1 Deelodae waawtumo Herode mu'k Krisanaay gunabihha Ohin ngure slehh'eemiis. 2 Yakobo hhiyaa' Yohani ng'ure gaas ner panga. 3 Herode idoda ng'iwa a'r mu'k Yahudi aa qwala/, Petro ng'ure ao'h male ale. Qooomasi a deelor ur nar milaater taa sluftiisika. 4 Ooharo ng'uwa hhe'ee's, ngure dahaa's baraa doo' tsee gimo, ngure hariis dir askarir daqoorey tsiyahh as kuwa xun nee gar aa slaa aa gun hariis dir muu Pasaka bira waaraahh. 5 Petro kure xu'n nee askaari baraa doo' tseegimori ale, nee mu'k Krisanaay tare buuruumburiit, Mungu kure firin ner ilakaharu asma ino's. 6 Balooda ng'uwa duuxar wa slai nee ng'uwa sihhitiis geeraa muu, amsiwo Petro aa guir tla/angw askaarir tsa'r kwaa tseegiit ner minyororo tsa'r, nee xuumuse i tsufe do'o tseegumo'r xuun. 7 Siwadar kila, malykamoo Aako haratiit ire sihhiit bahhawo's, do ir gwa/aa't. Petro ngure tlee's ngure bay, " Tlawang ar ganslaay" nee mingororoda kura tseegiit ire gweriit wa gawaa dabawo's ire paahh. 8 Malaikamo ire oo, " Tlabaawok dahaaseek nee Ya/ataawo dahaaseek," Petro tlabaawo's nee ya/ataawo ngire dahaas. Malaykamoda ngure bay, "Hinqwariro'k tsiteek ani digir deelang. 9 Petro malaykamod angure digirdee'l ire ti'iit afeeni gaa xuuika ido'r malaykamo aa tleehh ido'r tar lo'. Ino's ngi xui aa igu'utu. 10 Tsufe do'o geera nee oo tsa'r, kuwa waaraa'hh tare hardah dir tsufe'eda u'r oo muqsli kwada tar dahi baraa gixsa, tsufeeda ire kilo's gweriit. Tawa ti'iit, tare komiit ay alhi'eese uruwada, Petro mure geexay nee malaykamo. 11 Petro iimiro iwa pa/ ire oo,"Hindi alkwa'ari aga tsaahh waalo' idor Aako malaykamowo's ngura ya/aaw asma ani iwa ba/amisi wa dabaa Herode, nee tada xooror Yahudi leemeero i daamaaran. 12 Nee tada aa tlehharuut ngiwa tsaahh, ire tlay ay do'o Mariamu aayor Yohani kwad umo'os oo tsa'r ta bay Marko, naxe Krisanaay yariir ta buruumburiit dir do'da ta fiririin. 13 Ino's iwa tsufe slumta wa /akakaa, dasirka ta bay Roda ire iiar qaasar eer tsufee do. 14 Nee afor Petro ngiwa tsa'hh, tam tsufeeda' ngwa gwedika asma qwala/ aqo ina gansler ti'iin bara doowi alero, bmukda baraa do i dirii nguna idabeemuu' eer idor Petro ir tsufee do' wa sihhimiti. 15 Kare bay, "Kiing aga nee'tlamuu't," nee ino's ire koomiit axweesanto ar iwa ka't aa lo' nee a ino's. Tare oo, " Gaaasing aa malaykamowo's. 16 Petro ire komiit /akakao wa tsufe'e do', ng'uwa gweerii, ngure arii'ii tare waa/aoo/amin. Petro ngire kuu'tl ner daba as iwa xastiitiya, nee ino's ido'r Aako ng'ure duux wa baraa do'o tseegimo ngire alki/iit dir in alero, ire oo'. 17 "Kaangwi amo'r Yakobo ti hardahase nee hha'eewo's sleeme." Ino's ire tlay ay amor yamuu hatla. 18 Qoomar iimi iwa pa'/ askaari ire gurdamu't waalo', as tada aa tleehharuut wa dandoo Petro. 19 Aluu' Herode ng'iwa leelehhiit nee nguwa slayka, xuumuseeda ng'ire maahamiis, aluwo hara'aya gare oo' kiwa tsuu/i. Aluwo Herode yamuu' Yahudi ng'ire geexay ire tla'y ay Kaisaria, ire hoo't wa amooda. 20 Herode muuna ng'ure faa'k waalo' dir mu'k Tiro nee Sidoni. Inooin kure haradaqaay ner muno'o wa'k. Blasto kuna hhiyu'umar i tleehh asma ino's aa alee/iismo'o doo' waawtumo, nee inooin ng'iwa ale/iisi. Tare waydoo' firooro ay amo'r Herode, asma mu'k yamuuin moro'o/ayma dir kuwa hariimamisi a dir yamuu waawtumo. 21 Baalorka wa'k idor arta dinkwarii axwee's, Herode tlabaawo's kwada awa waawuti'iima ng'ina dahaas, ire iwiit gawaa kita ngo's oo waawuti'iima, ire kwasleemeuu't wa geeraain. 22 Muu ire baahhuu's waalo' tare kah, "Afoosi aafo'r Mungu' a afor heewoka. 23 Siwada'r kila malaykamo Herode ngure taa'hh asma Mungu ng'wa xirfoo' i hariisiika, kure /ay nee sapona ire gwaa. 24 Nee axweesanta ya/abtor hho' ar Aako ire tla'hh yamuu ng'ire fa'k. 25 Aluu' Barnava nee Sauli gadiyedar'in ng'iwa hhe'eesii nire ki/ii Yerusalemu, Yohani kwada ta bay Marko ngure huuyii.