Tsufa'y Mibaa Nee Tsiyahh

1 Idori ina tlehharu't wa baraa Ikonio ar gidaaba Paulo nee Barnaba tana da'h baraa doo' saalingw oo mu'k Yahudi dinkwa nee mu'k Ynani tare axwee's nee daqta yariir ar mu'k Yahudi nee mu'k Yunai tare haratlintii. 2 Ala mu'k Yahudi kuwada aa haratlintiika mu'k xoordu kuna gatliit as hhae kiwa si'i. 3 Tinoin tare amoda wa hoo't deelor yariire, /ayamuu Aako kure alki/iit ner Pihhu'umeaner /urui Aako, ne ngire heehhoutiis dandoo qeemuu' ya/abtoro. Idori ngina tleehh moro'o slaqsii nee moroo' waa/oo/omor koo'm huwa tleehhiti ner dabaa Paulo nee Barnaba. 4 Ala mu'k yariir oo baraa gixsa tian awagwediit. muu bihha'ale aa dinkwa nee mu'k Yahudi, nee bihha'ale aa diknwa nee /abuuse. 5 Qoomr mu'k nee mu'k Yahudi nee geeraharuuser'in kwa har'eyin idor Paulo nee Barnaba kir slehhe'emisi nee idor tlaqwi ner tla/u. 6 Paulo nee Barnaba idorin tada ngiwa tsaahhii tare goo'w baraa gixsar Likaonia, Listran nee Derbe, nee Yaneeda dida i tseween, 7 nee amoosiye ya/abto'r kare alki/iit. 8 Baraa yaamu Listraro huko wa'k aa barasi wa hoo't i deer, heewi ya'awo's i /uruu' kona'aka, aa hee' ya'aa tlakw iimir laqwalmkose, hi'iino gaa baloo iariika. 9 Heewi Paulo nguna axamiis qoomar iwa axweesi. Paulo ngure ilaa i duxuu't nee ngure tsaa'hh ar gidaaba haratlintao'r hho'enuwo's ngiwa kon. 10 Paulo ire uu ner afor ur ng'ure bay, " Sihhiit nee ya'a wo'k." Heedoda ire sihhiit ire /akumiit ire hi'iimiit. 11 Mu'kda yariir ngiwa ar tada Paulo aa tleehh, tana uu' ner afor ur ner kaangw kilikaonio tare oo, "Mungii taa hara /eetii ner slaqsii muu." 12 Barnaba kure bay "zeu," nee Oaulo kure bay, "Herme", asma an hee' axwees waalo. 13 Kahamusmo zeu, kwada do'owo's oo saalingw baraa gixsaro i bahhii diru' awe ngir huuw nee slam'eerii /ayo dir tsufee' doo' gixsa, ino's nee mukda yariir kana slaa' ilahhoa kawa duuxi. 14 Ala ya/abuuse Barnaba nee Paulo ti kawa axaa's inqwaroin kure feehhamiis, tare tlay ner ganslay ay dir mukda yariir, ta /aa/amin, 15 ta kaahi, "kuunga qar idori kas tleehhita amila? Nee aten sleeme a mu'k idor kuunga. Ate'n nuna ya/abto'r hho i huwaan ar gidaaba moro'oda hariima aka kuwa meera nee tawa warqeera' amor Munguda slaf kwad dawri gar tleeha nee yaamu nee tlawi nee umoo' gaa. 16 Baraa afi qoomar aa waaraahh, Mungu xoordu ngina may as aiwa hi'imitiya wa baraa urduin kwada' qooma'aka. 17 Nee ino's muu gwaa tawo mayka', gawa tisiye idor hho' gaa tleehh nee nun tluuway hariimamiis wa gawa dawri nee buung ngin hariimamiis ner afi qoomaro's, gur'ehung ngi hatsimamiis moro'o/ayamaro nee munerhung ngi qwal/amiis. 18 Tam nee /aymeerikae, Paulo nee Barnaba mukda yariir kwaa loo' ila/iika as ilahhoari'in tada kawa duuxi. 19 Ala mu'k Yahudi bihha'ale kwad Antiokiar dahha nee Ikonia tindire hardah nee mu'k yariir kure haraeyin. Paulo kure tlaagw ner tla/u kure duruxu'n ay qamar gixsaro kure duux tse/a, inooin ngi xuiya a gwaa. 20 Ala eeharuuse tare sihhit bahhawo's ino's ire Sihhiit, tare da'h baraa gixsa nee baloor tsa'r ire tlay ay Derbe ino's nee Barnaba. 21 Aluu ya/abro'r hho ngiwa alki/uti wa baraa gixsada nee eeharuuser yarrir ngiwa slay, ire kii/ Listra, ay Ikoniamu ay Antiokia. 22 Inooin tare komiit eeharuuse gurkwa/amisoo nee /uruu ng'uwa kona nee tawa komiiti wa baraa hartlintao, ire oo' i hariin tawa data' baraa waawiti'imar Mungu ner baraa slahhamayer yariir. 23 Umoo dir krisanaay idorii bariise kare qaa's tare firin nee tare tseegin moroo'/aymaro, kire qaas dabaa Aako, kwada taa hartlintii. 24 Aluwo tare waaraahh ner baraa Pisida, tay hardah Pamfilia. 25 Qoomar axweesantaa' Mungu kawa alki/iit wa baraa Perga, aluwo tare /ee't ay Atalia. 26 /imir tana tsa/an gawa Meli ay Antiokia an dida' mu'k Krisnaay ng'iwa aleefirin /uruu Mungu ing'uwa slaya' as gadiyedari kawa tleehhi, an ti hindi ta hhe'ee's. 27 Tawa harda'h Antiokia, Krisanaay kure /akaa' ndinkwa, moro'oda Mungu aa diri'ini tlee'hh kure dir'ini ooin, nee idor Mungu tsufee hartlintao ngura gwee'r dir mu'k xooduwo. 28 Tare dida' wa hoo't nee eharuuse ay deelor yariir.