1 Hindi alomaso kuunga an muku Mungu digirdel ador na/wos oslai. 2 Hiimite nar bara slaati aqodado ador gwerusumo tundar sla ate'n tinakilos duxu asma ate'n. Ino's sleeme a sadaka nee dhabihu nee tsita hho ar Mungu iwaqwala/i. 3 Fuqi ay uchafu tamgala nee ilatlerir tlakw lazima makaoin wa baraa kuunga idoda kar slai dir muju aba/ani. 4 Nasleeme tlakwema mikaoin axwesinta tlifa an waqama okiliqimis kwa qomaakang harimaros iwaqond naas inder. 5 Xuuti akondaa ar gidaaba fuqi ider uchafu sleeme kwada ngislaa kwisi akwada sanamu abudu tsehhit, garkon ikahh baraa ufalmer gwerusumowo nar Mungu. 6 He tamgala manax nar /aymeer to asmuma wa moroo dor kwi munene mundgu nihiit wa gawa na/a heshimar kumaakang. 7 Hindi doishe mitiharagaara nee inooin. 8 Asma kuunga gerawo ang a/ona aluwo hindi kuunga atsaasi nar baraa Aako. Dosi hiimite ador na/a tsaasi. 9 Asma sleeme /amu tsaasi hhohhoori sleeme ngiharagamis, harima nee Loema. 10 Lelehhe tada qwala/o kom wadir Aako. 11 Madentar tlehhemko wa baraa gadiyer /ona tada iamu koma kong badalaros gehhoe. 12 Asma moroo tlehhitiy inooin wa baraa lu/arey oo lowa likiqi tam bur o ar. 13 Moroosi sleeme burkalaqan nee tsaasi sleeme kagehho. 14 Daqaneko asma umo garta gehhoesi ibara gwa/anema. Idosi idao dosi, tlaw kuung o waqati nee watslaw wa laramuku ahhan nee gwerusumo igwa/at wagawa kuung. 15 Dosi tiharimagahhe doda tar hiimita daqane ador muku gar xuakang na sleeme ngixuy. 16 Qomar ale/isak asuma delori ar moroo tlakw. 17 Madaktana tsehhitara warqesaros tsahhak amila slaatir Aako. 18 Maonimitara nar bura igera dirii moroohhihhititingo war qesaros tunduhatsisi muno amohho. 19 Axwees nee umohehung nar zaburi nee xirfu nee daangw oo baraa munane da e ne slufunisak nar muno dir, Aako. 20 Tam daqala slufay duxe wa moroo sleeme nar baraa umo gwerusumo Yesu Aako koren wa amor |Mungu baaba. 21 Tiale/imis kilohung umohe nee koqa nar kaita gwerusumo. 22 Qase tiduxe wadir xawatehung ador dir Aako. 23 Asma xawata asago hare ador gwerusumo tawa sago kanisa. Aba/amusumo slaqwa. 24 Aqodor doda kanisa idorihiri iwa bara gwerusumo sleeme aqodosi /amena kawa tlehhi wadir hhawatein nar umoga. 25 Hhawate, /amenarhung slaak ador gwerusumo kanis aqar sla nee tinahanisinos kilos asma ino's. 26 Dosi ngina/is asuna hhohhoer ngina hhoin nee ninahanatl nar maay nare baraa /aymu. 27 Dori nina/is asma gidaaba tiwaharda hawi ino's kilos kanis aslufay, nee sleeme tam chafu ikahh nee inserehhimo ikahh nee sleeme tada slaqamis nee tisi ar hatla wa tisi ahhohhoori ar dakusar komakang. 28 Nar uruwa tada qoale hhawate kiwas lai /amenain ngin slaiy ador slaqon kwada hareros slaa doose tisla ino's ikos. 29 He tamowak ikahh oslaqwatos slaa kang ar hatla wa tisi ngiqoroin nee ngisla aqodor gwerusumo doda kanisa ngar slaa. 30 Asma ate'n tawa dinkwuumar slaqwatos. 31 Asma wati hhawata badoin ngugexay nee ayir in tiharagasiy nee hareros nee kwisiya tsar daqaneko asla qwata wak. 32 Ti ang talu/u. Hindi an oim asma gwerusumo nee kanisa. 33 Anxunmit umohe dir hung alazima ngiwaslai hreros ador ino's kilos nee hare alazima hhawatos nguwa kaiti tlehh.