1 Nee niwahardahiye gixsar Afipoli nee Apolonia, Nina hardihiye ee gixsar tesalonike didae' doo' Yahudi i deer. 2 Paulo idor toda a intsahh daqislem ina amor in ka'y nee delo tam ar sabaro tana axwee's nee inooin dando /aymu Mungu' gooi. 3 Gooi ngina diri'iini gehhoatimis nee ngire ba'y gidaaba' i hariin Kristo kuwa slehhe'eemisi nee alo iwawaslo/i wa baraa' mu'k a hha'n, ngina ba'y Yesuwi axweesanto's ni din=rhungw i kah an Kristo. 4 Mu'k Yahudi bahh alero kina kwatiit nee axwenisi tare hara gwaa' amo'r Paulo nee Sila, dinkwa nee mu'k giriki kwada Mungu' ila iwawaa/a nee /amenar yariiri ar Mungu' atetim nee daqta yariir ar muu'. 5 Ala mu'k Yahudi bahh alero kwada a haratlinti'iika' itsi/aay gina eer tana baraa' sokonir kaye mu'k tlakwen bahha ale kunge huuw muu' kuna burubur dinkwa nee gixsa ire xwaraxwariit muu slee'meero a bahhi te haratlay doo' Tason, Paulo nee Sila ki ohingw slaa' kiwa huwi geera muu'. 6 Alo kiwaslayka yasoni kuna oh nee hhae bahha'alero, nee ure huu'w geera' urusedar gixsa, ta bahhuus, Hhawa aya ngwa wereqeesi na hardaihhiye ee amori sleeme. 7 Hhawateka ta kwahha's na Yasoni, hara'aya'r Kaisari ngi hhititiina' asma ikahhiya' wawutumoo' hatla i deer ta ba'y Yesu. 8 Xoorooda' nee uruse'r gixsaro kangwusi kuwa axaa's xure ngina ee'r. 9 Alu pesar ur ar xuumo' kawaar tla'y awaa' dir yasoni nee kwada oo hatla' kire gemay iwa tlaya'. 10 Amo=sisiye hhae Paulo nee Sila kina ya/aa'w Beroya nee niwahardihiye amoda tama baraa' doo' slingw Wayahudi ka'y. 11 Mu'kda a muk saqalooar koo'm wa lo' ta muk Tesalonikero asuma ta amohhe'eesiye' /aymu kuwa ilaoo/ ner sagaloar in nee gooi kawaxuxu'u'n delo slee'meero as kawa ari axwenti ta axwees a idor i dir a? 12 Asuma idosiye awa yariir baraa' tla/angw'ine nina haratlinti'iye nee baraine /aneernaka' ilaxaafa ngi slesla'w wa lo' ar kigiriki nee hhawate yariir. 13 Ala mu'k Yahudi oo aya Tesalonike ngiwa tsahhiye' Paulo i /aymu Mungu' aliki/iit wa amo'r Beroya, tana amoda' kay muu kure hara'awis muu kure tsifarangw ay. 14 Paulo kuna gasler huu'w a uruwa'r Tla'wi alo Sila nee Timoteo nire Beroyar i meetiye'. 15 Hhaeda' Paulo ngwa huuye' tina alkone ay Athene, Paulo nguwa amosi gexaaye ngina ya/aa'w gidaaba' Sila nee Timoteo ni gasle'r xa'y niniwa tligiye'. 16 Nee qoomar ngiwa damaran awa baraa' Athene, nunawo's inaslahha' barawoose' as idoda a ar gixsa iwa hats slaqasii mugii yariir. 17 Idosiye nee mu'k Yahudi tire afa hanimisiye awa baraa' doo' salingw kwada Mungu' ila iwawa/a' nee dir kwada slee'meero ti dogiita nee ino's deelo slee'meero baraa' burumburita. 18 Muko oo intsahhasa'r waepikureo nee wastoika nguna sagesihhitiiye. Nee bahha'ale tana oo kwih kara gar ii ka'hi, axwesani /ee'tl? Bahha'ale tana oo' an ga/aaw ya/abto't Munga'aa' xua'awaslen ngin alki/iit, Asuma kangw Yesu nee waslo/oowo's ngu'n alki/iit. 19 Paulo kkunartla'y kure huu'w Areopago, tare oo' Axawento'k tisi /aben ta intsahhatlimis ate'n alesalawana xu'tiro? 20 Asuma a moroo' /aben ngun huwahuu'b baraa' iiaren i alero, gawa idoorihe ate'n a xu'utir wa sla'aan morowi gidabaro's a milaa'? 21 Neemuu slee'meero oo baraa' Athene nee dahaye'r ayaini diria' qoma slee'meero gar ta axweesi laqa ta axamisi a dando kangwi /aben. 22 Gawaa' idosiye Paulo inasihhiit tla/angw mu'k Areopago nee ire oo' Kuunga mu'k Athene a ga/aaw idor kuunga tar mu'k dini baraa' umoo'qo idoro. 23 Asuma aning baraa' warhho'eene nee moro kuunga' ta ilahhoar ii duxuuta' nguwa xuxu'uum /aymeri ina ar baraa' kitaangw wa'k oo' ilahhoarbu'ng ao kaaha' amo'r MUNGU' XU'UTIITAAKA gawa idosiye Mungusi ta slufumiisa ta xua'aaka ana kwih ani ni dirhuung xu'uutiimis. 24 Mungu' yaamu nga tlehh nee umoo'qo gar barawo's diria, asma tawa Aako, dawri nee yaamu ii ya/aamtakea iwa iwiwiti baraa' mari tatlehhiit ar daba. 25 Nee sleeme kusagayusiika nee daba muu kuto laqa in gaka slaa' dir'in asma ino's oo kila' muu' ngun slafingwi harimiis nee hisla nee moroo' hatla slee'meero. 26 Ner baraa' hee wa'k xordu slee'meero oo muu ngina tleehhla ohoota' wa dando getse/a yaamu, nee ngire qoomdu ii qaas nee harki/aay baraa' yameeda hotiia. 27 Gawaa' idosiiye ii hariin Mungu' nguwa lelehhiya' nee nguwa i hardihiya nee nguwa slaya' nee looeemawo kusaweeka dir umoo'qo heewo baraa' tlangwrene. 28 Asuma inose a hootaa'n ahi'iimiitaan nee slafingure'n kuwa kaaman idoda da'aamusumohu'ng oo wa'k iwa oo' ate'n aa xwaylaro's. 29 Gawwa' idosiye ate'n bar xwalar Mungu' iharindaka' tawa aldakutaan gidaaba' Munguima a idor sahhaabu laqa muqsala'r pesa, laqa tlaa/ee laqa slaqase ta tlee'hh ar alesleemu sagaloan muu. 30 Gawaa' idosiye Mungu qoomadar' inboo/aroina xaasliit ala hindi muu slee'meero ngun idababay umoo' diro tawa hhoin. 31 Gar idori asuma balo nga qaa's ar yaamu ngiwa sakwaslemuut ar gana amu dir heeda ino's a tsawaa'r Mungu' haraxu'utir heewi ngiana hariis dir umoo heewo dida nguwa wasloo/atiis wa baraa' mu'k a hha'n. 32 Nee mu'k Athene ngiwa axaasiye kangw was/o/atisar tu'uu' bahha ale baraine Paulo kure wanyerus ala bahhaale tana oo' umale iiar ii qaasan baraa' kangwiye. 33 Alu disiye Paulo ngire gexaa'y. 34 Ala muu bahha'ale ina hara gwai amoro's ire hartlinti'iiye' baraine Dionisio mwareopago a hee' wa'k nee /amenirka' ta baba'y Damari nee oo' hatla dinkwa nee inooin.