Tsufa'y Mibaa'ngw

1 Hara'eya'r Musa a geehhantamoo' tawo oo morooda hho'o oo harda'h ala a moroodoo' kilaeeka ama hikawaa' ilahhooa kin idooda " ar harmiis umooqo kurko Ala gawaa' umuwa'r idoorihe haraeya'r Musa muu boo/eesaro ngu alee sleeraaka kwada" ilahhooada'' nga harmiis. 2 Ala geera bar ngi aleeslee'r geera alo'k inooin ilahhooada'' kaa gaaro ma'y harinusoowo asma mukda ilahhooa'r makaay nga harmii's, geera abar tlakweemaain kaa qaaro hamaa'tl sagaiwa wa'k wa ale geer alo'k tlakweemaa' hamaatla'r sla'a i kahhiiya' baraa' muner ine. 3 Ala ilahhooari ar hikwaa harmisowo a muu ngun inslawtimis umooqo kurko iidigoo' dandoo tlakweema. 4 Asma tseere'r awee nee ar gurtaawe tlakweema haangeesaro ngi bo/oo aleesleeraaka. 5 Gawa idoorihe qooma'r Kristo niwa dahmuu' sla baraa' yaamuuk' ire oo' dir Mungu' gidaaba kuu'ng ga'r ta sla a ilahhooarooka laqaa hikwaa' ilahhooarooka ala slaqwa ngina ani i hariis. 6 Kuu'ng ilahhooa aka sla ika tada'r hikwaa ilahhooa kiwa idooda alda/i gawaa' mee'sa'r ilahhooa'r i aleero slami ilahhooaduuda'' ta harmamisi as tlakweema ika slaika. 7 Ala Ani nire oo' Mungu ani a deer as tada kuu'ng ta sla nguwa tleehh idooda kaar gooin gawaa dandoo' eo wa ale baraaa' kitaabuu' hara'eya'r Musawo" 8 Ga'r geeraawo aa oo a ti "Kuu'ng ilahhooa a sla'aka', slami hiwaa ilahhooa sleeme i sla'aka' laqaa hikwaa ilahhooa oo ta akooda alda/i laqaa ilahhooa'r ta harmiis as tlakweema ilahhooari slee'meero kuu'ng u sla'atimisnka ino's idoori ngina oo ilahhooari slee'meero tam ka harmamiisi nar adooda har'eya'r Musa ikat. 9 Ino's ir male' oo' " Mungu ani a deer as tada' kuu'ng ta sla ngiwa tleehh Gawa idoorihe Kristo ilahhooada'r geera as hikwa ngina hengee's as tada /aben ngiwa qaasi ar tiwa kolo's hariisi. 10 Yesu Kristo ngina tlee'hh tada' sleemero Mungu' a slaa baaaa' idoorihe ate'n ta hamaa'tl as idooda Yesu Kristo slaqwto's ngawa ilahhooa'r wa hariis sagaawa wa'k wa ale. 11 Umoo'qo geeraharusmoo' saahingw mu'k Yahudiro gadiyearo's ngi tlehhahhiit umoo'qo deeloro nar ilahhooda'r kila ngiwa harmaamisi umoo'qo daqto. 12 Ala Kristo ilahhooa'r wa'k kilo's ngina hariis as slakweema ilahhooare an tada hoot ay alhhe'eesay wasle idoor tleehhamoro ngawa hhe'ee's ire iwiit bahhi dakw /uya'y oo Mungu. 13 Diiri an dida'r wakuuseero's ngwa daamaaran kawa baali nee Mungu' nee kawa baraa' dabaawo's i qaasi. 14 Asma was ilahhooari wa'k kilo's tada aa harris ino's mukda aa hhoohhoo ee's ngwa mu'k gawa tleehh ay alhhe'eesay wasle. 15 Asma Qeeruu' Hhoohhoo sleeme i alki/iit Geeraawo ga'r kaaki a ti. 16 Aako i kaahi Gaari an alqadooda arii ni tlehhimo'r wa slaa nee inooin aluu deelooda sleemeerowo. Ani har-eya'r ee an baraa munerin i qaas nee an baraa inslaasla'ngwin i gooiim. 17 Nee ire male oo' Ani tlakweemaain neo tlehhemi' ii in kwada' tla'kw i bo/oo inslawaakar. 18 Gawaa idoorihe tlakweema ibir kaa gurtlay ilahhooa'r tlakweema ga'r kas male hariis i ka'hh daqade. 19 Gawaa idoorihe hhaee'ee ate'n a aleeslawaa'n tawa dahaan na'r Pihhu'uuma ay Dida' ak hhoohhoo nar tseere'r Yesu. 20 Ino's slaquto's ngawa hariis uruuwa'r /aben ngina gweer ar slafinga koom, ate'n an waaraahhaa'n na'r uruuwaari nar baraa' baqoodao doo Mungu ay amo'r Mungu. 21 Ate'n geeraharusmoo ur oo sa/diingw u koomaa'n oo mu'k doo Mungu slaeemeero ngu ga/a'w. 22 Tlakweemaa munerore'n kaa hamaatl nar ma'aa'y hhooho gawaa idoorihe ate'n Mungu ku haratseewuwaa'n nar haratlintaaao'r lo' as xure wasl. 23 Hanaxu'utire'n tada ta alki/iitan kaoohaa'n nee maka bo/oo geexawaa'n, asma Mungu alaxweesanto's nga hariis nee ino's xaslxanslir Konka. 24 Ate'n moso tin kilote'n ga/aawaa'n nee tin alee/iimisaa'n as tawaa hoota'an nar sla'aari nee nar tlehhei' ii hho. 25 Slami ate'n dinku'uumare'n maka mamaa waa'n idooda mu bahh'ale i tlehhahhiti alo moso' tin kiloote'n harakeemisaa'n ak ale deelooda' kawa tsahha gidaaba naa naka/. 26 Ate'n xu'uti baraaqoo slawaan dandoo' iidiqoo looeema aluwo tlakweema sidoo't kire male' tleehhaa'n ilahooa'r tlakweemaada' ngi hengees i ka'hh daqane. 27 Ala aqo an daamaaraamaa'n nar da'yer u'r ay qooma'r sakwasleema nee buhhaa Mungu' oo dihh. Buhhaada, umoo'qo heewo oo Mungu ngwa sii ngu /ayiya. ido'r asltawa ale. 28 Hee har'eya'r Musa nga sii' ino's ga'r huwa hariim a in gwaa ku gartlayka' Abar mik tsa'r laqaa ta'm tlakweemaawo's nga alki/iitii. 29 Ala hee Garmaa Mungu' ngwa kalaa/ a idooda sakwasleemaro's ka ak uree'ke? Asma ino's tseere'r alqado'r Mungu nga waaqaaa' tada ino's ngwa hhoohhooes nee ino's Qeeruu Mungu' ngure male //oosliislin kwada tsuunga ngi harmaamiis. 30 Asma ino's u xu'uaa'n kwada' aa oo' "Muhaay a dandoo'ee' ani muhaay u buu' nee aa male' oo" Aako muko's ngu sakwasleemuut" 31 A ga'rda'ayer tsataat ka'ngw kila wa ale bara huwaa'n baraa' dabaa' Mungu slaa'f i ale. 32 Kuu'nga instawaak morook=da taa sleere aang asma qooma'r kuunga' gwa/atemaa' Mungu kawa a sleere qoomaadae ana lo wa qia tlaatliinde baraa tlampa'amisoo urene slahha' ama aye'r yaariir ar taa sleerii. 33 Dirkaaro kuunga oo kila tundura niqin tundure slahha'eemi is nee tundure /oosliislin dir gwera mu'k wa ale nee siiwarkaaro kuunga ana kinku'umise mu'k hatla oo idoori laqan. 34 Kuunga ana slahhahhae' dinkwa nee mukda ta tsegiit slami muu moroohung nguwa hayohin kuunga idooda ana ya/aanda nar qwala/amaaye. Asma kuunga aka xue' gidaaba daqaari' ii inarhu'ng ar hatla i deer tada bo/oo fa akaka. 35 Gawaa idoorihe pihhu'uumarhu'ng ma qwaareesara asma gidaabar ak ur ngi koon. 36 Kuunga ga'r tunduwa hariim a an qiqtliinda' as idooda Mungu a a slaa kawa tlehhita nee gada ino's aa oo baraa al axweesantose kawa sleera. 37 Asma qooi i kat a huu' deelo'r nimawe kwada hardah niqo hardah ino's i kwahhassiika. 38 Ala hee'ee kwada gariamu'ngju' kooma ino's ga'r is slafi a haratlintaa o. Ala abiraa sa alu ii kii/' muunoo'ee' i qwalala/iika as ino's. 39 Ate'n a kahhaa'n baraa tla/angw mukda aluu ii a baraa tla/a'ngw mukda haratlintaao'r koo'm tare Ba/ama'n.