Tsufa'y Minaa Nee Koan

1 Muko nina /eee't wa Yahudi hhae kire intsahhatimiis, ta kaahi, "bara tuunda hheehe'eemiisiika idoda ar hara'yar Musa i kat ba/ama aa slera'aka. 2 Qoomar Paulo nee Barnaba twa baraa tlampa'amisoo idirii nee kaangani nee Mukwi hhae tare Ya/an ar gidaaba Paulo, Barnaba, nee haaee' hatla ta tlay ay Yerusalemu amor' ya/abuuse nee bariise as dandoo mahasti. 3 Gawa idoorihe, nee baraa ya/abtor in tada kiwa ya/aaw nee Krisanaay, Foinike kanar dee'l ay Samaria idor mu'k xoordu kura warqee's kare alki/iit. Hhae slee'meero nire qwala/ii waalo. 4 Siwada tawa hardah Yerusalemu, kire kwahha's nee Krisanaay nee ya/abuuse nee bariise, inooin moro'oda slee'meero Mungu aa tleehh dinkwa nee inooin kure alki'iit. 5 Ala mukko aa haratlintii i deer, inooin ta baraa tla/aangw mu'k Farisayo, mukwi tare lihhit tare oo,' "I hariln muu kuwa hhehhe'eemiisi nee kuwa hara'eyin hra'ayar Musa nee kare oh. 6 Ya/abuuse nee bariise tare sihhit dir wak as mahasti kawa aldakwi. 7 Aluu' saqe foxmsoo yariire, Ptro ire sihhit ire oo, kuunga a xua ar gidaaba baraa deelor hhohho awaaraahh Mungu tsawdo ngina tleehh wa tla/aangwhung, gidaaba ner baraa afkwe'ee xoordu ya/abtor hho ngiwa xaasiya nee ng'iwa i hartlintiya. 8 Mungu muremoo' muu ngi xuu, ngin lamabu'un diri'in, nee ngire qeeruu hhohhoo i hariis idoda aa tleehh dir atene; 9 nee Mungu idor dinbay ngaa tleehhika dir ate'n nee inooin, aqo Mungu munemoin ugina hhohho'ees ner baraa hartlintao. 10 Gawa idoorihe kuunga mas Mungu iiara'ada ar tawa huwaar iiloo qaamida gawaa sumii eeharuuse kwad baabi'iiten nee tam ate'n o kila ina aleeslawanika gaagaararo? 11 Ala aa haratlintiaan ar gidaaba an ba/amaan ner gurtleemuu Aako Yesu, dioda inooin tara ba/an. 12 Mukda' sleemeero aa buruuburiit tare xasliit Paulo nee Barnaba kire axamiis qoomar tawa moro'oda wa/oo/omor koo'm alki/iiti kwada Mungu aa tlee'hh ner iooin wa baraa tla/aangw mu'k xoordu. 13 Paulo nee Barnaba tawa xasliit, Yakobo ire axwee's ire oo, "Hhae'eee ani iiarii qasarii." 14 Simoni ina axwee's idor geera kiae Mungu ner baraa qeemwose mu'k xoordu nguna alee/iimiis as mukko ng'uwa tsawari ner baraa umo'oos. 15 Nee axwweesenee' aaruuse ti ya/aa/ana nee ti idoda kara gooin. 16 Aluu' moro'owihe ani ni kii/ as doo' Daudi ng'uwa male tleehhamkwa aw, kwada aa huu, ngure sihhitis nee ngure male /abeemay ki/iis. 17 As gidaaba mukda aa mee't Aako nguwa leelehhiya, dinkwa nee mu'k xoordu kwada taa /akaa ner umo'ee. 18 Idori an idoda Aako a axwee's kwada moro'owi ng'wa tleehh an kwi geehho'o iimir qaroro. 19 Gawa idoorihe, raraayar'ee ati giddaba mu'k xoodu kwada naa warqaye' amor Mungu muwa slehhe'emisoowi huwaa'n. 20 Ala baarua aa gooinaan amorin as gidaaba tiwa harmaga hhiya nee hhitada' ar mungii hatla, ilatleriir fuqi, nee makaayda tsababay nee tseere. 21 Iimir qariyoo bariise muu ideer umooo' gixsaro kwad haraayar Musa ngi alki/a/iit nee ngi soomaamiin wa baraa maree Saalingw muoo' deelor' hungu/uma. 22 Gawaa idoorihe kare ar dgaaba ka hhohho ya/abuuse nee bariie, dinkwa nee Krissanaay sleemeeo Yuda, kwada ta bay Barsaba kiwa tsawaari nee Silas, inooin angero qeeraharuuser Krisnaay nee kire ya/aaw ay Antiokia, inooin dinkwa nee Paulo nee Barnaba. 23 Barwa idor kara gooin a idorri, "ya/abuuse, bariise nee hae, amor hhaeren awa baraa xoorduu hatla awa baraa yamuu Antiokia Shamuu nee Kilikia, lawayhung. 24 Ate'n aga axaasaan ar gidaaba mukko amore'n daahh nee ate'n hara'ayasing aga hariisanika diriine, kuunga tunduna dawitimiis ner itsahhatisrin tada munerhung slehh'eemiis. 25 Gawaa idoorihe aga araa'n ate'n sleemeeo muu u tsawaraan nee ngire ya/aawaan amorhung dinkwa nee sla'aruuserien Barnaba nee Paulo. 26 Inooin aa mu'k slafingw'in ngwa hariisiye asma umoo Aako Yesu Kristo. 27 Gawaa idoorihe Yuda nee sila, ngin ya/aawaan axweesantada inooin ngi oiya. 28 Asma ana araan nee igoan dir Qeeruu hhoohhoo oo Mungu nee dir ate'n ar tundu wa huwaar yariiri tsa/asanaka ar moro'oda hari'imaka. 29 Gawa idoorihe kuunga tiharmagahhe dir moro'oda ta hariimisi dir mungii haatla, nee tseere, moro'oo ta tsababay nee fuqi. Kuunga birta partle amor saaw nee moro'owi, daqade aa idor hhoo dirhunge. kuunga deelo" 30 Gawa idoorihe, mukwi kure ya/aaw tare /ee't ay Antiokia, aluu' tawa hardah muu kure buruumbur dinkwa, barwaduda kire hariimiis. 31 Barwadyda juwa soomin, tare qwalala/ asma ka munoo i doo'g. 32 Yuda nee sila, nee aaruuse, hhae kire munoo idoo'g ner /aymerii yariir nee sleeme kire /uruu idoo'g oo hoota baraa harantlintao. 33 Aluu tawa hoof deelor ninawe, tare diya/aat nerwayda aya amo'r hha'e kwada inooin ng'aa ya/aawi ye. 34 Ala Sila ng'iwa ar iqoon ire mooda i mee't. 35 Ala Pauloire Antiokiar wa hoo't dinkwa nee mu'k hatla oo yariir,nee ino's ng'ire intsahhatimiis /aymuu Aako kurealki/iit. 36 Aluu deelor ninaw iwa waaraa'hh Paulo Barnaba ngure bay, "Gwah alkkwa'aa'aa ki/aan amor hhall kwada awa baraa umoo gixsa kwada taa ya/abtor hoo ar Aako i alki/ii/an, i ale hiitanta awaan, nee kuwa araan idor i driiya. 37 Baranaba ng'una slaa sleeme Yohani kwada ta bay Marko tiwa kona. 38 Nee Paulo gaa slaika Markao kuwa huuwi, asma ng'ina geexay amoosi baraa Pamfilia nee aa Konitiika dinkwa nee inooin baraa gadiyede. 39 Aluwo kangaanir yariir ire tlehharuut ganaa idoorihe tire paratliye nee Barnaba marko ngure ar tlay tare haayuu't ner baraa tlawi ay Kpro. 40 Ala Paulo Sila ngure tsawaa'r kure abeefirin nee hhae as tsuqaa Aako ngiwa slaya. 41 Ire tlay Shamu ngire ar dee'l nee Kilikia, Krisanaay ng'ure alee/imiis as /uruu ngura slaya haratlintaoro.