1 Mungu' aba'r yuna washo/atiis dinkwa nee Kristo, moroo gawati diril' amoda Kristo i dirii na lelehhaak kwada a i wiit dak doo /uyay oo Mungu. 2 Hhaslite' asma moroo gawti dirii slimi ma haslitara as moroo dando yamukahe. 3 Asma aka hhaande, hotahu'ng ka lu/ dinkwa nee Kristo baraa Mungu. 4 Qoma'r Kristo birta gehhoes kwada hotahung koo'm daqane kuunga sleeme tunun gehhoes nee ino's ne'r baraa xirf. 5 Gawaa idoorihe hotahu'ng oo baraa dando yamuka gasak, ido'r slima moroo slasla /are'n ilatlerir tlakw hhaslor tlakw ilatleri ar Mungu i hatla kiwa kwahhami. 6 Mune'r Mungu' gawa mu'k ila iwa/ame'r konaakahe in xer as morowi. 7 Baraa mowihe kuunga sleeme akahi'imite tawa wiwite baraa tla/angw ine. 8 Ala hindi a gar hariim morowi sleemeero kuwa hengesat morosi a ido'r mune'r tlalw buhha, hhaslor tlakw gotlo nee /aymeritlakw oo ti' imita baraa aferhung wa ale. 9 Miti al/aya/ayarai kilohung ale asma heumarhung toda ar gera aka duxe nee tlehhimii wose. 10 He umar' /aben aka dahase' toda ta /abomisi ner' baraa slaqase xu'utir kwada tina tlehh. 11 Baraa xu'utihe barqanti i ikahh dir muk yunani laqa Yahudi laqa oo ta al/utlin laqau oo ta al/utlinikan, laqay kwada, a smonin laqay kwada a sominika'n hee lawalimo laqay hee lawalimokan, ala baraa tisihe Kristo a moroo sleeme. 12 Dir mukda' ta tsawa'r nee Mungu' kwada ta hhohhoesi nee kwada oo sla'anise, he umar hho dahasaala gurhhoa, tiwa ninemisa, tsaema nee qitla. 13 Umoo'qohewo koqa nguwa tsatsahan, tiwa gurtletlera umo hee nee koqa aba'r nee i /aymu kon gawa nee hatlae ti gurtlere idoda ar kila Aako Kuu'nga nura gurtlay. 14 Baraa kangw sleemeero sla'ari konaak an gar ta alqaytsit baraa kwa/amuwo. 15 Waydo Kristo tunugerahari bara mune mohunge a asma waydowi tunure ateet tawa slaqwata wak tlehhitaan gimse slutay komaak. 16 /ymu Kristo baba/aresak baraa hunge ne'r saga loa sleeme tiwa itsahhatimisa tawa dinku'umita baraa da'angw nee da'angw baraa qeni, daee' ne'r slufay baraa munemahunge amo'r Mungu i ale. 17 Umo gada ta qo tlehhita' baraa /aymeeri laqa tlehhimi'i sleemeero tlehhak ner umo Aako Yesu Kristo, slufay hanisak dir Mungu' Baaba ne'r urwa'r ino's. 18 /ameena, hhawatehu'ng ila iwa wa/aak idoda ir hariin dir gera Aakowo. 19 Kuu'nga' oo hhawate, /aneear hung sla'aak ma dihhe tlehhitarai dir iine. 20 Na/ii, xwayliterhung ila iwawa/aak baraa moroo sleemeero asma an ido'r harim dir Aakowo. 21 In baba, na/iihung mi tawo difarai' asma ma tawa diqe tsatiit. 22 Lawale akoki' i hungila iwa wa/aala baraa hota slaqwato ne'r baraa moroo sleeme niwa met bara ila kilos ala ar muno loema ar Mungu kuwa dai mita. 23 Umo garta qo tlehhita'a tlehhaala me'r idoda baraa munemohung dahh ido'r ana tlehh dir Aako a gidaabaheka ana tlehh asma hee. 24 A xua' ar idaaba 'ar/antirhung a slera ar aal nee hee ta sagadiyusan a Aako Kristo. 25 Asma hee gar slasla/ar nga tlehh askawaslema ngin slay as gada' slasla/ar a tlehh baraa tihe barqanti i kahh.