Tsufa'y Tsiyahh

1 Daqare dir lawaler hinge harimaduin nee gada' hho dirine hanimisak nee kunga xua'a ar gidaaba kuunga Aako u konda sleeme gawa dawriwo. 2 Kumite nee gawduwai baraa firoro gawa tisihe ti har maqahhe nee slufay kuwa konda. 3 Dinkwa'r wa firime' asma ate'n as kahho Mungu tsufa'y ng'uwa gweri as /aymu, kuwa axweesan li/areda oo loema Kristo. Asma tina tseg asma ti. 4 Nee firime' ar gidaaba yoda anisa harim oaro ngiwa aleslaw. 5 Hi'ite' ne'r sagaloa dir kwada oo afeniro nee qoma ma qwaresara. 6 /aynerihung i tsuqa kone umo qomaro nee iwa tsuiya' umo daqito nee kawa xua' ido'r hee hasla kur alki/isa. 7 Dir morooda' ani as hari maa tikko ngi tlehh ti ka xui ayahung, ino's hhiya oo sla'arusumo, sagadiyusumo inserehhi wasl, a lawalumoren oo baraa Aako. 8 Ngun ya/aw ayahung asma gri ar gidaaba' moroo kuwa xua' gawa dando atene nee sleme tunuwa muno i doggi. 9 Ngun ya/aw tiwa alkona, nee hhiyaren sla'arusmoda inserhhir komaka'n kwada dinkwa nee kuunga umo garo ngi oiya idoda ira tlehharumit ayawihe. 10 Aristako kwada ta tsega dinkwa nee ani tunutawe'emiis, sleeme marko mana'y Barnab kwada kangw kuwa ilaot birna xay ku ilaota. 11 Nee sleeme Yesuda, ta bay Yusto koka kiloin an mu'k ta hhehhe'emiis oo nee ani nigadiyusan asma kangw wawi'itmar dawriwo, direne in gurkwa/asa tlehhiti ye. 12 Epafra tunu laweemiis ino's oo baraa tla/angwhung nee an lawalumo Kristo ino's i karkarimir baraa firoro asma kuunga' as kahho sihhitano kawa aleslera' ne'r gana'amu ar kawa xuxui baraa sla'ari Munguhe. 13 Asma ani a lamabu'um ar gidaaba' gadiye ngi lo wa tlehh asma kunga' dir kwisiya' oo Laudikia nee dir kwada oo Hierapol. 14 Luka qwaslarumoda' ta lo' loa sla'aan nee dema nu laweemisiya. 15 Hha e ee' oo baraa Laudikia laweeseke nee nimfa nee kanisar baraa do'os ii dirii. 16 Barawari abarka somin baraa tla/angw hunge kasomin sleeme dir kanisar Laudikia nee kuunga, sleeme baruwada amor Laudikiar dahh somimaak. 17 Arkipo idabawak, Qaytsit gadiyeda ta ilaot as Aako hariin kawa hardahas. 18 Laweesari ana goim ner dakw ee' oo kila ani oo Paulo. Tsegamor ee' . Islaslawak Mungu nu tsuqi sleemeero.