Tsufa'y Tsiyahh

1 Aluwo hindi ador heratseg asuma Aako, tundubabaw hiimite nar dor qom na/akaa mor Mungu tada tunduwa/aka. 2 Hote nar baraa ki/ima ur nee tsaema nee qitla, timqaytsimit nar slaati. 3 Bidi tlehhak na umoja kawa tunzinda ar muna wa bara tsegimor hho. 4 Sleqwa awak na Musa awwak aqodor doda tundar /aka nar hara xuuti ar harfaror wak ar /akaamorhung. 5 Nee Aako wa'k ider hartlintao wak ubatisimo aqowak, 6 nee |Mungu aqowak nee Baaba oo sleeme. Ino's igawa moroo sleeme nee gawa sleemeero nee baraa gur' o sleeme. 7 Wadir ate'n umohawo kwaqay aleslemuwo nar afqomar ar kipimuwos o a leslemu ogwerusumo. 8 Aqodor goi ngar o qomar iwafuru gawa lowaale, lawale nguna gerahar wa baraa lawaliima: Aleslemu ngunaduxu dir mu. 9 A mila gidaabar afuru, aluwo daqane inaawer sleeme bahhi baraa o dando yaamu? 10 Heda naaweri aqo he kwadae maleale kwad sleeme afurui amor saw gawa dawuri sleemeero. Dori ngina/is asma derutaros daqane ibara moroo sleeme. 11 Gwerusumo aleslemu dor kwi ngunaxuxut: Ya/abuse manabii wainjilisti, wanchungaji nee itsahhatuse. 12 Dor ngina/is nginaaleslemu i has kwaad aba/ane asma wa gadiyer huduma asma slaqwata gwerusma kawa tlehhit. 13 Dor ngiritlehhit ay' dir ate'n sleemeero dir m har dahan dir wak ar haratlintao nee qeru garma oo Mungu. Dor ngin/imis ayelir ni kwa/an ador kwada ahar dihi dir ure abuuti o gwerusumo. 14 Ti agidaba asma maka na/aa tlehhita maleale mutunda /akutimis amor tley nee umo furaa ar fundumis, nar gurtlakwema mu wa baraa qeru oo naxuxung kwada amoqwari. 15 Badalaros loema in axwesan o baraa slaati nee an iwita lowaale wa bara uru wa sleeme wa baraa ino's kwada o saga gwerusumo. 16 Gwerusumo ngaharakas wa dinkwa slaqwa sleeme ar muku aba/an kadir wak qas nee umo garo daqaneko sleeme slaqwa sleeme iiwit nee tina/amis kilos wa baraa slaati. 17 Hindi aluwo ti an oim ngin oim nar baraa Aako: Mahiimitara, maleale ador muku aba/anikang idor hiimitiya wa bra sagawasle akilir in. 18 Kabo/ari qas baraa mawazor ine kagus wa bara slafing oo Mungu asma tlifar in ar baraa inooin asma gawa dema munene toin. 19 Tam kiliqi kahha tinahanisi kilir nar hehaain nar tlehhimii tlankw, wa baraa omo kale qahangw. 20 Hindi aluwo dori aidor taitsahatimisii asma gwerusumo. 21 Axu gidaaba akaaxase asma ino's. Axu gidaaba tundafundumis nar baraa ino's ador loema idor idiriy obara Yesu. 22 Daqane moroo sleeme duxak kwada ta ga/ay ne dotar himita nar doda ar ang kaita ang. Akaita ang ar hhiturumit asma ilatleri al/ayma. 23 Kaitahung duxak ar ang asma dar qane tundu/abesi wa baraa muno sagago xar hung. 24 Dor /isa daqane aaleslera kaita /a ber kawa dahasa kwada tislaslawa nee Mungu. Kwa tlehhit nar baraharima nee xirtu loema. 25 Hindi aluwo qase dir saw nee lama Loema axweesa umohe nee inslawumowos. asma aten sleeme agar wak wa umohe wa dir hewos. 26 Munane komak, daqane i ringet matle hhara. Sle/ima madah aqomuner hung koda. 27 Netlangw mupa/ngw i hanisara. 28 Umohe kwad ofisisima maki/i fisoro aluwo war qesaros alagima gadiyengiwatlehhi. Gadiye ngitlehhi ar ino's ngu/is nar dabawos, daqane sleeme he ngu/is ongisla. 29 Axweesinta tlak matiimit wa baraa afihung. War qesaros /aymeeri lazima iwatiiy wa baraa afihung kwada qoma wa ale/iay kiwaqera kwada ngiiari qamima faidawo. 30 Nee sleeme Mungurahamisihamisara muno amohho oo Mungu, a ner ino's gidaaba tunda da/atiqas asma delor ba/ama. 31 Alazima guratlakwe sleeme kawaqasa amor saw, /umbalaamt munane buhha nee gotlo nee umogar qomakang ti/imise kunga kilhung. 32 Guratlemu komak. Tigura tlatlere kuunga kilohung ador Mungu doda nar baraa gweru sumo tundar guratlay kuunga.