Tsufa'y Ta'm

1 Wagalatia tanadaha, a ila gala antlakangahhitin? Aluwo Yesu gwerusumo kuunga laqanike ador he tatesin wa geera ila hung? 2 Ani ganisla antsahh gidaaba wa amorhung. Aluwo ukailaofii muna nar tlehhimii sheria laqay nar haratlintao tada taxase? Aluwo kuunga adaktana nar idoorihe? 3 Aluwo daqane anaansirodii nar muna aluwo daqane kawaalhheesa nar slaqwa? 4 Aluwo dada anaslerii wa moroo' yarid toale, abarqo tsubaloema oqoto? 5 Daqane aluwo kwada muna ngwardu xi dir hung na tlehhimii /uri ngatlehhiti wa tla/ahung, na ngatlehh nar tlehhimii sheria naxas nar axasa wa dir wa'k ha haratlintao? 6 Abrahamu Mungu' ngunaharatlinti kunaharafar ahe kasimar kom. 7 Tlaqasay aqokwada tsahhak gidaaba kwada ngitsatsahhana atlintii a na/aa Abrahamu. 8 Goi ari nginao gidaaba Mungu' bir' nga far harima dir mu'k aba/anikang nar urar hartlintao, /aymu kuna al oin geera ale dir Abrahamu nar baraa' kuung ayemo sleeme kixifes. 9 Daqane aluwo kwada haratlintao ngi koma kixifesi dinkwa ne Abrahamu, kwada haratlintaor kom. 10 Kwada ang harafaror kom ar tlehhimii sheria kaliwit na loo. Asma kagoin, kwalous umohe kwada tisla slawaakang na morooda' sleeme tagoin baraa' kitabyada o sheria, ngiwatlehhi sleeme. 11 Hinti kagehho gidaaba' Mungu' ngifadifikang harma tani waka nar sheria asma sleeme he harmar kom ihot nar haratlintao. 12 Sheria itiimitakang nar hartlintao, aluwo slaqasewo's kwada moroowi gwatlehhiti nar baraa sheria, ihot nar sheria. 13 Gwerusumo tundunatu/u ate'n wa baraa' looda ar sheria qooma'r kuwa loo tlehhe asma ate'n asma daqane kawa goin, kwalous umoke kwada takikii gawa xaano. 14 Harafaro agidaba xirfo dir Ibrahimu dirii niwaxay amo'r mu'k aba/anikang nar baraa' Yesu gwerusumo, asma daqane ngiwaaleslawan ilaoharo aha dir muna nar baraa' haratlintao. 15 Mukue, anaaxwes nar ido'r heuma tam qooma'r agano heuma huwaqaroqas ogawit ihahha ongi aleslaw nqiwawaqai au ngiwadogi. 16 Hinti ahadi kanaoin dir Ibrahimu na dir qartos tioindahang wa dir qari slaqasay oyarid, slaqas sleeme bar owak ikos' wadir qarto kolos' kwisi a gwerusumo. 17 Hinti an oim ya sheriyar naxer wa baraa' ureri 430 aluwo Agano nguhangesake kwado alu taqas na Mungu'. 18 Geera' bra tikay dawa qasa ninaxer nar urar sheria na sleeme geera na xerikang nar uruwar delo oa. Aluwo Mungu' ngunaduxu doale dir Ibrahimu nar uruwar delo oa. 19 Asma mila aluwo sheria maskanahinges? Kanadog asma wa dakusa aydir na/e Ibrahimu nixay dir mukda' taioo wa inooin sheria kanaqas nar /uru nar dando malayka nar dako axwesini slemu. 20 Aluwo hiti axawesini slemu slaqas lowaale ngilaqaqand a he wakehang naxas aluwo Mungu' aqowak kilo's. 21 Aluwo daqane seria tislaslayaake na deloda Mungu' nao? ahaa! Geera bar tikay sheriar tindaduxu aleslemu ngukond o slafingw nguwa hub, harima geera kaslaslay nar sheria. 22 Aluwo warqwsaros goi nginatseg morooda sleeme dir aleslemu iringet, Mungu' dori nginatlehhe asma gidaaba' deloda ao ino's tunduwaba/amisi ate'n nar haratlintao ar baraa' Yesu gwerusumo iya/amut ngiwalsawan wa dir mukda aharatlintii. 23 Daqane aluwo qooma'r hartintao ar baraa' gwerusumo iwakahhatiti, ang tundunatse na abradirian dir sheryaro aydir gwer umor hartlintao ni xer. 24 Aluwo hinti sheria a wawutumorene ayhindi gwerusumo nexay, asma daqane harima kungiwafari nar hartlintao. 25 Hinti asma haratlintao naxer, akahhar slami maleale dir dabaa xu'musumowo. 26 Asma kuunga sleeme a na/a Mungu' nar gawa hartlintaor hara gwerusumo Yesu. 27 Sleeme kwada tabatimis nar bara gwermo ukailaote gerusumo. 28 Ikahh Myahudi tam Myunani lawalimo tam otatomay, hhawata tam hare, asma kuunga sleeme agar wa'k nar baraa' gwerusumo Yesu. 29 Abar kuunga akrishanay, daqane ana/a Ibrahimu, otadabaqasi nar oada tao.