Tlehhmii Ya/abuse Tsufe Mibaangw

1 Deloodae heeko ideer oo baraa gixsar Kaisaria, umo'os a Kornelio, uruusmoo oo askaarir Italia. 2 Ino's a hee Mungu ng'wa haratlinti nee muko do'os sleemeero ilahhoa'r yaarir ngin harimamiis dir muk Yahudi nee Mungu ng'un firarin umoo'deelo. 3 Balorka wake qoomar lala'r gwalee'l ar tlaa/tla/aangw iwa xeer malaykmoo Mungu ng'una ihardah ner baraa igu'utu, malaykamoo gure bay, "Kornelio!" 4 Kornelio malaykamoda' ngure qaytsita hhe'ees nar dae ir oo,"Gaar idor ti a mila aako?" malaykamoda' ngure bay, "Firoorok nee ilahhooarok tada ta harimamiis dir narkute Mungu gaa ilaaoh. 5 Hinti muu Ya/aawek ay Yafa Simonuda ta bay Petro /akaek. 6 Ino's i dir do'o heeko ta bay Simonuduu Kaduu tlehhahhiit do'os i dir afee tlawtii dirii." 7 Qoomar malaykamooda a axwees dir Kornelio iwa tlay Kornelio lawaleros ar tsar ar do'os ngire /akaa nee askarmoo wak oo Mungu ilaiwawa/ baraa askaarida inos umoo siwaaro ng'u sagadiyuusa. 8 Kornelio ngire alk/iit tada sleemeero aa tlehharuut nee iwa hhe'ees ngir ya/aaw ay Yafa. 9 Baloor tsar tawa baraa uru'waari diriii qoomar lal'ar hahhoo ar tlatla/aangw nee tawa tseewi baraa gixsa Petro ire tsa/aan gawa dandoo do as iwa firoor ay. 10 Petro ire qwariit i moroo/aymar tlaa nee qoomada tawa moroo/ay mar amohhe'eemisi igu'utu gure ar. 11 Dawri ngir ar naxes naa gweeriitii nee gar idor xooslmo nee gar idor hinqwaar ur ar Pasleemo tsiyahh kungi Yamuu aweerimiis. 12 Nee baraa inqwaaridae umoo makay sleemeero i daya awa ya'a tsiyahh nee awa moraroqa nee tsir/o. 13 Afo ng'ire male axaa's i kat, "Petro tlaw makaysing tsu/eek ki /ay." 14 Ala Petro ire oo, "Aaa'a Aako asma ani gar ta waki aga baloo' /ayiika. 15 Afo gure i hardat sagawaa tsar gure beer "Tada Mungu aa hhohhoee's kuung ma slasla/aru babawar." 16 Kaangwi ina tlehharuut sagawaa tam nee xoslomoda kure male ar tlay ay gawa. 17 Qooamar iwa idor /isaa'r lelehhiiti dandoo igu'utuda aa ari Mukuda ta Ya/aaw nee Kornelio naxes naa hardah ta tsufe do ta Simonoo yahaamiis uruwaar amor doo kaw. 18 Tare /akaa nee kure yahaas Simonuda ta bay Petro i baraa do wihe. 19 Nee Petro qoomar iwa igu'uutuda aldakuuti Qeeru hhoohhoo oo Mungu bay, "Kuung mukko tam u lelehhiit. 20 Tlaw, aweer nee inoin ti konde ma da'ayuutar asma hee mukwi ng'wa ya/aaw aa ani. 21 Petro ire areer amor mukda gire bay " Heeda ta lelehhiita a ani kuunga ma oinda?" 22 Tare oo, "Geeraharusmoo askaari umo'os a Kornelio aten tina ya/aaw, ino's aa hee' ganamuu koom nee hee Mungu ilaiwawaa/ nee idor tar hee hho muko Yahudi sleemeero gu xuu, inos kuna bay nee malaykamoo Mungu ng'uwa ya/aawi amoorok nee kuung tawa amor do'os keer nee axweesanto'k ngiwa axaasi." 23 Petro mukda ng'ure kwahhaa's baraa do ngire dahaas ner qwala/ ngire deeliis. Baloor tsar Petro ire tlay tire alkone nee mukda nee hhaeekaari ninaw awa baraa Yafar wa hoota tire alkone sleemeero. 24 Baloor tsar male alero ire haddah Kaisaria. Kornelio ngina damara'aan nee muk do'os nee mulqeeros ngire /akaa' tada tseween. 25 Qoomar Petro iwa baraa do'owi dah Kornelio guna ilaooh ire dir geraawoosi guuruungeriit. 26 Aluuwoo Petro ngure tlee's ire oo, "Sihhiit asma ani sleme aa hee." 27 Qoomar Petro iwa axweesi nee inoin ire dah baraa do nee muk yaariir oo ta buruumbuur dinkwa ngure ar. 28 Ire oo kuunga kila' a xua idor tar hariimarooka' hee Yahudi iwa ialdinku'usi nee hee xooror hatla tam ng'uwa i daqay. Nee Mungu nga geehhontiis dir'eeni alero ar gidaba a hariimaka ar niwa oo heewi ku harmeetin laqaa ku slasla/ar. 29 Gaari an gar nisa amoori xaaw qoomar tiwa /akaa nee makasii /aka'amoro. Nee hindi gar isa /akae a mila." 30 Kornelio ire oo "Bili ar tsiyahh, qoomar lal'ar gwaleel ani a saalimu wa baraa dooee, heeko hinqwaroo /awak walo nina ida geeraaee sihhiit. 31 Ire oo, Kornelio firooro'k kaa axaas nee Mungu nee ilahhooarok tada harmamiis dir litlakuse Mungu ga ginqaresiika nee a inslaslaangw tlehhiit dir geeraawose. 32 Nee kuung hee ya/aaweek ay Yafa, Simoni /akaa kwada ta bay Petro. Ino's hanosay i dir doo' Simoni dirii kwada kaduu tlehhahhiit do'os i afee' tlawi. 33 Nee siwadaar kilae ani muu ya/aaw amoorok. Nee kuung idor hho aga tlehh ar niwa xeer. Nee hindi aten sleemero a dir heeraa Mungu i diriian as tada sleemeero ar Aako naa kuungi haraeyiin kawa axaasaan. 34 Aluuwo Petro axweesani ngire imu/un inoin ngire bay, Ar lo' alkwa'ari aga tsaahh idor Mungu ir barqaahtir konkang. 35 Umo'oqo heewo oo Mungu ilaiwawa/ nee tada qoom ar Mungu i slai ga tlehhiit ino ku ya/an nee Mungu tam oo xooro gala. 36 Nee kuunga ya/abtoda hhoo tada Mungu aa huuw dir muk Israeli a xua ya/abtoda ar wayda ar loohir Yesu Kristo inos an Aako muu sleemeero. 37 Mor'ooda sleemeero a tlehharuut wa bara yamuu Yudea sleemeero kuunga u xua, ina imu/un baraa yamuu halilayar wa alero aluu baatiismoodaoo Yohona aa alki/iit. 38 Kuunga kaangw Yesu Nazareti u xua idor Mungu ngura imbalaa'x nar di/i ner Qeeruu hhoohhoo i hariis nee /uruu. Ire koomiit gadiyer hho tlehhhtowo ne muu ngure hhooeemiis nee kwad sleemeero netlaangw aa slehhe'eemiis, asma inos nee Mungu aa dinkwa. 39 Nee aten a Lamabuuser maro'oda sleemeero aa tleehh baraa yamuu Yedea nee baraa Yerusalemuwo. Inoin inos kuna kikii gawaa msalaba kure gaas. 40 Heewi Mungu nguna waaslo/otiis baroor tam nee ngure ale sleemuwi hariis iwa geehhouy. 41 Nee a dir huu sleemeerooka a dir ateeda Mungu a qaaro tsawar tawa lamabu'useros, aten ana /ayiimaan nee tare wahamaa'n hee inos aluu niwa waasloo/ baraa muk qaatl wa alero. 42 Yesu hara'aya ngina oo' ar muu kuwa ya/abtor hho i ali/iitaan nee kuwa lamabuumaan idor kwi tar kwada ta hara'ayar hariis nee Mungu ar muk slaaf nee muk aa qaatli nguwa sakwaslemuti. 43 Kwi aaruuse sleemeero guna idoorir lamabuu'n as kahho umooqo heewo oo gwa haratlintii gurtleemu tlakwemaawos nguwa slay ner umo'os. 44 Qoomar Petro iwa axweesanti haki, mukda sleemeero oo axweesantada gaa axamiis kire hatsiis nee Qeeruu hhoohhoo oo Mungu. 45 Aluuwo muk Yahudi kwada aa haratlintii, kwada nee Petro ta kone tare waa/aoo/ asma Mungu muk xoorda hatla ngiwa tawo qay Qeeruu hhoohhoo oo Mungu. 46 Asma mik xoorduu hatla tawa axweesi ar axweesanta xuawa sleen twa Mungu xirfeemiis Petro ire oo. 47 Hee ma'aay gi /itiim a ma'aa ar mukwi kus baatisiika, asma mukwi Qeeruu hhoohhoo oo Mungu kwa ilaaoh wa idor aten. 48 Petro ire oo mukwi ku baatimiisi ner umoo Yesu Kristo. Aluuwo Petro kure firiin iwa hootiwa ayaain deelor ninawe.