1 Hee' abara he kwa oho baraa' slasla/ani kuunga kwada aba/ane iwaqond un haraki/isa hesi nar muno bara dirii an orihe tin alqaytsimta kuunga kilohung asma mtundaiar. 2 Tiale/imis huwawo abr' dosihe abuutisa shariar gwerusumo. 3 Abartikay he tam gala tiwaga/ay ino's in lowaqon na qomasi sleeme a garokang tin naxuxun ino's kilo's. 4 Umohewo gadiyedaros ngipimusi, daqane ga ngikon ino's kilo's ar tiwaxirfemisi tam sleeme tiafqomesikang ino's kilo's tam umohewo. 5 Asma umohewo huwawo's ngir tlay ino's kilo's. 6 He taitsahhatimisi /aymuwo iharind ta wadir wa'k ino's na itsahhatumusmowo's wadir moroo' hhohho' slee'meero. 7 Mutundaal/ay Mungu' kur/atsatsinakang tada ne adahas aqotada ngin buun sleeme. 8 Umohe kwada dahasingw ngwadahasi nar heumaro's ar iringet gar buun a hhita, daqane kwada dahasingw ngwadahasi nar muna gar buu'n afingw alhheesekomakang wadir muna. 9 Makaslaqatn bara' tlehhamii hhoe asma baraa qomarose abuuman abar' tikay aaluki/anakang. 10 Hinti aluwo qoma'r pa/aw nguwakoman kangw hho ur tlehhitan wadir umohe kangw hho un lowatlehha dir mukda' baraa' gur o haratlior idiri. 11 Qoytsite ure baruwitoon nadirhung goin nar takoe kiloe. 12 Kwada ngislaa ngiwatlehhiya moroo' hho nar alqaytsitar slaqwa daqare sleeme akwada tundu/urutemis tundwa al/utli. Dosi ngin/imisipa asma madahi baraa' hetlakwe ar msalabar gwerusumo. 13 Asma tam kwisya taal/utlin in in sleeme sheria ngiohinaakang. Aluwo in in gar slaiya kuunga tundun al/utlin daqane ngialesleya slaqohung ngiwaar dara/ang. 14 Mindatiit inwadara/am alomaso nar msalaba ar Aako koren Yesu gwerusumo nar baraa' ino's dando yaamuu kina sulubisha tlehh dir e na ani abara dando yaamuu'. 15 Nasleme ixuutitakang al/utlo tam buta al/utlikang tawa ga. Badalaros xwaylar /aben ilow harind. 16 Wadir mu sleeme kwada hot nar tlehhimiika, lehhoa ngikone na wayda hho igawa kuunga slee'meero, na gawa Israelir Mungu'. 17 Imir indi tam he gala maslehhemis asma anagagar leyar gerusumo nar gawa slaqwatee. 18 Xirfo Aako loren Yesu gwerusumo idahi baraa munaneren, mar afumo. Amina.