1 Anao gidaaba abartikay he dabaqas a na/ay aqowak na lawalimo, tam bartikayi a alusumo boroosi sleeme. 2 Warqesaro's i baraa' darii alukwadae nguga/aw na ngwadabaqasi aydir qomada ta qas na babain. 3 Tam ate'n slee'meero tawa na/a tunduna oh baraa' lawaliima ar unuda o gera o dando yaamuu. 4 Aluwo qomar qom inwahardat, Mungu' garmawos ngunaya/aw kwada talaqwal na hare, kwada talaqwal dir sheriyaro baraa' dirii. 5 Dori ngina/is asma ngiwaba/amis kwada baraa' diria dir sheriaro, asma da qasle ngiwa ilaohan afqomar ate'n tawa dor na/a. 6 Asma kuunga tawa na/a, Mungu' muno garmawo's ngunaya/aw baraa' guro mune nehung muno dahamis, abba, Baaba. 7 Asma gwatihe kuung alwalimuwo kag slamu lwalimo a garma abar a garma daqane kuung sleeme dawa qasumo nar dando Mungu'. 8 Tam qoma'r daqi, gomar Mungu' nguwatsahhikang nge alwale wa dir kwada ang tlehhimiin a qwarerokang idaale. 9 Aluwo dawane hinti Mungu' uxua' laqay daqane tundu xu na Mungu aluwo lawaliima amale slaa? 10 Aohindaa nar alqaytsita delor harim, qomar slehheng iloatimiti afqoma na kwureri, ani daayumit asma kuunga. 11 Andayumit asma waidorka tina/amangw iki/is toale. 12 Tundun alqadim, ukue alomao tunduamohho ador ani nidari asma akador kuunga tlehhit awadakusiikang. 13 Asma sleeme axua gidaaba' tawa tiqitir slaqwa na /aymu unaoim dir hung gari a sago geera. 14 Sleeme qomadae dor slaqwate tundu naqas baraa' iara, sleeme awaqaikang na asiikang bar dahasaro's inailaote ador malaykar Mungu' bara dorgaro ana gwerusumo tlehhit kiloe. 15 Aluwo hindi imola qwalo/ohung? Asma akaar wa amorhung gidaaba' ibiraya/amut inatu/unde geera ilahung ne nginahanisa dir'e. 16 Hinti aluwo daqane ang tlakusomohung tlehhit asma tunduwa loema babawu? 17 Tundun lelehhit nar qwala/a, na sleeme a wa hhoarokang gar taslai tundu paratli kuunga na ani daqane kiwadigirdela. 18 Kahho tam daqalae qwala/a kuwa kond asma moroo' hhona sleme aqomar tawadir' wa'keng na kuunga. 19 Na/ae oninak, antiqi slahhaamu asma kuunga maleale aydir gwerusumo itlehhit baraa' kuunge. 20 Anaslaa tawa dirwak diran slee'meero na kuunga hindi afor e ani war qese asma daaye arukom wa gawa hung. 21 Asooari, kuunga kwada ngislaa tawa baraa' dira dir sheriaro, aaxamisake sheria gar oin? 22 Asma kagoin gidaaba' Abrahamu ange ina/a daqay tsar kon uwak idir hareda ar lawalito na o hatla dir har lehh. 23 Tam hinti lawalitooda kana laqwal nar slaqwa kilo's naxas kwad o hareda lehho kunalaqwal nar al oa. 24 Moroodorkwi iya/amut kuwaoin nar slaqas, asma /anenari aslaqamis na qamada tsa'r ar wa'k inatiit wa baraa' tlomar Sinai. Na/a laqwalind akwado lawale kwi ahajiri. 25 Hinti Hajiri a tlomar Sinai ibara Arabuni slaqasewo's a Yerusalemur hindi asma tawa lawalimo na alna/awo's. 26 Daqaneko Yerusalemu toqa gawata dirii ka amohho, na ti an ayiren. 27 Asma kan qaro goin, qwalala/e king aminir sona, king ar laqwalimakang afo doxe na nar qwala/a, king tada aleslemu komakang o xwayla. Asma gidaaba' oyarid ana/a hoda osona ukwada ngi ba/a tada hhawato kom. 28 Hinti mukue ador Isaka kuunga ana/a al oa. 29 Qomada he kwada kuwalaqwal asma harimar slaqwa ngunatesi kwada ta laqwal wa harimar muna. Tam hinti aqododa. 30 Goi in oindi? Hingasak amenir lawalitoo dirwak na na/ay garma asma na/e /amerir lawalitoo kudawaqasi kang dir wak na na/e o haroda amohho. 31 Alo hinti, mukue ate'n a na/a har lawalitooro, alow naxas ana/a amenir amohh.