1 Paulo sleeme niwaxay Derbe nee Listra nee qaytsiit dide eharusumoako i deer kubay Timoteo, a garma ta laqwaal nee ayor myahuto'a ar haratlintao'kom nee babowo's hee' giriki. 2 Mu'k Listra nee ikonia ngwa kangwa'hho' ii kahi. 3 Paulo nguna sla'a as niwa' alhhayuutiya nee ino's, ngunartlay ngure al/uu'tl asuma mu'k Yahudi oo amodidiria ngu xu'iiya' idor baboin tar hee' giriki. 4 Iwa aii a'aaya' baraa' gixsadu nginar warahhi nee hara'aaya ngina harimiiye' baraa' kanisudu as har'ayada ta hariis ya/abuuse nee Bariser Yerusalemu ngiwa iia looeesiya ngiwa oha hhe'eesiya. 5 Idosiye kanisadu ire kwa/iiye baraa' haratlintaoro nee oo naharatlinti'iiye taro inadogigin daqisle'm. 6 Paulo nee Timoteo tana tla'y Firigia nee Galatia, asma qeeru Mungu' ngina alesi/aymu kuwa alki/iiti baraa' yaamuu' Asiaro. 7 Qooma'r tawa nakaa/ misia gena nina alodaqaye Bithisinia alo qeeruu' Yesu ngina alesii. 8 Gawa idosiye nina misiar deliye' nire hardihiye e Troa. 9 Paulo igu'utu nguna ar Amsiwo heeko oo' yaamu Makedonia Isihhimiit ngu/aka kaa' nee i kahi "Qwalase ate'n tunu/ise Amori ar Makedoniaro." 10 Paulo igu'utu nguwa ar tire hara'aamohhesani tawa amo'r Makedonia kwaan ngatsahha gidaaba' Mungu' ate'n tuna/aka ngiwa ya/abto'r hho'i alki/iituawaa'n. 11 Aluwo ana tlawaa'n awa'amor Troa ana idatumuuan ay samotrake, nee bolor alusing ana hardahaan gixsar Neapoli. 12 Niwa disi wa tlawaan ana Filipir kawan nee an gixsar baraa' bomar wawtimar mu'k Rumi nee ana hootan wa barada' afiqoomar hhawaake'. 13 Bo/or delor sabaroro anati'iitan amo'r afeeni dir tsufayo, ner uruwar baraa' yaae dir gerho ngiwa xuan dir salingw nguwa tlehhan i der anaiwaiitan yaamuu' nee axweesan nee /amenaka ta dir wa'k i haragasiye'. 14 menirka wa'k ta bay Lidia sabarau wermamiis ino's gixsar Tiatira ngin dahh ino's i Mungu' ilaiwaawa'/ tunaiian qa's. Aako munawo's nguna gweer ngire gidabar axwenda Paulo a axwees. 15 A/u kiwabatiis ino's nee mu'k do'os slee'meero tunaharhhehhe'es i kat "bar ani iga ande idor nir inkimoo koo'm baraa' Aako gimse tunufiriim dahe' nee wiwiite wa dooe'" tunaharhhehhe'es wa lo'. 16 Ala tawa amo'r didar saling kakawaan Dasirka wa'k ar netlamer aru'umar koo'm tina dogaan nee ate'n. Daqari'imar yariir ngina aakowos ar ee'r ner aaru'uuma. 17 /Amenisi Paulo nguna digirdel nee atene i bahhuus wa aluure'n i kat "Hhawateeka' a sagadiyuser Munguda' u'r kangw ba/ama ngun alki/iitiya' dir kuunga'. 18 Idosing ngina tlehhit delo'r xariir alo Paulo kuwa buhhtis nee idosi ina aluwi warqa'y Netlameda' ngire bay' Nar baraa' umoo' Yesu Kristo ti'iit barawoose. 19 Aakoki'iiwo's ngiwa ari idor harhhifo'r daqari'iimar'in ar tleer Paulo nee Sila ngire ahiine nee ngire duruxiiye' ayi dir burumburta' muu' geera' mu'kda aleesleemu koo'm. 20 Kiwahardahaas dir uruuse tanaoo' Hhawateeka' a muk Yahudi nee tsifanangw ur' qamiina baraa' gixsare'ne. 21 Gar intsahhatimisiiya' ngw ate'n wa harimaaka' ilaohaaro' laqa' nguwa dindelaan ate'n mu'k Rumi. 22 Mu'kda a burumburt tana ka'aamiir wa ay hee' barta Paulo nee Sila i kaa'hh, uruuse inqwaro' Paulo nee Sila kuna fehhamis kire duxun tareoo' difaak harto. 23 Alu kiwa diif hhado yariir, kina kwaa'hh baraa' doo tseegamo Askamo' geresa kure ba'y mu'k harmagahhee' wa lo'. 24 Askarmo' gersa idosing ngiwa axaa's ngina kwaa'hh baraa' wawerir tla/afi ar baraa' doo' tsegamo nee ngire tgseegiit ya'aa' ale dida nga dahaa's. 25 Qooma'r tla/aangw amsi Paulo nee Sila tafiririin nee ta daa' da'aangu Mungu' kirfeemiis nee ki iiar i qamiin nee mukda oo hatla' ta tseegiit. 26 Siwasir kila'e gar tardakiit a kunseelir ur nirehardaat sleeme ihhafiror do'ooda' oo geresa do' tseegamo' ngire digitis nee tsufi'ii do'ooda ire gwertiiye nee muqslada' muu kwa tsegiit ire sololoat. 27 Xuumusinooda' oo doo' geresa doo' tseegamo ninatla'y wa baraa' gu'uute iwaqaytsiit tsufii doo' gersa na geriitiye' panganas ngire tataa'hh asma geraho' ti gasar wa slaa' ngiwa xui mukda' ta tseegiit ta qaroo' /akumitiiye'. 28 Alo Paulo ina uu' ar alor ur ina oo' miti qaqiimar ate'n slee'meero a dirii diriaa'n. 29 Xuumusmooda' oo gerasa tsaa'asi ngina firin kingiwa huwi nee ina gaslet dah baraa' doo' gersa idararaax ada'ayut, ina huu dir gera Paulo nee Sila. 30 Nee ngina duux baraa' doo' gersaro ngire bay uruse idor ni /iis ba/aana ngiwa slaa'w? 31 Nguna baye' Aako Yesu hartlintie ba/aama a sleer nee aldo'oge. 32 /Aymu Aako kuna alki/iit diro's nee mu'k do'oos slee'meero. 33 Xuumusmoda' oo gersa nginartla'y amsisi oo' kila' nee yameda' a slahhahha ngire hamaa'tl, ino's nee mu'k do'os kire harabatiis. 34 Paulo nee Sila ngina huu'w amo'r do'os ngire mra/aymari hariis nee ino's nee nina lo' wa qwala/iiye asma Mungu' ngwa haratlinti'iiye'. 35 Qooma'r tlatla/aango uruser do' kwasleema tana ya/ahin amo'r xuu'nusmoda' oo genesa ikahiiya' mukda gemawe i tlaye. 36 Xuumusmoo' geresa Paulo nguna axwentisi u'uutiis gidaaba' uruuse na ya/abine ar tunuwagemaw tawa tlera, gwa idosiye ti'iite afeeni tlawe ar wayda'. 37 Ala Paulo ngire ba'y ate'n tununadifiye' geera muu nee ate'n a mu'k Rumi ta'm tasakwasleemuti'iika' nee tununakwahhi baraa' doo' tseegamo' baraa' geresa hinda alkiwa'aari tunufiiso duxa'rslaiiia idosi ii ya/aanda'ka' inooin oo kila' ni xayee' diri tunuduxiiye'. 38 Xuumuseeda' kangwsi nguna ooiiye dir urusedar kwaslema, usedar doo' kwasleema tana lo' wa dayuut ngiwa tsahhiye' Paulo nee Sila a mu'k Rumi. 39 User doo' kwasleema ninaxaaye' nee ngire barhhehhe'eesiye' iwati'iitiya nee ngiwaduxiix' baraa' doo tseegamoro Paulo nee Sila kirefiirin iwati'iitiya baraa' gixsar ine'. 40 Gawaa' idosiye Paulo nee Sila tanati'iit baraa' gersaro nirehariye doo' Lidia Paulo nee Sila hhae ngiwa ariye ngire mune kwa/asiye' alo nire tlaye' baraa' gixsasiye.