Tsufa'y Lahhoo

1 Loqolo kaite wadir xwayliterhung nar baraa Aako, asma gari aharima. 2 Kaite wadir babahung nee aruhung, (asma gari a /amrir geera ar al oo ar kom), 3 Daqane sleeme atsini dir hunge nee aleslera twahota delor yarid wadari do yaamu. 4 Nee kuunga ibaba, na/ahungu migurii bo/emsara daqane dosika ika munaneduxe, warqesaro uminak nar bara gahhata nee alqadoda ar Aako. 5 Kuunga oo lawale alomaso anakait wa dir aluserhung ar dando yaamuka nar karita ur artawadararax nar daay ar baraa munanerhung dahh. 6 Alomaso anaita dir ine ador tarkaita wadir gwerusumo. Kaitahung ma arok tlehhit qomar aluserhung tunduwaga/ay daqano kiwa qwala/amisa. 7 Warqesaros alomaso ankaita ador lawale gwerusumo, slaarir Mungu tlehhita ar baraa Mungu ner hung dahh, as gadugusak nar Mungu arhung sleeme asma gidaaba uri asgaduyusa Aako nee sleeme ahewokang. 8 Iharind kawaxua gidaaba nar baraa tlehha hho ar he tlehhiti. Zawadi ngi ilaoh ar amor Aako dahh qomasihe alawalimo ay a hetatomay. 9 Nakuunga aluse aqodosi nee /isak wa dir lawalerhung. Minaxuxumara asma sleeme akwada oo gawa dawri. Akaxue gidaaba baraqanti ikahh baraa wose. 10 Alomaso, /uru unkond nar baraa Aako nee baraa aleslemuwos o /uruwos. 11 Xoslu sleeme dahasak oo Mungu asma daqane sihhita kawaslera artislewaaakang nee tlakwema netlangw. 12 Asma slaqwararen ar tser nee fuune wokang, agidaba adando falme nee ure muna nee alu ar dando yaamuka ar moroo tlakw nee bo/a wa dando netlame wa baraa yaamu dawri. 13 Aluwo hindi xoslu sleeme dahasak oo Mungu asma sihhita kawaslera ar gawit asma morootlakw wa baraa delori tlakw. Qomar bara hhees omogaro, asihhita nar gawdema. 14 Sleeme sihhite lowale. Dori /isa qomar mkanda kuwa tsege wa baraa loema nee harma gwa de/ebo. 15 Dori /isak qomasihe buutuma ikadahasebara yaahungu oo oingw /aymu kangwhh. 16 Wabaraa umowomaro gambo tatahhak ar hartlintao tada kuunga tundu/is mechri netlaangwad gasaro. 17 Koiya dahasak ar ba/am nee upangar muna daqaneko a /aymu Mungu. 18 Dir wak anee alefiro nee dua firirime nar muna umowomaro baraa qaytsitarihe alomaso tinxunda umo qomaro nar qitla sleme nee alefiro asuma muku aba/an sleemeero. 19 Firirime asma ani daqaneko asma /amu kuunguwahanisi qomar a f kee nguwa gwedit. Firirime gidaaba intsahhatimis nar munagawaduw loema kwada talu/i asma /aymu. 20 A asma /aymu ani a balusumo, kwada ta tsege nar munyororo daqane sleeme baraine niaxwes nar munagawdu ador doda karslai ngiwao. 21 Daqaneko kunga sleeme xuak morooe nee idor nir hiit tikiko hhiyae unislanee asgaduyusumo mwaminifu wa bara Aako, axweesini ngio ar umoga. 22 Nginaya/aw amor hung asuma gar slahhaamu asma daqane kaxua gari wa aten daqane ngialesla munanerhung faryiro. 23 Amohhoa idiri hhiyawok ker nee slaati dir wak nee haratlintao ar amor Mungu baaba nee Aako Yesu gwerusumo. 24 Xirfu idir wak tlehhiti nee sleeme kwada nguslaa Aako Yesu gwerusumo nar slaati tada gwaakang.