Thehhmii Ya/buuse Tsufe GWAALEL

1 Qoomadae Sauli ire kumiit eeharuuser Aako, ngiwa dae tlaaqi nee idor ngir tsu/i ngire leeleehhiits ire daqay ay dir kaahamu smoo ur oo Muungu. 2 Baruduu i huwi baraa Damaska awa ta goin amor maree Saalingw, ngire firin asma muk uruuwadar Mungu ng'a digirdeel oo aa slay ta hhawate laqa /ameena ngiwa tsigiiti nee ng'iwa huwi baraa Yerusalem. 3 Qoomar iwa hhayumiiti nee iwa tseewi Dameski gwa/atemaa dawri dahha nguna iqwa/atiye idale bale dadu sleemeero ar ganslaay. 4 Inos ire huu nee agoo ngire axaas ar kah, "Sauli Sauli, asma mila aning miss slehhe'emiis?" 5 Sauli ir oo kung a maa Aako? Aako ire oo aning aa Yesu kwada kung ta muna boo/emiis. 6 Kuung sihhiit tlawu dah baraagixsa kuung tu adbay tada hariim tlehhmuwo. 7 Mukda taalhhayut dinkwa nee Sauli tare xaasliit nee afoo kan axaamiis nee hee ku ga/ayka. 8 Sauli ir sihhit nee iwa qaytsiit naxes ilawos ixumisiaka kure dawa oh kure huwu ay Dameski. 9 Ire iwiwiit ay deelo tam ixumisiika nee i /ayayinka nee i wahahanka. 10 Nee baraa Dameskiro eeharuusmoko wak ider umo'os aa Anania, Aako ire oo ner baraa iguutu, "Anania" Aninia ire oo aning aa durii Aako. 11 Aako kure bay, "Sihhiit tlaw ay dir uruwada ta bay uruwar aa tumu ay doo Yuda nee hee ta bay Sauli oo Yamuu Tarso Yaahaasek. 12 Inos hee umo'os ta bay Anania guna ar ner baraa iguutu iwa baraa doowi darahi nee ngure dabawos qaas as ilawos iwa male xumsoriiki/iya. 13 Aluwo Anania ire oo, "Aako aning kaangw heesing ugwa axamamiis wa dir muk Yariire, idor heewi muro'o tlakw o a tlehhahhiit dir mukok oo hhohho oo baraa Yerusalem. 14 Dirihe hara'aya ga kaon ar amor kahamusmoo ur daahh ar mukda meero umuwook /akakaa ngiwa ohin." 15 Aluwo Aako ire oo, Kuung tlaw asma heesing a xoslmoo aningnafsawa ar asma umue nguwa alku/iiti dir xoorduwo nee dir wawita nee dir muk Israeliwo. 16 Aning idor slahha'amayer yariir ar inos wa hariim sleemuuwo asma aning a dirosi laqaam. 17 Anania ir tlay ire baraa do'odi dah Sauli ngure daba i qaas, ire oo, Hhiyaaee, Sauli, Aako Yesu kwada ta dirogi geehhoutis baraa uruwada nira hardati aning iga ya/aaw asma ilawok niwa male qaytsitiya nee tuwa hatsisi Qeeruu hhoohhoo oo Muunguhe. 18 Siwadar kilae maro'o ador qafo, ina pa'ahh wa baraa ilawos tsiit, ire qaysihhit, kure baatis, muro'o/ayiima ngure /aay/uuruu ngure slay. 19 Sauli ire hoot wa baraa Dameski deelor yariir dinkwa nee eeharuusedar amoda. 20 Qomasiye kaangw Yesu ngure alki/iit wa baraa mare'ee Saahingw, iwa kahi, Inos aa Garmoo Mungu. 21 Nee muk kaangwi ngwa axaasi sleemeero tare waa/aoo/omin, tare kah, "Heewia kwadaeka=e muu sleemeero oo umo'owi /akakaa ng'wa hhitiin oo amosing baraa Yerusalem? Nee gar nisa xay aqo kaangwi muko Muungu ng'uwa tsegiiti nee nguwa huwi amor kahaamuser uren ar Muungu. 22 Aluwoo Sauli kure ale sleemuwi hariis axweesanta Mungu alki/ituwo, muk Yahudi, oo baraa Dameskiri dirii ngure baa/ ngiwa laqaqan idor Yesu tar Kristo. 23 Deelor yariir iwa waarahh, muk Yahudi tare al axwees dinkwa kuwa gaasi. 24 Aluwoo Sauli idoroin tada ngire tsaahh , Inos kure gigidiin dir tsufii gixsa amsi nee tlatla/aang'w gawaa aleer taa harweer ar gixsa. 25 Aluwo eeharuuseros amsiwo ngure dux ngure qas braa memehhi, kungure aweeri ar pa/angwa gawaa aleer taa harweer ar gixsa. 26 Nee Sauli iwa hardah baraa Yerusalem, ire haragwaa dir ee haruuse, nee echaruuseda sleemeero inos ngure daayumit asma kwa haratlintiika idor inos tar eeharuusmo. 27 Aluwo baruaba Sauli ngure huuw amor Ya/abuuse, kaangwi ngure dir iini alk/iit idor Sauli Aako ng'ura are uruwaro, nee idor Aako ira axwees nee Sauli nee Sauli ya/abtor hho idor ngira alki/iit ar dae wasle baraa Dameskiro ar umoo Aako. 28 Tare alhoot nee inoin wa baraa Yerusalemu, Ya/abtor hho ng'ire alki/iit ar umoo Aako ar dae wasle. 29 Ire axwees ne tire dinqiimisiye nee muk Yahudi, kwada kaangw muk Yananir axweesa sleeme tare axwees idor kur gaasi. 30 Qoomar hhae lama ngiwa slaye, Sauli kurer tlay ay Kaisaria, iwa kumiiti ay Tarso. 31 Krislanaay sleemeero awa baraa Yahudi, Galilaya na Samaria wayda kure slay. Tare gawduy bara uruwadar Aakowo, Aako kure ilaiwawa/, Qeeruu hhoohhoo oo Muungu ng'ina gurkwa/amiis nee farorin ire dogigiin. 32 Petro haratlintawse ng'ire alhiimiit ire aweer ay amor muk hhohho oo Muungu kwada oo baraa yamuu Lida. 33 Amodae heeko wak guna ar umo'os a Ainea. Heewi i gawaa falta hootatiin kureeri dakaat asma ina Solo'omiiti. 34 Petro gure bay, "Ainea Yesu Kristo kuung u hhoeesi tlaw taltok amohhe'eseek," Siwadar kilae ire tlay. 35 Nee muu sleemeero oo baraa yamuu Lidari dirii nee Sharoni heesing kuwa ar Aako kure haratliutii. 36 Nee eeharuuso'orka ider baraa yamuu Yafa umo'os a Tabitha, kaangw girikiro, "Dorkasi" (gidabaros tlaaqati) /ameenitii tlehhmii ho oo yariir gaa tlehhaahhit nee ilahhoa ga hanmamis dir muu. 37 /ameeniri deelodae tiqti ngina ot ire gwa. Nee hamaatlaro kawa hhe'ees kare tsa/aas gawaa gorofa, kare qaatiis. 38 Asma Lida kawa tseew bahhii Yafa, nee eeharuuse ng'iwa axaas ar gidaba Petro i amooda i dirii, muk tsar kure ya/aaw amoroosi alero, Petro kure harhheehhe'es kure bay, "Qwalang amor ayaren mindi ida/aar." 39 Petro ire tlay nee inoin tire alkone. Iwa harodah kure tsa/aas gawaa qorofa nee /ameenar kwaeeli sleemeero ire bahhiiwos i sihhit ta /aa/amin, kotaay nee hingqaro'os kwada Dorkasi aa hirit qoomar iwa slaf ngure laqaqaan. 40 Petro muu sleemeero ngure duux afeen ire guruungeeriit, ire firin, ire amor tuuaari warqay ire oo, "Tabitha, tlawang," ire qaytsit, nee Petro nguwa aan tleer ire iwit. 41 Petro ngire dawa oh ngire sihhitiis, mukda haratlintii nee /ameenadar kwaeeli ngire /akaa nee ngire qaas gerain nee inos i slaf. 42 Kaangwi ire xu'utiit baraa Yafa sleemeero, muk yariir Aako kure haratlinti. 43 Petro ire hoot deeloor yaariir wa baraa Yafa dir doo heeko ta bay Simonu kaduu tlehhahhiit.