Tsufa'y Ta'm

1 Asma ti ani Paulo a tsegusumo Yesu gwerusumo asma kuunga oo aba/anukang. 2 Aya/a/am ar gidaaba akaaxase ar gawa gadiyer amohhoar Mungu ar nahanis asma kuunga. 3 Ngiri goim dir hung doda dingar laqan dir ene kari a loema talu/u akwada na goim nee ququmares baraa bruwada ar hatla. 4 Abara somin wa dando ti tsahha asler ar kaitae ar baraa loemaka talu/i asmuma gwerusumo. 5 Dir garta hatlae loemaka katlehhikang hiwatsahhi wa dir na/a mu. Ila hindi kaqas kigehho wa dir muno ya/abuse kwa ta /amatl wa dir kahuse. 6 Loemaka talu/i agidaba muku taba/ani kang amuku dir wak na ate'n nee geera haruse tore tsar. Amuku dir wak nee aloar gwerusumo Yesu nar gawa injili. 7 Asma tihe akatlehhit asgaduyusumo nee Zawadir amohhoar Mungu tada taduxu amo'r nar gawa tlehhimii /ur uwos. 8 Mungu zawdir nginaduxu dir'e tam ani twa he nina dir mu sleemeero dir mukda ta/amatli asma Mungu. Zawadiri agidaba iharindi wa elir'e ngi wa oim dir muku aba/anikang /aymu Mungu kwada daqariimar kom arfaxuxu'kang ar gwerusumo. 9 Ikarind wa ani ngiwaitsaas am sleeme wa gawa mila axwesinta Mungu tas lu/aray. Gari a qeru kwada ta lu/uwa baraa kureri yarid o awarahhi, nee Mungu kwada moroo sleeme ngatlehhi. 10 Ti agidaba nar gawa kanis a lise na uray wa baraa dir gawa dawri, xuu ti ndislaye wa barta yarid ar qar ar kaita Mungu. 11 Moroowi geera natiit nar gawa qeru alhheesekomakang kwada ngabuutis wa baraa gwerusumo Yesu Aako koren. 12 Asma didaba nar baraa gwerudumowo qitlaukomar nee aleslemu odahamu nar muno kawit asma haratlintaoren diros ale. 13 Hindi an firirim maaluki/ara asma wa badedar'e asma kuunga. Ti a xifohung. 14 Asma ti an gurunguruit dir Baaba. 15 Asma wa ino's umofamitiyaro gawa dawri wo nee gawa dando yaamu kaumoi/aka. 16 Anfiriirm gidaaba ngiwa moroohho itlehhi asma daqarumar xirfowos, ngigaw demaitlehhi nar /uru oo baraa munowos kwada oo baraa hung. 17 Anfiririm gidaaba gwerusumo ihoti wa baraa munenehung nar gawa hartliorhung. 18 Anfiririm digaaba alomaso di ankonda na msingir slaatiros, alok an baraa slaatiro wak nee kwad asleeme qaya/ane idor nee tlenang nee uray nee sawema o slaatir gwerusumo. 19 Anfiririm gidaaba tsahhak ure slaatir ar gwerusumo kwada xuuti ngi ba/a Idori slehhak daqane tunduhatsis nee buutuma Mungu sleemeero. 20 Nee hindi dir umohe kwad ngialeslaw umogaro tlehharo gawa tisi sleemeero tafirariman au ar tafikiriman nar gawa /uruwos kwad gadiyer tlehhit wa baraa ate'n. 21 Dir inose alomaso an xirfu wa baraa guruo kanis ana wadiri gwerusumo Yesu nee dir qari sleemeero milele nee milele. Amina.