1 Kuunga Komiite' tiwa sla'asa'a ido'r ha'ee' Baraa' Kristo wa ale. 2 Ma ginqaruutara dahaayee kawa kwahhamiisa baraa marehunge asma oo idoori nga tlehhitiye daqtakaaro malaykadu' Mungu nga kwahhasi' ala inooin kaa xuiika. 3 Mu'kda ta tsegiit baraa doo tseegimo'ri ale inslaslaawaak kuunga sleeme alo mono an ido'r mu'k ta tsegiit dinkwaa nee inooin tam mu'k ta slahhe'ee misi sleeme inslaslaawaak asma kuunga' sleeme a mu'k slaqwoo' koo'm ido'r inooin wa ale. 4 Muu slee'meero duuxo ngi ila iwawa/i Hhawaata nee hareero's alo moso an muku' insaareehhi a wasl baraa duuxor ine asma Mungu faquuse nee tsaatuuse ngi askwaasleemuut. 5 Kuunga ti harmogahhe gawaa sla'aarir Pee'saro asma morooda kuunga ta koonda i bu'uuti dir hunge asma Mungu ino's oo ila ma oo, "Ani kuu'ng u gaa wa/aaruwaaka slami u boloo' mawaaka." 6 Gawaa idoorihe ate'n idoori oo aro a aleeslawaa'n nar haratlintaao gidaaba, "Aako an alee/iisusmoo ee' a da'ayumiitaaka, Hee ga'r ani i tleehhi a mila?" 7 Kuunga' geeraharuuserhu'ng inslawaak tada axweesanta Mungu' nga dirhu'ng i alki/ut slatingw' ir kuunga inslawaak ido'r inooin tar hoo't nee ido'r tar qaa'tl haratlintaao'r in na ee haraak. 8 Yesu Kristo ino's kwadoo' isa/ nee bili ta'm alhhe'eesay wasle. 9 Kuunga instsaahhasa'r dimbaaba'y ar hatla' mutundaa Paslis baraa uruuwa'r ganaa'a asma ga'r muneere'n ngi gawa=dees a tsuuqa'a Mungu' ala a har'eya'r dimbaabayeeka ar dandoo' moroo/ayma asma mukda; gara;etaaru nga eeha'ar alee/isay taa sla'y i kaahh dir haraeyaarihe. 10 Ate'n meesa'r ilahhooa a kooma'a'n geeraharuuse'r salingw mu'k Yahudi, tada gadiyuus baraa' hee'ma'r wa ale ya/aa'm ka konka' ar morooda' gawaa dandoo' nee'saare'n ti nguwa /aya. 11 Geeraharusmoo u'r oo saalingw mu'k Yahudi tseer'e hikwaada' taa tsuu'/ ilahhooa'r wa ale ngina haahuw baraa hee'ma ay Dida' ak hhoohho' as ilahhooa'r tlakweemaa' wa ale, ala slaqoo' makiydaa' kin da/aa/aa/a'n dir afeene'r gixsaa'r wa ale. 12 Qaari an ga'r Yesu kwa qaa's di'r afeenir Afkoo gixsa'r i ale' muu nguwa hhoohhooasi nar tseereero's ar kila. 13 Gawaa idoorihe qwalaase' ate'n u i daqawa'n amo'r afeenir gixsa'r i ale' ate'n sleeme mure kawa slawaan dinkwaa nee ino's. 14 Asma baraa ka yaamuwo gixsa'r ak hoot a koomawaaka ala ate'n gixsaala harda'h an /i 'a'n. 15 Gawaa' idoorihe ate'n alo moso' Mungu' un ilahhoare'n i harimiisaa'n nar xirif umoqoo' daqto nar uruuwa'r Yesu didaaba'ro's a Mungu un xirfeemisaa'n nr afiire'n. 16 Kuunga' ma ginqanqaruutaara' tlehhmi'ii hho kiwa tlehha' nee tiwa alee/iimisa asma gaari an ilahhooada Mungu ngu ak qwal/atimis. 17 Kuunga' geeraharuuserhu'ng ila iwawa/aak nee idooda inooin ta kaahi tlehhiitaak asma inooin munerhu'ng ngin ga/aaya' amsi nee tlaatla/aango asma faaro'r gadiye'r'in ngi ooiya' di'r Mungu' i ale kuunga bar ika ila iwawa/e inooin daqade gadiye'r in ngi tlehho ya nar qwala/ ala nar gurhaamiirooka. Ala alaqade ga'r dirhunge i bu i ka'hh. 18 Kuunga' koomite ate'n tiwa aleefiriiriinda ate'n a xuaa'n gidaaaba' ate'n mune'r hho' a koomaa'n asma ate'n ga'r ta sla'aan a tada ganaa kwaa tleehhaan umoqoo deelooro. 19 Ani kuunga' tundu lo' wa harhhehhe'eemiis ani iwa aleefiriiiriinda di'r Mungu' wa lae as Mungu' ani iwa ki/isi asmorhu'ng i ale nar gaanslaay. 20 Aako ore'n Yesu ino's an de'eemusmoo' u'r oo bee/aangw muungu'da waydoo koo'm Yesuwi nguna waasloo/ati's baraa' mu'k aa qaa'tl wa le nar /uuruu' tseereeda'r al qado'r alhhe'eesay wasl. 21 Munguwi' umoqoo' ga'r hhoo' ngi kuuna i hariis as kuunga sla'aa riro's kawa tlehha' ino's tada slai ngi tleehhi baraa muneerene na uruuwa'r Yesu Kristo. Ino's i xirfuuti ay alhhe'eesay wasle. Amina. 22 Hha'e ani kuunga tundu hrhheehhe'eemiis, kuunga axweesanti'r gurbu'uungw na ilaoo haak nar insereehhiwaslaay, asma barwaari naa kuunga i gooiim axweesantaa yaarii'r i koon i kaahh. 23 Ani kuunga tunda xu'utisa'r wa slaa' gidaaba hhiyaare'n Timoteo /awaa gwee'r baraa tseegimooro, ala ino's bir naa hardah nar gaanslaay ani nee in's ti al koomaa'n niwa amorhu'ng i hardahaan. 24 Geeraharuuserhu'ng slee'meero instsihhiisaak dinkwa nee mu'k hhohho oo Mungu slee'meero Hhaeeda oo yaamuu /tali a dahha' kuunga' tundu intsihhiimisiya. 25 Mungu kuunga sleemeero tundu tsuuqi.