Tlehhmii Ya/abuuse Tsufa'y Mibaa nee Ta'm

1 Nee Hindi Kristsanaay oo baraa Antokia, bihh'a ale aa aaruuse nee bihha' ale aa intsahhatuuse. Inooin aa Barnaba, Simeoni (kwada ta bay Nigeri). Lukio oo yamuu' kirene, Manaeni (Ino's aa kwada isamoo wa'k kwa 'ayiika nee waawtumo Herode), nee Sauli. 2 Nee qoomar' tawa Aako fiririin nee tawa tseegin, Qeeruu hhohhoo oo Mungu ng'ire bay, "Barnaba nee Sauli wagweerere, as gadiyeda ng'isa /aka'a ng'iwa tleehhiya. 3 Aluu' Krisanay tawa tseegin nee tawa firiin, nee dabain kire gaa's gawain tawa hhe'ee's tare ya/an tawa tlay. 4 Barnaba nee Sauli Qeeruu hhoohhoo oo Mungu kure ilaiwawa/ nee aluwo tare /ee't ay Seleukia, uumir amosii wa tleemi tana hhayuu't ner baraa tlawi tay hardah ay Kipro. 5 Tawa hardah baraa gixsar Salami, /aymuu' Mungu kure alki/iit wa baraa mare'r Saalingw kwada baraa Yahudirii dira .Qoomasiye inooin aa dinkwa nee Yohani as ng'iwa alee/imisi. 6 Qoomar tawa hi'iimiit wa baraa yamuda kahaar tay dalaa/ ay Pafo, heeko da/aluusmo kure harati'iit, Yahudumo ino's aa aaruusmoo' lamuusmo, kwada umo'os ta bay bar Yesu. 7 Da/aluusmowi tana aldinku'umiit nee waawtumoo' ta bay Sergio Paulo heewi aa hee' geeruu koo'm. Heewi Barbaba nee Sauli nguna kwahha's, asma /aymuu Mungu kuna slaa' axaasaro. 8 Ala Elima, "Kwada oo da/aluusmo" (gidabar umo'os anda/aluusmo) kwada aa sii, waawtumooda guna iara'ar as kahho'o iwa ti'iit baraa haratlantaoro. 9 Ala Sauli kwada ta bay Paulo i haats Qeeruu hhohhoo oo Munguhe, ng'una ilaa i duxuu't. 10 nee ire oo "Kuung aa na/ay doo' heetlangw, kwada ta hatsiis lama sleemeero nee tlakweema. Kuung aa wakuusmo oo umoo' gar gana. A ya/aandaka meemuwo warqeemisoo' uruduu' Aako, kwada naa tumuiye, uung i aleeslera warqeesaro? 11 Hindi ga/awek, dakw Aako i gawawo'k, nee kuung aa tam'u't. Tse/ima uandaka ay Siwarka, "Siwadar kilae iimiroo's ire boo/eer tlaangu' ire tipiit gawa Elimas ire harweeririin wa dida muu ng'ure firirin oo ngu dawa ohiin as kuwa tumu'umisi. 12 Aluwo waawtumoda ng'iwa ar tada aa tlehharuut, ire hartlintii asma ina waa/oo/ wa intsahhatisar gawa dandoo' Aako. 13 Aluwo Paulo nee muko's tare hhayuu't ner naraa ma'aay ner malalimo limir Pafo ay dirka ta bay Perge ar baraa yaamuu Pamfilia. Aluuwo Yohani inooin ng'ire geexay amoda inos ire kii/ Yerusalemu. 14 Paulo nee muko's kwad tare hhayuu't wa Perge tare hardah ay Antiokiar Pisidia. Amoosiye tare koomiit hhayuumaro tare hardah baraa mare'e Saahingw nee baloodar deloo'r hungu/umawo tare iwiwiit. 15 Aluu' hara'aya nee gooir aaruuse kawa hhe'ee's Samaro, waawitoo' maree' Saalingw kuna heewi ya/aaw tare oo, "Hhae bar ya/abtor hho' ar ta koonda' ar mukwi ng'u munuwi doog bir deer diriihe, ooaari." 16 Paulo ire sihhiit ng'ire daba i tleee's ire oo, "kuunga hhawate awa baraa yamuu Israeli kuungasiya Mungu ilaiwawa/a iia tatla. 17 Mungu mu'k Israeli babi'iren ngina tsawar nee ng'ire mu'k yariir tleehh qoomar tawa hoo't wa baraa yamuu' Misri, ngire barada wa duu'x ng'ire geerahar nar /uruu dako's. 18 Ng'ire sage qiitl wa baraa yamuu duruq kureri mibeeri tsiyahh. 19 Aluu' Mungu xoorduu faanqw ng'iwa hhamee's awa baraa yamuu Kanani, Yamuda kire hariis dir mu'k Israeli tawa aalir'in. 20 Idori ina tlehharuut iimir kurrii tsire tsiyahh nee mibeen koan. Aluu' moro'owi sleemeero , Mungu ng'ire har ohuuseri slay ay qoomar aaruusmo tawa Samweli. 21 Aluudae mu'k Israeli Mungu kuna firin asma waawtumo ng'uwa slaya, Mungu Sauli garmaa Kishi, he'e tlahhee' Benjamini ng'ure hariis tawa waawtumoo' har kureerii mibeen tsuyahh. 22 Aluudae Mungu Sauli ng'ure hengee's baraa wawiti'imaro, Daudi ng'ure qaa's tawa waawtumoin. Mungu ina axwees gawaa dandoo' Daudiwo ire oo, "Daudi na/ee Yese ugaslaw, asma ino's aa hee munue gu qwal/aa's, nee tada sleemeero ani ni slaa ng'i tleehh. 23 Nee baraa tsahhee heewi ta vay Daudi Mungu ba/amusmo ng'ure huuw dir mu'k Israeli, Yesu idoda aang ng'ira gerii oo, nee ng'ira tleehh. 24 Gaar ina tlehharuit qoomar Yesu iwa kahhi, Yohani baatismo ng'una geeray alki/iit as gurtleemuu' tlakweemaa mu'k Israeli sleemeero. 25 Qoomar Yohani gadiyedaro's ngiwa hhe'ee's ire oo, "Kuunga kawa xua ani aa ma'aa? Ani a kwadaeka. Nee hindi iia tatlaak, kwada alue wa hardah, ani aa hariimaka ya/ataa' ya'aawo's ng'iwa sekwekwe'ees. 26 Hhe, na/ii tlahee Abrahamu, nee kwada baraa tla/aanghung i diria Mungu ugwa hartlintie, ya/abtorii ar ba/ama maso'k kingina ya/aaw dir ate'n sleemeero. 27 Asma kwada baraa Yerusalemu wa hoota, nee geeraaharuser ine kwa tsaahhika ido'r ino's ta'r ba/amusmo, nee aaxweesantada ar aaruuse tada ta somamusi umo'o deelor hungu/umawo ka baloo tsaahhika, gawa idoorihe aaxweesahtada ar aaruuse ar sakwasleema nee gwa'ara kana boo/ee's. 28 Nee inooin gar lo, ar na arii ar gwa'ar wa hariim i ka'hh, aluuwo Pilato kure firin ng'uwa gaas. 29 Qoomar tawa hhe'ees boo/eesaro tada sleemeero ta dandaoo'si gooin kure aweerii wa gawaaa msalaba kure qaatiss baraa ba'aa. 30 Ino's Mungu ng'ure waasloo/atiis wa baraa mu'k aa hhan. 31 Ino's tina geehhoutimiis deelor yariire dir kwada nee ino's naa alhi'imitii dinkwa iimir Galilaya ay Yerusalemu mukwi alkwa'ari aa lamabu'useros dir muko. 32 Gawa idoorihe ate'n ya/abtoda hho an alki/iitaa'n ara dandoo' qadoda' Mungu aa hariis dir baabi'ite'n. 33 Mungu alqadori ng'ina dirtenii qaa's nee na/ain, baraa tisiye Mungu alero. Ti sleeme kana gooin baraa war'amta tsa'r, "Kuung aa Garmae, bili ani aa Baaboowok." 34 Sleeme gawa dandoo loemawo a gidaaba Mungu ino's ng'una waasloo/otiis wa baraa mu'k aa haan as kahhoo slaqwtos na hhi turuuit, ire axwees ner idori, "Ani kuung u tsuuqada hhoohhoo i hariis kwada awa qooma'r Daudi. 35 Idori an gar isa oo sleeme baraa war'amta hatlae, kuung heewok oo hhoohhoo u baloo meeraka baraa hhituru'uma ng'iwa ari. 36 Aluu' Daudi sla'arir Mungu ng'iwa tlehhiit dir mu'k qartose, ire qaa't kure qaatiis dinkwa nee baabi'iwos nee hhituru'uma ingire ar. 37 Nee kwad ta waasloo/otiis nee hhituru'uma gaa ariika. 38 Idori xuak kuuunga', hhae, ner baraa heewi, gurtleemuu' tlakweema kuunga dirhu'ngi alki/iit. 39 Nee kwada ino's ngwa hratlintii ku gana'amuwi harfar, nee moro'owi sleemeero hara'ayar Musa ng'u aleesleraka gan amuwi hrafaroro. 40 Gawa idoorihe kuunga' ti harmagahhe baraa tada aaruuse aa axwees ma tlehharuu't wa dirhu'ng. 41 Qaytsite kuunga ama waaqaawaqa' nee waa/oo/e' nee suquute, asma gadiyerka aa tlee'hh baraa deelorhu'ng tihe, gadiyer ta baaloo ale sleera'aka hartlintiaro, ta'm hee ng'i dirhu'ngi oi." 42 Qooma'r Paulo nee Barnaba tawa tlay, inooin kire firin nee muu tawa ale axweesi axweesantada' ar baloor deelor hungu/uma ar xaw. 43 Qooma'r muu iwa diya/aa't baraa mareee' saalingo, mu'k yariir o Yahudi nee kwada naa warqaye Paulo nee Barnaba kire eehar, tre axwees nee inooin ng'ire gurkwa/amiis as tawa kumiiti hootawo wa baraa qeemuu Mungu. 44 Deelo'r hatla ar hungu/uma niwa hardat mu'k baraa gixsa sleemeero tare buruumburiit as /aymuu Mungu kuwa axaasi. 45 Mu'k Yahudi dinku'umada ar muk yariir kawa a'r da/i ng'ire ee'r axweesanayda Paulo aa axwees kure sii, kure gotliit. 46 Paulo nee Barnaba tare axwee's ner pihhu'uma tare oo', "/Aymuu Mungu geeraawo i hariin kuwa dirhungi alki/iiti geeraa' kilae' Nee kuunga' aga sie amor saaw kuunga tiwa ga/era slafingw alhhe'eese wast u sla'aakea, ga/aawak ate'n aa warqawaan amo'r mu'k xorduu hatla. 47 Asma idori an idoda Aako kuu'nga' nuna qaas as tawa gwa/atemaa' mu'k baraa dandoo' yaamu sleemeero. 48 Mu'k xoordu idori ng'iwa axaasii, tare qwalala'/ /aymoo' Aako kure xirfeeymiis. Mu'k yariir ire hartlintii nee kwada ta tsawaar as slafingw alhhe'eese wasl ng'uwa slaya. 49 /Aymuu Aako dando yaamu sleemeero ng'ure faa'k. 50 Ala mu'k Yahudi nee /ameenada uren tada Mungu ilaiwawa/ nee sleeme waawitoo' gixsa tina duxutiye baraa tla/aang'w mu'kda a haratlintii muu kure harakeemiis Paulo nee Barnaba kire slehhe'eemiis kire duu'x tse/a baraa qamar gixsar'in tadae. 51 Ala Paulo nee Barnaba turpir baraa ya'aain ng'ire kukuu'ir. Aluuwo tare tlay ay gixsar Ikonia. 52 Nee eeharuuse ire hats qwal/oo ndinkwa nee Qeeruu hhoohhoo oo Mungu.