Tsufa'y Koa'n

1 Ga asma gwarusumo amohhoa ngina hanis asma daqane tunduwaamohho. Daqane sihhite lowaale sleeme mtundaohin maleale baraa' tiqitir lawaliima. 2 Qoytsina ani Paulo tundubabaw gidaaba' bartikay, tundual/un gwerusumo tunduasqwala/a tam ura gala. 3 Maleale anaande umohhawato utaal/utli gidaaba' inqondo ngiwatlehhiti nar sheria sleeme. 4 Tundunaparatl dir saw na gwerusumo kwada sleeme, taharimar fari nar sheria anakue dir saw na amohhoa. 5 Asma nar ur war muna nar hartlintao an damaramar nar muno gawit o harima. 6 Baraa' Yesu gwerusumowo al/utlo nasleeme bilaal/utlikang gar kond ikahh sleeme nar gawa slaati tisi ga ngir taqaqand. 7 Ang ati'ii'nda nar dor hhoo. Ama hetunda ila/i loema kiwa iari qasiikang? 8 Al/aymasi ar dosi /isa iamoros dahha kang ino's tundu/akaka kuunga. 9 Dixar ninaw /aru sleeme ngun' al ot. 10 Amohhoa an kom na kuunga nar baraa' Aako gidaaba' afikirindakang nar uruwar hatla sleeme. Umohe kwada tuntuqwaremisi kukumuwo's ngugangar ino's kilo's umohe kwada. 11 Hee' abartikay akomit al/utlo ngiwaoim gar bade ngis /ay amila? Asma /amu ni tam tada alhhantesumo msalaba xualeslay kuwahhitin. 12 A aleslemue asma kwas=da tundugeraharahara nar dor qomakang tituiya kiloin ale. 13 Mungu' tunduna/aka kuunga mukue baraa' amohhoa daqane amohhoar hung mapa/ang dir slaqwato. Bar dor garo wadir slaati ti/imise kuunga kilohong. 14 Asma sheria sleeme abu'ut wa baraa' amrir wa'k ,sleeme a /urtesa inslawomowok kuwasla ador kuung tir sla. 15 Daqane aluwo gir takikihhe na te /aye, tixunde gidaaba mitinhitmara kuunga kilohung. 16 An oim, humite nar muna na sleeme abuutisaakang ilatlarir slaqwa. 17 Asma slaqwa i ilatlerir ur kondo wadir muna na muna i ilatlerir kon ar ur wa dir slaqwa. Koka titlampaamisiya umohe naohatla, gar natiit aluwo utlehhitaakang morooda taslaa tlehhitow. 18 Geera bar tikay muna tundu gerahaarahar kuunga abara dir aakang dir sheriyaro. 19 Hinti aluwo tlehhim slaqwa talaqane, sleeme afuqi uchafu hhehha. 20 Firor ar sanamu da/ari tlakweema buhhagura tlakwe an ot wa munane, tin ba/as umisa islaakang qasimiso o mathehebu. 21 Gura tlakwe onmte, hehha na moroo' hatla ador kwisi. Tundun igahhat kuunga ador tundar igahhat argerawo, gidaaba' kwada moroodoo kwisi tlehhita idahiya baraa ufalmer Mungu'. 22 Aluwo daqane /amin muna aslaati qwala/a, amohhoa, qitla hai gurahhoa amohhoa. 23 Tseema, na afqoma sheria ikahh dir moroodor kwihe. 24 Kwada o gwerusumo Yesu ngakikii slaqwa dir wao na qwala/a asma ilatleriin ar tlak. 25 Abar tikay akahotan nar muna na sleeme himitani nar muna. 26 Alomaso mitaxirfermisan, mitaxislo ile hhitan umo hewo na hhiyawo's na sleeme mila itsi/ayir iga/awan.