Tsufa'y Mibaane Tsa'r

1 Ala ate'n taa harwee'r nee alki/iituuse'r yaariir ido'r hunka'y wa ale Gawaa idoorihe ate'n sleeme ga'r tiwa hariim a morooda sleemeero oo ate'n ti ii looeemiis un kwahha'a'n nee tiwa Paratlaan nee tlakweemaada sleemeero oo ate'n ta oohii' i qitla baraa qwaatloda ta dir geeraare'n i qaas. 2 Ate'n ga'r tiwa hariim moso a Yesu un ga/aawaa'n umoqoo siiwaro asma ino's an iimu/ungw haratlintaaoore'n, nee slanai ino's haratlintaaoore'n ngi boo/ee's. Ino's qwal/ooda ino's ngu daamaaraa'm nguna mure'r gwa'ara'r idoori nga ga'r i xu iika' nee hinti an iwiit bahhii dakw /uya'y oo kitangw doo aleesleemu oo Mungu. 3 Kuu'nga ino's inslawaak ido'r ino's tlaampa'amisoo' dihh oo mu'k tlakuuse ngwar qiqtlin Gawaa idoorihe kuu'nga ma slaaqataara nee ma mune sinara. 4 Kuu'nga an slaqwa nee tlakweema ala tam hintihe hee ta gaa's i kahh haraa hunge as slaqwarari. 5 Ahaa axweesantada'r Mungu gurkwa/amisoo koo'm kuunga' aka ginga'rtisii tada tinda amor hu'ng i gooin as kuunga tawa ha/iiwo's axweesanta da kah, "Garmaaee" gurbu'uta Aako maa waaqa'ka'r nee slami ona mune siia'r burtu iigahhamiit nee ino's. 6 Asma Aako umoqoo hee i slai aqo ngera diif. 7 Kuu'nga ga'r tunduwa hariim a slahha'amaayeeri an saqiqtliinda as tunduwa istsahhatimisi nee as Mungu kuunga tun idoori laqa'n as kuunga tawa daaqaywo's Garma i deero oo ta difika nee baabooin? 8 Ala kuunga burtundu difika nar idooda umoqoo heewo is harin daqade' kuunga a a/aa' doroo wa'y slami a na/aa kila'eeka. 9 Baabi'iire'n slaqwa ate'n tunduna difii nee ate'n inooin ngire ila iwawa/aa'n. Ala gawaa idoorihe a tsiniheke Baaboodoo' muneere'n bur ak ila iwawa/aa'n nee tare slataa'n. 10 Baabi'iiren oo slaqwa Baraaka' yaamuwo ate'n tin difaafina as slafiingwi oo har qooma'r niinaw slami tunduna diif nar har idooda inooin taaa'r, ala Mungu ino's ate'n tin diif nar idoo'da' ate'n ti gaa wa buu' asma ino's gar slai alo moso ate'n hhohhoaariro's tada' an slawaa'n. 11 Qooma'r hee burku diif difta dirose a ga'r qwal/oo koomaaka ala a gar gurbaamir koom, ala aluuwo diftaada gar i hup a slafiing gawaa oo ido'r saxma'r koo'm dir heedaada' difta nga slay. 12 Gawaa idoorihe dabanhu'ng kwada' aa wananautii gawtii ganaasaak nee gurunge eerihung kwada /uuruu' koomaaka kwa/a saak. 13 Uruduu ya'aahu'ng qwatsaak as yaaeeda a so, ot ma qet alo moso a kan hungu/uus. 14 Waydu leeleehaaka tawa hota nar wayda nee muu slee'meerowo, nee hhoohhooeema leeleehhitaak asma hee Mungu ngu a'r i kaahh hhoohhooeema bir kahhiya. 15 Ga/aawaak hee tsuuqa Mungu mingaa sii Shami ga/aawaak magoo't ma deeru't baraa tla/a'ngwhunge nee hundure hhitiin, Asma nagoo't idoori ngi aleeslee'r mu'k Krishaana'y slee'meero aguwa qarkwi qas. 16 Slami hee tsaatusmo madeeru't slamu' hee mukaa baa'l nee qeeruu ido'r kwadao mu'k baraaka yaamuu idooda'r Esau wa ale asma ino's aliro's ar barisiu'uma ngina weerii's as moroo /ayma'r wa'k kolo's. 17 Nee kuunga a xua gidaaba aluuwo tsunqaa baaboo'in ngiwa leelehhiit kare sii asma ino's Pa/anyw hho' i iingw ngwa slayka tam ngwa ala leelehhiit nar kangw kila wa ale nar hhirhh seri. 18 Asma tleema'r kuunga ta i hardate a tlooma'r kwaatistaro ta aleeslayka dabaawo a tloomor sinairoka tada mu'k Israeli harada'h aa'ng. sami kuunga asltada gawaada wa oh akaa i hardati iika laqaa tlangida bo/ gawaada's i dirii nee giwti nee baambeo. 19 Nee slami /aan/ee tarumbee ta nee afo'r axwees as afooda ina idooda'r axwee's tam mukda axamiis ire firin gidaaba afooda mindaa male ilawats dir in i ale. 20 Asma inooin gitla kwaa aleeslayika' har'eyaada ta amo'r nga kwatiit aqo kun tlaqw nar tlaa/e tam ba'r makiitoo." 21 Morooda taa ar a moroo' da'aya'r tsataat kangw kila wa le tam Musa ire oo' "Ani akaa lo awa da'ayuut tam nay daaraaraxaa't." 22 Ala kuunga tlooma'r ta i hardate a tlooma'r Sayuni nee gixsada'r Mungu'da slaaf gidaaba Yerusalemuda gawaa dawri dirii' nee faaroo'r yaariir ar malaykada kune mibaangw. 23 Kuunga' dir taii dir a a baraa boo/aa'y mu'kda qwal/oo koo'm dinkwaada'r na/aa' Mungu' kwa oo bari isima'y um'er'in kaa gooin gawaa dawriwo, kuunga dir tawa sihhinaita a dir geera Mungu kwadoo sa kwasleemusmoo' muu slee'meero nee dir geera qeereemaa mukda ganaa kwa taa hhoohhooee's. 24 Kuunga nina hardata dir Yesu ino's an harkilisusmoo alqadooda /aben tam tseereero's tada hhoohhooeemiis i ak axwee's tseeree'r Habili ba/a. 25 Ala qaytsita Yesuda' kuunga i axwee's mu sina'r mu'kda Mungu ngwa sii iia'r i qaasara qooma'r awa axwee's baraa' yaamuuwoo nar afo'r Musa mukda aa ba/anika ala ate'n ido'r tar ba/aman a i idoola ate'n abar ino's ukwaa sika'n kwada' gawaa dawri wa axwee's? 26 Qoomaadae afo'r Mungu yaamu ngina dingitis ala hinti al'axweesani nga hariis gidaaba, "yaamu in dingitiis male ale sagaawa wake ala yaamu kiloseeka tam dawri sleem." 27 /Aymi'iida male ale sagaa'wa wake gidaaba'r i /aqaqa na a ti morooda tingitisaro' ta aleestay ku hengees gidaabaro's mrooda sleemeero oo taa tlee'hh, ala morooda' dingitisaro ta aleeslayka i komiit. 28 Waa wu tu'iina'r ate'n ta slawaan a tada ta diingitisika gawaa idoorihe ate'n ga'r tiwa hariiwa Mungu un sluufimiisaa'nmar idooda ino's slai or ate'n tiwa niinaweemisaan nee kuwa ila iwawa/aan. 29 Asma a lo' Mungu're'n an a slta moroo sleemeero ngu /aay.