1 Haratlintaao bar koomaa'n a lo' wa xuaa'n gidaaba gada ta haraxuaan i tleehharu't slami a tsaahhaa'n gidaaba morooda ta araanaaka i deer. 2 Baabii iire'n oo aa'ng ka hhooeemaa i alki/iit asma haratlintaao'r in. 3 Haratlintaao bar koomaa'a a tsahhaa'n gidaaba yaamu kinatlee'hh nar axweesanta Mungu' morooda gehhoo' kuna tlee'hh nar moroo gehho o eeka. 4 Habili Mungu' nguwa haratlintii' ilahhooa'r ak hhoo tada'r kaini ba/a ngina amo'r Mungu i hariis Mungu ilahhooa'r Habili ngire ya/ain ngire ilaoh Gawa idoorihe Mungu Habili ngura alki/iit asma haratlintaaoro's gidaaba a hee gawa' Habili tima ala gwaa'i ala tam hinti ino's i komiit axweesanto nar haratlintaaooro's. 5 Henoko sleeme a hee haratlintaao'r koom qawaa idoorihe kuna loohatis nee Mungu' kaa gooin gidaaba' "kwaa ariika male ale asma Mungu ngunar tla'y" A xuaan gidaaba gaari ina tlehharu't asma haratlintaaooro's, asma gooi i male kat gidaaba qooma'r ino's kuwar tla'yka ino's Mungu ngwa qwal/atis. 6 Ala hee hartlintaao'r koomaaka Mungu qwal/atisaro nga aleeslayka asma hee' amo'r Mungu ka'w ga'r kuwa hariim a in haratlintu gidaaba Mungu' i deer nee gidaaba Mungu mukda ino's ngu /ee/ehhiit ngu slaasl'awa'r i hariis. 7 Nuhu ino's a hee' haratlintaao'r koom ino's kuwa gura buu' nee Mungu' dandoo ii digoo moroo harda'h oo geetlaa'kw qoomaadae, iooda' Mungu aa oo' ngie ila iwawaa'/ naaqimo ngure tlee'hh as mu'k do'owo's nguwa baamisi mu'k aa haratlintii'iika kuna sakwasleemuu't as haratlintaaoro's ino's gan'amu nguna sla'y as hartlintaaooro's. 8 Abrahamu sleeme ino's a hee' haratlintaao'r koim ino's kwawa ateet ateetmo'r Mungu' ngina iiar i qaa's ire tla'y dir yaamuuwo's wa ale ire harda'h ay dir yaaamuuda' Mungu aa al'axwees diro's i ale gidaaba i slee'r slamu ire tla'y haamuuwo's wa ale ala amo'r kay ngi xuiika. 9 Ire hoo't nar haratlintaao baraa' yaamuuda' Mungu aa amooro's i al'axuwee's, ala ino's a ido'r dahaaymo baraa yaamuuwdae ina hoo't baraa' hee'ma'r wa ale dinkwa nee Isaka nee Yakobo inooin sleeme al'axweesantedo' Mungu' aa oo' kare sla'y. 10 Asma Abrahamu ino's ga'r haraxu'agiusada Mungu a geera' aldakuu't gidaaba' ngiwa tleehh nee ngire tlee'hh gixsada ihhafiiro'r hhoo' ngi koom. 11 Tam sra sleeme ino's i haratlintaao'r koo'n Gawaa idoorihe ino's /uuru ngure slee'r ire tsit ino's Timaa ala diindi asma ino's al'axweesantada' Mungu aa diro's i oo' nguna haratlinti gidaaba ino's ngi boo/ees . Abrahamu nee saara na/a'ay Garma kure laqwaal kwada' ta al'axwees nee Mungu. 12 Gawaa idoorihe Abrahamu xwayla ngire sla'y ino's tam ala a ido'r hee'aa gwaai nee heewi wa'k xwaylaro's ka yaariir tam faarooro ka aleeslayka Faaooor's a ido'r tsatse/oo gawaa dawri nee ido'r hhasaingw baraa' afee tlawi. 13 Mukwi sleemeero ina qaa'tl tawa baraa haratlintaao i dirii' i ala morooda' Mungu aa al'axwee's inooin kwaa slayika kuna a'r amo'r saa'w i ali kure sa qalaalaa/ nee tare ya/a'b gidaaba inooin a dahaaye nee hhaytuuse baraa' yaamuuwo. 14 Mu'k Axweesanta' idoori ngi axweemaamiis ngi laqaqa'n gidaaba inooin ayaain oo kila' ku leelehhiit. 15 Geeraawo yaamu ta leelehhiit abar kwada ' ta dahhi Geera alo pa/aaangw kwaa sla'y oo tar ki/i. 16 Ala a yaamuudeeka yaamuu inooin a leelehhiiti an yaamuuda ak hhoo' an yaamuu gawaa dawri Gawaa' idoorihe Mungu i murumiitika kuwa babay a Mungu'in asma ino's gixsa'r inooin ta hooti ngaa tlee'hh. 17 Abrahamu ino's a hee haratlintaao'r koo'm tam garmaawo's oo kilo's Isaka ngure ilahhooa'r wa hariis qooma'r Mungu Abrahamu ngwawa iia'r Abrahamu ino's an kwada Mungu aa al'axweesanto's i hariis. Ala Abrahamu ina ya/a'n garmaawo's oo kilo's ng'uwa ilahhooa'r wa hariis. 18 Kwada' "Mungu aa axwee's aa'ng awa oo" Xwayla'r Isaka a tada' ta babay xwaylaro'k". 19 Asma Abrahamu ngi xuu' gidaaba Mungu i /uuru ko'n oo hee nguwa waasloo/itisi baraa' mu'k aa qaatlw wa ale nee alo' Isaka nguwa male' sla'y a ido'r hee' naa sla'y baraa waas/o/oo wa ale idoori ina tleehharu't nar slaq saay. 20 Isaka sleeme ino's a hee haratlintaao'r koo'm tam Yakobo nee Esau ngire tsuu'q asma tsuuqaada aa al'axwee's a dandoo' morooda' aluu wa harda'h. 21 Yakobo i haratlintaao'r ko'n qooma'r ino's iwa afko gwa'ara'r i dirii i na/aa Yosefu ngire stuu'q tsarkwawo, sagw hharto's ngure i tlintii' ire Mungu sluufimiis. 22 Tam Yosefu sleeme a hee haratlintaao'r koo'm Qooma'r gwa'araaro's iwa naka/ ino's ii digoo ti' itiina'ngw mu'k Israeli baraa yaamuu miriro ngire alki/iit har'eya ngire harii's dandoo' faduuwose ido'r ki /iisi gidaaba kiwa huuwi nee inooin. 23 Xwaylite'r Musa a mu'k haratlintaao'r koo'm na/ay'in Musa kure luu'/ hara afi qooma'r stihheerii ta'm aluu xwaydaraose. Asma na/aay kare tsao'hhgidaaba a na/a'y hhaahhoo' kangw kila wa ale Gawaa' idoori ta da'ayuutiika tam hara'eya'r waawatmo si' imaawo. 24 Musa sleeme a hee haratintaao'r koo'm ino's qooma'r tawa hee u'r ire sii' kuwa ateetin gidaaba a na/'y dasir fano. 25 Ire tsawdin slahha'amaaye ngiwa slaslay dinkwa nee mu'k Mungu ta iwa qwalaala/i nar har qooma'r niiwaw baraa talakweemaa' wa ale. 26 Ino's ngina ar gidaaba' niqaay nguwa slay as Kristo a ga'r gidaaba'r koo'm lo wa ale daqaa ri ii ma'r Misri sleemeerowo ba/a asma ino's ga'r haraxu'i a bu'uutunda' aluu wa slay. 27 Musa ina yaamuu Misri wa tla'y nar haratlintaao tam dihha'y waawutano ngwa da'ayuu tuka asma ina komiit nar Pihhu'uuma ido'r hee Mungu'da geetlaa'kw ngu ga/a'w. 28 Musa deelmoo Pasaka ngure gaa's nar haratlintaao ngure hara'ey'en gidaaba tseere ka sliki gawaa gitlahharo maraay, as malaykimooda' tsu/uu't na/aa' barisma'y baraa' mu'k Israeliwo minga tsuu'/. 29 Tare waaraa'hh nar haratlintaao nar baraa' tla/a'ngw tlawita' Shamu ido'r yaamuu' kaahaa'r wa ale' mu'k Misri idooda' mu'k Israeli aa tlee'hh kawa iia'r eeharto kire guu'/ nee ma'aay. 30 Mu'k Israeli ku/u'ng gixsa'r Yeriko kuna harwediit, aluu' deelo'r faarqwa ku/u'ngda' ire huu' as haratlintaaooda'. 31 Rahabu /ameenida'r tsaatuso'o ino's sleeme i haratlintaao'r koo'n ino's kaa gaasiika dinkwa nee mu'kda aa dee/aamuut asma ino's mu'kda' aa tsee/daringw ay ngina kwahha's nar ido'r saxamaa'r. 32 A idoola ga'r an ni dook a mila hinti? Asma qooma i bu'uutaka ar iidigoo Gideoni nguwa alkitiit nee iidigoo Baraaka, nee Samsoni nee Yefta nee Daudi nee Samweli nee ii digoo aaruuse. 33 Mukwi a mu'k haratlintaao'r inooin waawitoo' yaamuu hatla ngure ba/ii ido'r gawaa ngure tleehhii ngire tsaahhii gidaaba al'axweentaa' Mungu kora boo/ee's slami inooin afii direeri ngire tseegiye. 34 Asloo' dihhe't kire gaamiis nee slami inooin tawa bala'n dir pangaduu dihhene as nikawa tsuu'/ inooin a mu'k slaqootlakwin aluuwo /uuru ngure slaye' as haratlintaro. Tare slaqwaruuse'r dihhe't tleehhie't hooma kare gusiisin. 35 Irmeena bahh'ale mukin kwada a qaa/ nguna slee'r tawa waasloo/ baraa mu'k aa qaatl wa ale Bahh'ale kire slahha'eemiis kangw kila' wa ale tam kire tsuu'/ ala kaa slauka kiwa ba/amisi asma gar ta slai a waaslo/ooda, ak ahhoo kure sla'y. 36 Nee bahh'ale iiara adoo niqaay nguna slaye nee difta tam kire tsegii't nar Pingu kire dahamiis baraa doo tseegimo. 37 Kina tlaa'qw nar tlaa/e nee kuna siiqiit nar misunenadu kina iiara'a'r nee kire tsuu'/ na Pangada inooin tawa haweeriirin tawa tlabaa' nee/angw dahamiis nee tlabaa aara iooin a mu'k lee tlakwe'n nee oo ta slahha'eemiisi nee ooo ta moro tlakw ii tlehhiiti. 38 Yaamuuka i harina'aaka muwi nguwa kona inooin tawa harweeriirin dida muu iwa kahhi nee gawaa tlom'i tana hoot taraa mar'o nee baraa boh'ee. 39 Mukwi sleemeero kuna ya/a'n nee Mungu as haratlintaao'r in ala gadaa'da' Mungu aa al'axweesnga slay iika. 40 Asma Mungu ga'r ak hhoo' nga amohhe'ee's iimir aa'ng wa ale as ate'n ino's ga'r slai a boo/eesir axweesanto's inooin makawa i giriin hardahamuuwo ate'n mutunduabaa'/ alo moso' an al i harda haa'n.