Tsufa'y Tsa'r

1 Aqadoda tar hhande baraa dakusada ar iringe. 2 Aqodori braa tihe gidaaba geera baraa hiite nar qomti tada ar dandoyamuka. Geera bar tikay anahiite nee anadigi'rdel ar wawutumo alusumo wa tlafo. Gari an munowos dir kwadae gadiyer tlehhit wa bara na/a moroo tlakw ngwatlehhit. 3 Ate'n sleemeero dirihe ang aqomuku wak baraa muki aba/anikang. Amatlehhitan nar idor ilatlen tlakw ar slaqoren. Anatlehhitan slaatir slaqo nar xuutiren. Anaur arawan nar kang ang oo na/a tlakw ador oo hatla. 4 Aluwo Mungu ale gur tlemu koni asma slaatiros kaur tundunasla ate'n. 5 Qomar twahhaman wa baraa dakusaren tundunahu dir wak baraa hotarir /aben ar guruo gwerusumo. Aamohhoa ar hho gidaaba tundunaba/amis. 6 Mungu tundunawaslu/is dir wak natunduna tlehh tawaiwiwitan dir wak wa dir gawa dawri wabara gwerusumo Yesu. 7 Dori ngina/is asma balo dleor hito ngialeslay laqamaro daqarimar uru lowaale ar amohhoaros. Ngina laqaqa diren asma wa uruwark hhoaros wa baraa gwerusumo Yesu. 8 Asma neema tundaba/amis nar uruwar hratlintao. Na ti iamoren dahhakang. A zawadir Mungu. 9 Hiimitakang nar tlehhimii. Tiitinangos, mindatiit tam wak oti xirfemis. 10 Asma ate'n a gadiyedar |Mungu tundunatlehhit wa baraa gwerusumo Yesu ngiwa tlehhitan tlehhimiihho. Atlehhimii koka kwad Mungu apangin imir ang qaroro asma ate'n asma niwahiitan wa baraa tisi. 11 Daqane sleeme islawak disi qaroro kuunga amuku aba/anikang nar slaqas slaqwa. Tunduatetin, o ta al/utlikang, asma tanda tababaye al/utlor slaqwa tada tatlehhit nar dabaa he. 12 Asma qomasihe tundaqaro /amatl na gwerusumo. Kuunga adahayer muku Israeli wa sleeme adahayer. Agano ahdi. Akondaakang haraxuuti ar qomar hiit. Anaurarere bila Mungu wa bara dando yamuka. 13 Hindi aluwo anr baraa gwerusumo Yesu kuunga keada ang gerawo saw nee Mungu tunda hu dir tsew nee Mungu nar tsere gwerusumo. 14 Asma ino's an amohhoaren, nginatlehh tsar ador wak nar slaqwatos ngwlahhitin ku/ung otwaslaanakang kwada ange tund paratli gasi a slagwara. 15 Gidaaba nginakomeshin sheria na /amri na kamini asma gidaaba nguwatlehhi wak oo /aben wa baraa ino's. Garatlehhe amohhoa. 16 Dori nginatlehhe asma gidaaba tiwaslaiy, burumburi tsarawo ar mu tawa tsar wak dir Mungu nar gawa msalaba. Nar uruwar msalabaro tlakwema nginahinges. 17 Yesu ninaxay na nginaoin amohhoa amorhung kuunga kwada saio na amohhoa amor in kwada geera kiwatsew. 18 Slaqasay geera nar uruwar Yesu ate'n sleeme tsaraww pa/aw ukoman wa dir morowak niwadahan dir Baaba. 19 Hindi aluwo kuunga muku a ba/anikanga hhaytuserokang na adahayerokang maleale. 20 Tundunatlehhe gawa misingir ya/abuse nakahuse. Gwerusomo ino's ino's kilos an tala/ano bahh. 21 Baraa inose tlehhima sleeme kwa haragas dir wak na inaurer ador hekalu wabara Aako. 22 Abaraaros kuunga nee koqa tundutlehhit dir wak ador kotari wa baraa Muna.