina da'h baraada i ale tawa hee giiriim direne nee tawa saayusmoore'n, asma ino's an geeraharusmoore'n oo saaliing na'r idooda ar Melkisedeki ay alhhe'eesay wasle.