1 Ani a slaa' kuunga kawa xua' ido'r slahha'amayer yarir ngira slaw asma kuunga, dir muk Laodikia sleemeero nee kwada ani aa ari'iika'n baraa ila slaqwato. 2 Gadiyer an tlehh as kahho' munema in iwa qwala/iya ar kiwa huwi baraa sla'ari nee naraa daqari'ma sleeme baraa loema kila nee xu'utir lu/areda oo loema Mungu baraa Kristowo. 3 Baraa inose daqari'iima sleeme nee sagaloa nee xu'uti ka luu/. 4 Ti an kah as kahhoo, hee tam oo wak mukuwa al/ay ner /aymeeri yariri oo harhhehhe'emiso koma. 5 Ani tam ala diknwa roka'n nee kuunga baraa slaqwato ala a dinkwa nee kuunga nara qeeruwo a qwalala/ asma /uru hara tlintao oo ta konda gawa Kristo. 6 Idooda Kristo Aako kura ilaotes hiite' ne'r harawo's. 7 Gawduwe' barawose, sihhite, gawos i ale gawduwo baraa haratlintaoro idoda tunura itsahhatimiis, ar slufay kuwa ducuta. 8 Qaytsite hee tam oo wak mtuna ilaxaf ne'r xu'utir sagaloa'r muu nee /ayme'eri ta qomees oo al/yma'r koma axwesawi amo'r i dahhi a amo'r Kristowoka'n amo'r mu'k yaamuka. 9 Asma gwa inose ga'r a /aruur ar ino's tawa Mungu i kahh. 10 Kuu'nga tununa hatsis baraa ino's mos an sago umo/uru nee aleeslem. 11 Baraa inose sleeme tununa al/utlin ne'r al/utlingw ta tlihhitika'n ne'r kawa hengemiisi ala alu/utlor baraa Kristo. 12 Tuna fool diknwa nee ino's ne'r urwa'r batismo ner urwar har tlintaoro tunure waslo/atis ne'r /uruu Mungu. 13 Qoma'r tawa hhande baraa tlakemahung nee slaqo hung ka al/u tlinika'n kuunga sleemeero tunu naa slafiis dinkwa nee ino's ar tlakwemare'n sleemeero ngiwa gurtla'y. 14 Goir ta goin ar ate'n tun wa inuusi kana fiits, toda wakarir hubiim sleemeero kana henges kare kiki'i gawa pehhi. 15 /uru nee wawiti'ima ngina hengee's ne'r kwad ateslemu koo'm nee aleslemuin nguna henges ne'r msalabar Kristo. 16 Baraa idoorihe kuunga hee mutunuwa askwaslemuut baraa /ayimaro laqa baraa wahango laqa delor sikuku lapa slehhangw /aben laqa bolo sabato. 17 Gari a hhantimo moroo aluwo hiit ala kangwi dir i bo/i a dir Kristo. 18 Hee tam oo wak /ar/antiros makawa hayah asma mukko ti koloin ninmisiya nee malyker har tlintatia' miwa watlakwesari. 19 Hesi nee Kristo a dinkwaroka'n asma slaqwata Kristo a imir mo'r sago wa tlemu nee diqay sleemeero kuna haragas ga slaqwa nee kin urmiis nee Mungu. 20 Aba'r ana hhande dinkwa nee Kristo baraa tlehhimii dando yamukae bere' an hota' ido'r mu'k baraa yamuka? 21 "Ma ohara nee matsaqara nee sleeme makwatitara"? 22 Moroowi sleemeero in hhituruut qomar burku as dawimiit. 23 Haraayari i sagaloar koon kana tlehh as kangw hee kilo's ar slaqratos ngiwa kolo's slahhaemisi ala ga'r i koon ikahh dir ilatlerir slaqwato.