1 Paulo ya/abusomo gwerusomo Yesu wa slaatir Mungu, kwad ta/amatl asma Mungu kwada, Efesor dina nee sleeme keada qoar wa baraa gwerusumo Yesu. 2 Xirfu amorhong nee amohhoa ar amor Mungu dahha, Baaba koren nee Aako Yesu gwarusomo. 3 Mungu nee baaba oo Aako koren Yesu gwerusumo kuxirfo ihanis. A ino's ohundaxirfesi awa umo gitse/a hho o baraa munane wadir dawri oo guro gwerusomo. 4 Qomar aya iwahahhatiti Mungu' tundunahagus ate'n keada haratlintaor koma wa baraa gwerisomo. Tundunachangus ate'n asma daqane ngiwaaleslawan tawa muko tlehhinii hho nee mutnda tlatlakwes wa gerawos. 5 Baraa slaasirose Mungu tundunachagus wa gera nee nginaaweris ador na/awos nar ur war Yesu gwerusomo idori ngina/is asma kunahhohhoes ngiwatlehhi tada asla. 6 Aluwo gara tiit a gidaaba Mungu kuri xirfemis nar hhohhoa ar xirfowos. Ti an gar na slay toale nar ur war slaarumowos. 7 Asma baraa slaarusumowose ba/ama ikoman nar gawa tsereros gur tlemu iringet. Ti akoman asma daqariimar xirfuwos. 8 Xirfowi ngunatlehh oyand asuna ate'n nar baraa kai nee xuwa. 9 Mungu aginatlehhe kawaxui diren ale loemada talu/i okangwda asma gidaaba wa slaatir talaqan gurko gwerusumo. 10 Qomar delo ibirabuut nar idor qoma ner qeruwos, Mungu ngiqas dir wak umoga lo ar gawa dari nee ar gawa dando yaamu ibara guruo gwerusumo. 11 Baraa gwerusumowo sleeme tunduna chagus nee kanaslaa sleeme qomar iwahahhatit. Ti inatlehhit asma qeruwos otlehhit omoro sleeme asma harafarir slaatiros. 12 Mungu dosi ngina/is asma gidaaba ngi naasilawan niwadawan nar xirfo amohhoaros. Ate'n onogera baraa qitlo gurwo gweru sumowo. 13 Ange nar ur ar gwerusumo gidaaba anaa xase /aymzi loema /aymu ba/amar hung nar ur war gwerusumu nage nar baraa ino's nee sleeme gidaaba akaharatlintie nee tunda da/atiqas ar mono amohho kwada taas oo. 14 Muna an qasarar dabaqasaren adir alingislawan. Tian tada ar xirfo amohhoaros. 15 Asma tihe imir qomada ngiwaaxas asma haratlintaor hung naraa gur oo Aako Yesuwo nee asma slaa tir hung wa dir kwanda sleemeta/amatl asma ino's. 16 Akamawikang Mungu nguwasiufe iki/imis asma kuunga nee tunduwaoim nar baraa fir' e. 17 Anfirim gidaaba Mungu o Aakoren Yesu gwerusumo baaba oo amohhoa tunduqay munokaito gwerumor xuutir hung. Anifirim digaaba ilahung oo baraa munane ki/uru idogi nee kuunga kawaxua agala qitla o kuunga tunduwa/akai. 18 Ar'firirim gidaaba kawaxua daqariimar xirfu dabaohaaba kawaxua daqariimar xirfu dabaohatos wadir kwada ta/amatl asma ino's. 19 Arifiririm gidaaba kawaxua urewos kwad nguba/a wa /uu kos o baraa ate'n kwad nee haratlintian. Urewi gar tiimiti agaduyetilehha nar baraa /uruwos. 20 Gari a/uni gadye qatletli wa baraa gwerusumo qomar Mungu nguwawaslu/is wa baraa gwa hhane nee nguniwitis baraa dakos oo hhawatiima wa dir gawa dawri. 21 Ngunaiwitis gwerusumo gwa dir saw nee ali aleslemu /uru angeros nee omotaoinang. Ngunaiwitis Yesu a asma qomar ti kilosekang nee sleeeme a waqoma toqa hiit. 22 Mungu moroo sleeme ngunaiwitis baraa yaa gwerusumo. Ino's nguna saga tlehh gawa moroo sleemeero wa baraa kanisa. 23 Akanisa gidaba ani slaqwatos buutumawos kwada ngihatsisa morosleeme wa baraa uruwa sleeme.