1 Asma umooqo' hee raharusmoo' ur oo saalungw mu'k Yahudi kun tsawaar baraa' tla/angw mu'k wa ale kuree qaar tawa hee Mungu' sagadiyuu's gawain wa ale ino's mor'oda, tinda huiro nee muu wa ilahhoo'ar wa ale ngun huuw dir geera Mungu nee hikwada tinda huuwsleeme kwada' ta tsu/i as tlakweema. 2 A gar yu/aamuut ino's tawa hee tsatsa'aar dir mu'k leetlakweene nee oo aa dakuus asma ino's oo kila ku leetlaakw bara moro'o yaarire. 3 Gawa idoorihe gar hariim diroose aa ilahhooa' ngin hariis as tlakweemawo's kilo's sleeme, ala a ar tlakweema mu ki/ooineeka. 4 Nee hee i kaah oo ilaiwa/ameeri nga o'h tawa geeraharusmoo u'r oo saalungw ala aqo harkwada ta ateet nee Mungu idor Haruni kwaar atee't. 5 Tam Kristo sleeme ino's ino's oo kila ta xirfeeslika tiwa geeraharusmoo ur oo saalungw tleehhi aa Mungu nguna ilaiwa/ameer ii hariis iree oo' "kuung a garmaa ee bili aning a baboohu'ngw." 6 Dir hatlae i male kaahi "Kuu'ng a geeraharusemoo saulingw ay alhhe'eesay wasle ido'r melkisedeki." 7 Qooma'r Yesu awa baraa yaamuu wa hoo't Mungu nguna i /aa/amin nar afo'r u'r nee as hhirhheer ngure firiirin nee nguwa ateetin. Asma Mungu ino's ngu aleesla'y nguwa ba/amisi baraaa gera'a naaro, ino's kuna iia'r i qaa'r nee Mungu asma idooda' tawa ninawees nee idooda mungu ngwawa ilawawaa/. 8 Ino's tam ala garma Mungu idoorihe tinaa /ia loo'ees nar intasaatsahhoo'slahha eemis. 9 Gawaa idoorihe kuna bu'uutii's nee mungu bu'uutidaro kwawahhe'ee's ino's tare hee, ba/amar alhhe'eesay wasl nga huuw dir mukda sleemeero ino's ngwa iia loo'eemiis. 10 Nee Mungu' nguna geeraharasumoo' u'r gay oo saaliingw nar ido'r Melkisedeki. 11 Gawaa' kangw Yesuwo ate'n /ayme'eeri yaariir i koomaan ngiwa dirhung ii kaahaan, ala sla ooaro ka gawit asma kunga a mu'k gawaden gaa tsahharo. 12 Dirhangegeera a ga'r hariim kunga' tawa intsahha tuuse asma deeloori sleemeero aa waarahh iimir kunga tundawa ba/amis. ala kunga hinti aa intsahhatuuse'r sla'a male ale ar tundu intsaahaatimiis moro ooda oo geera karaa axweesanta Munguhe gar hariim dirhunge geera moro'/ay ma'r gawde'n ala hinti kunga gar ta sla'a a uluwa. 13 Asma umooqo hee uluwa slaa mos a na/aay nee idigoo gar ganaa nee ar tlaak ngu tsaahhiina. 14 Sla moroo /ayma'r gwaden oo mu'k ure'n asma inooin moro hho nee oo tla'kw kwaa intsaa hh tsatsahhaango.