Tsufa'y Dakaat

1 Baloda gusisingw ur oo muk Krishamay ire /asiin baraa Yerusalemuro sleemeeero tare diyaya/aat baraa yaamuu Yudearo nee Samariaro ala aqo har ya/abusee kilo's. 2 Muk Mungu ila iwawal Stefano kure fool kure as Hhiimaaus lo wa ale. 3 Ala Sauli muk krishaangay nee/ameenaro kire duuxun gire dahamiis baraa doo tseegamo. 4 Ala eeharuuseda ' aa diyaya/at ire tleer amorqa nee amoorihe. ya/abtor hho' kare alki/iit. 5 Filipo ire aweer ay braa aya Samaria iidiguu Kristo ngure alki/iit dir muk i ale. 6 Filipo axweena Mungu ngiwa alki/iit nee lay du (slawqsay) ng'iwa tlehhit boo/ay muu axweesanaado gure iiar i qamin nar muunoo wak kwada Filipo aa axees. 7 Asma muk yaarir i nee tlaamer kon, nee tlaameeda ire /aa/aamiin nar afor ur ire ti imit, nee muk yaarir oo tiqtir solomit nee toqooray kurehhoo eemis sleeme. 8 Qwal/uu yaarir ire hardah bara ayada i ale. 9 Heeko umoowos ta baby simoni i dee a baraa ayadae ino's a qwaslaarmo muk yaarir baraa aya Samariaro, waa/oo/amor yaarir gana ara ar asma inos i kaahhi "Ania hee uk." 10 Heewi kun ii ar i qamin nee muk yaarir hee niina tam hee ur ta kaahi, "Heewi an aleeslaeemuuda o Mungu kwada tawa kaahi aleesleemuu da ur." 11 Heewi kun iiar i qamin asma de'emaa yaarire waa/oo amo gan tlehhiit nar qwaslaari iimaros. 12 Aluuwo mukda axweesanta Filipo kare harantlinti daandoo iidiguu ya/abtor hho ar Mungu nee Yesu Kristo, kire baatimis hhawa aate nee /ameenaro. Simoni inosuu kila sleeme ire hamantlintii kure baatis. 13 Tire alkoomakone nee Filipo slami ire waa/oo/amin layadungiwa ar nee morooda xu a waslen oo aa tleehharuut. 14 Ya/abuuseda Yerusalemur i dirii ngire axaa sa gidaaba muk Samaria axweesanta Mungu gaa ilaoh Petro nee Yahani kire ya/aaw amoodi ale. 15 Inooin tawa hardah amood ale muka a haratlintii kure ale efirin asma Qeeruu hhoohhoo kuwa iloohii. 16 Asma tam hee wak oo Qeeruu hhoohhoo ngiwa ilaoh i kaahh aqo kin too baatimiis ar umuu Aako Yesu. 17 Petro nee Yohani daber un kire qaa's gawaain i ale nee Qeeruu hhoohhoo kure ilaoh. 18 Simo nuda oo qwaslaarmo adorda ngiwa ar gidaaba muu Qeeruu hhoohhoo ngu slaslay nar daber ya/abuuse peesa gire haniisan wa slaa. 19 Iri oo' "Alaleesleemuuwi ning i hariisare sleeme, asma daqane umuuqoheewo oo aning ni dakw ee i qaa's masok Qeeruu hhohhoo gu slay." 20 Ala Petro ire oo, "kuung nee peesaroge tsaree eet asma kuun ka xu/uuruu Mungu kuslaslay nar peesa. 21 Dinku uumar kuung nee ate'n i kahh gawa kaangwihe, asma muunuwok ku hhoohhoo ee ka dir geera Mungu. 22 Gawa adoorihe tlaweemaawok kwisi nga hhu'u'umeek, Aako na firiimeek asma inslawaysing oo muunawok nguwa gurtlay. 23 Asma an kuung ga/aw da/ita baraa guruuwok i qarqat ador saaxi, slami kuung tlakweema ukwa tseegie. 24 Simonuduu qwaslaarmo iri oo an alefiriri maare dir Aakoowo asma moroosii sleemeero naa aning i kate ani iwa pa/i." 25 Petro nee Yohani ya/abtor Aako kawa hhe'ees lamabu'uungo nee alk/ituuwo tare kii/ ay Yerusalemu, uruwaaro ya/abot hho kare alki/iit baraa gixsadaa ninakw awayaarir baraa yaamaa Samariaro. 26 Malaykamo'o Aako ire axwee's diri Filipo ire oo "sihhit tlaw bihhii basa ay uruuwada naa Yerusalemur wa tleer ay Gaza" Uruuwada a uruuwar xanxaay. 27 Filipo ire tlay qomadar kilae heeko ngure ar hee kushir da'ahh, ino's a sagadihhitusmoo wak dir daqariimarose sleemeero dir kandase. Waawuto ar yaamuu kushir nee daqariimaros sleemeero gir ga/ay inooin Yerusalemu kay asma Mungu nguwa sluufimi suu ay. 28 Nee newa kii/ aa i wiit gawa gaariros i kitaabuu aarusmo Isaya soomuus. 29 Qeeruuhhoohhoo ire oo dir Filipo "Tseewuw dir bihhii gaariri diigirdelitek." 30 Filipo ire tlay nar ti iingw, heeda gure iiar i gaas na xesi kitaabuu arusmoo arusmoo Isaya soomuus ire oo "Tising ta soomus a tsatsahhaanda?" 31 Heeda ire oo' "Aang ador ngir tsaahh a idoola hee i geeraharahaar bir kahh" Filipo kure firin iwa tsa/a gawagarda dikwa nee ino's. 32 Nee gooida i soomus a ti, "ino's kuna huuw didar amooroo kuwa tsu/a/in ador beelir wale. Nee adoodar deelmoo bee/i ir xas/maamiti dir geera heeda se ee ngw tlaaq nee ino's sleeme inaxashit adoodar ale afakos ngwa waatlee sika. 33 Qoomar ino's kuwa niinaweesahhe ees sakwasleemaros kare hingees. Hee tlahhewos alki/ituwo gu aleeslawa maab asma slafingos kuna hinges haaraka yaamuuwo. 34 Heeda o kushi Filipo ng'urre bay, Aang i oo ang aarusmoowi axweesanaywi i kahhi a daandoo maah.? A daandoowos oo kilae laqa a dandoo hee hatla.? 35 Filipo ire ilawaats ya/aborhho ar Yesu gire diro's i alki/iit dir ngiwa iim/un a dir axweentadar heeda aa soomuus. 36 Tare kumiit umw.arowo tare hardah dir maay i dirii iya heda ire oo" Qaytsiit, ma'aay ga/aaweeka Gar aning ii l/iaa mamika mila ar tis baatisiika.? 37 Filipo ire oo "kuug bar aka haratlinti nar muunaawok sleemeero, tu baatiis. Hee aang ire oo aning aka harantlintii gidaaba Yesu Kristo ino's a Garmoo Mungu?" 38 Hara aya gire haniis nar gaari iwa sihhit Filipo nee heeda tare al aweer baraa ma' a ay, heeda kure baatis. 39 Qoomar tindiwa tsa/a/an baraa yaaer wa ale Qeeruu Aako Filipo gure ar tlay, Filipo kwaa sangw male ariika nee heeda, heeda ire komiit aaiiwawe i qwalala/. 40 Ala Filipo kure male ar baraa aya Asotor wa ale, Qoomar iwa waarahhi ya/abtor hhoo gire alki/iit baraa ayada sleemeerowo tam garwa hardah ay Kaisaria.