Tlehhmii Ya/abuuse Tsufe Mibaane Wak

1 Ya/abuuse nee hhae kwada awa baraa yamuu Yedea kaa ngwi ngure axaasiye ar gidaba muk xooraduuhatla sleme axweesanta Mungu kaa ilaaoh. 2 Nee Petro iwa hardah Yerusalemu mukda hara'ayar al/utlo kaa ooh waalo tare kaanganuu's, 3 tare hah "ihii asma mila kuung masa amor muk ta al/utliniika kekee'r tare al/ayiinda nee inoin." 4 Aluuwo Petro axweesantada ngina imu/un alki/ituwo imiir tada sleemeero aa tlehharuut imiir geeraa wa alero ire oo. 5 Ani qooamar inwa Mungu firiim wa baraa gixsar Yafa, igu'utu una ar oo xooslmoo idor inqwariir ur ar pasleemoo tsuyahh koom ana ar kingi /eytimiis wa gawaa ay dawri dida ani ni dirii. 6 Gadadaa ana ga/aaw walo ngire aldakuit. Gar na ar aa make'e ya'a tsiyahh awa yamuu ngire ar nee makee sla/a nee makee gur'eer moraroqa nee tsir/oo. 7 Afo ngire axaas ar kah, "Petro tlaw, moro'osing tsu/eek ki /ay." 8 Ani nire oo , /ayaaka Aako asma gar ta waki laqaa gar slaslalar aga afkoenii qaasiika. 9 Afooda nire male ki/ wa gawaa dawri ar ki/imaa tsar ar kah, moro'o Mungu aa hhoohhoees kuung mu moro'o slasla/are an babawaar. 10 Tdooda ina tlehharuut kilima tam aluuwo moro'oda sleemeero kure ar tlay ay gawaa dawri. 11 Nee siiwadar kilae naxes muk tam i sihhimiit dir geeraa do;oda ta i diriiaan oo tinda Kaisaria wa ya/aaw amoree ni alero. 12 Qeeruu hhoohhoo oo Mungu ire oo, ti koonde nee muki mada ayumitaar. Nee muki lahhoo tire alkomaan tare dahaan baraa do'odaoo heedada. 13 Inos ingre alki/iit idoda iwa kahi malaykamo una ar a sihhiit baraa dooee ire oo muu ya/aawe ay Yafa as simonuda ta baby Petro kuwa /akai. 14 Ino's axweesanta kuung u ba/amiis nee do'ok sleemeero ng'i dirogi oo. 15 Ani axweesani ngiwa imu/uum wa idoori Qeeruu hhoohhoo oo Mungu ire awer gwaain idoda geeraawo ira aweer gawaareni ale. 16 /Ayme'erida Aako, aa oo ngire inslaw kwada iwa oo, "Yohani ina baatimiis ar ma'ay nee kuunga tundu baatimiis ar Qeeruu hhoohhoo oo Mungu. 17 Qoomar aten Aako Yesu Kristo kuwa haratlintiaan, Mungu tina Qeeruuwos i hariis, nee Qeeruuda naa diren hariis bar guna diriini hariis sleeme alkwa'ari ani Mungu idor ng'ur ilaa/ aa idoola? 18 Axweesanti kawa axaas tare xasliit, Mungu kure xirfees, tare oo, "Laatirko Mungu tam muk xoorduu hatla sleeme gwa pa/a ngw i hariis oo hhu'uu'ung asma slafiing nguwa slaya." 19 Mukda aa haratlintii oo slahhe'eemisoo ur nguwa slaye qoomar Stefano kuwa gaas niwa tiya/amitii wa baraa Yerusalemu tare sawemiis ay baraa Foinike nee Kipro nee Antiokia. Hee axweesanta Yesu gaa alki/iiti i ikaahh dir mukoo hatlae aqo har dir muk Yahudi kilos. 20 Inoin kwada bihha'le a muk Kipro nee Kirene mukwi tawa hardah Antiokia ya/abtor hho' ar Aako Yesu kare alki/iiti dir muk Yunani. 21 Nee dakw Aako dinkwa nee inoin muk yariir ire warqay Aako mure haratlintii. 22 Kaangw mukwi kure axamiis nee mukdoo Krisanaay oo baraa Yerusalemu diri nee Barnaba kure ya/aaw ay Antiokia. 23 Siwada inos niwa hardah nee tsuuqaa Mungu ngiwa ar ire qwa/aa/ ngire bay, Aako dahasaak walo baraa murerhung sleemeero. 24 Asma Barnaba a hee hho walo nee kwa hatsiis Qeeruu hhohho oo Munguhe nee haratlintiaoro nee muk yariir Aako kure haratlintii. 25 Aluuwo Barnaba ire Sauli lelehhtoo' ay ay Tarso. 26 Nee Sauli nguwa slay ngure huuw ay Antiokia. Inoin tare alhoot kuruu wak nee eeharuuse tada baraa Antiokia, nee muk yariir kure intsahhatimiis. Yamuu Antiokia an dir geeraa ar hartlintauuse kawa bay Krisanaau. 27 Nee qoomadar kilae aaruuserka nina /e't wa Yerusalemu Antiokia. 28 Baraa tla/angwiine oo wak umo'os aa Agabo, heewi ire guyer dihh ni tlee'r baraa yamuu sleemeero. Idor in tlehharuut deelodar Klaudio. 29 Eeharuuse, axweesanteen kare dir wak i qaas ar gidaba umoo heewo gr i aleeslay wa ile/isaay ng'i hariisi as kuwa huuwi amor hhaeeren kwada awa baraa yamuu Yahudi diriia. 30 Idooda taa dinkwaari axwee's kare tleehh, Barnaba nee Sauli kire ya/aaw asma alee/isayda kuwa huuwi amor bariise da baraa yamuu Yudear idirii.