Tsufa'y Mibaa' Nee Dakaa't

1 A/uu kangwsiiye Paulo ina tla'y wa Athene ire korintor ka'y. 2 Amosiye heeko oo Yahudumo umowo's akwila hee aya Ponto ino's nee harero's ar ta ba'y Prisila, ninaxaaye' awa aya Italia, asma Klaudia ina oo mu'k Yahudi slee'meero ta quutli baraa' aya Romaro Paulo ire amor'in kaa'y. 3 Paulo ina hooy nee gaidye ngire tlehhiye nee inooin asuma gadiyer ino's i tlehhiiti ti slaaya' nee tooin, inooin a mu'k hemadu tlehhahhiit. 4 Paulo tana axwees nee inooin wa baraa' doo' slaiingw umoo' balor sabaatoro. Ngire ilaxaaf mu'k Yahudi nee mu'k giriki. 5 Aluwo Sila nee Timoteo niwa hardahiye Makedoniar wa ale, Paulo kuna liwii/ nee qeer /Aymu nguwa alki/iiti dir mu'k Yahudi gidaaba' Yesu an Kristo. 6 Qooma'r mu'k Yahudi nguwa si'iiye' nee ngure /ooslisline, as idosiye Paulo tlawuwo's nguna kuukuu' dir geraain nee ngire ba'y tserer hu'ng ii gawa sagihung oo kila' ii ki/, An dalisar la,aala. Imir hindi ne daqislem aga tlaw amo'r xoorduu hatla'. 7 Idosiye ina disi wa tla'y ay amo'r doo' Tito Yusto hee Mungu' ila iwa waa/ Do'o's ku tse'w dir doo' saliingo. 8 Krispo geraharusumo doo' sliingw dinkwa nee mu'k do'ooase Aako kure haratlinti' mu'k yariir oo aya korinto kwada Paulo ngwa liar ii qaasiye iwa axweesi nina haratlintiye kiretimiis. 9 Aako Paulo nguna ba'y amsiyo ar uruwa'r igu'uutu ma daiyumiita''r ala Axwee's nee maxasliitaar. 10 Asma aning nee kuu'ng a dinkwa nee i kaahh hee' ga/iis, asuma mu'k yariir u koo'm baraa' gixsariye'. 11 Paulo ina amoda wa hoot har qooma'r kuruku wa'k nee slahheri lahho i/aymu Mungu' alki/iit wa baraa' tla/aangw' in. 12 Ala Galio kuwa qaa's wa urusmoo' aya Akaya mu'k Yahudi tana barta wa'k i sihhiit nar wakleluwama Paulo kure huu'w dir geera' kitaangw kwaslema. 13 Ikahiya heewi i muk ila xafiin Mungu' kuwa ilaiwawaa/ ner idor nee a lqador Musa ti koma'aaka'. 14 Qooma'r Paulo gerho iwa ilawatsi wa idorqa Galio Wayahudi ngina ba'y kuunga mu'k Yahudi gerho bar heewi in dakusar kon laqa gar tlakw ngina tlee'hh gerawo i qoond tunuwa ale/iis. 15 Ala asuma tawa yahamisuu /aymeri nee une nee hara'ayarhung, kuunga kilohung xuxu'aak asuma ani asla'aaka har ohee nguwa tleehh bara kaangwhung kwisiye. 16 Galio ngina ba'y qutle geera' kitaangw kwaslemaro. 17 Idosiye sastlene nguna ohiye geera' tusumo doo' salingw nguna difii geera kitaangw sakwaslemar wa ale ala Galio tisi ana tlehhiye' nga gari tsahhiika. 18 Paulo alu iwa iwiwiit awa amoda delor' Hhae ngina gexaay nee ire tla'y ar meli ay Siria dinkwa nee Prisila nee Akwila qooma'r iwa tlayka se'eengo's ngure deeqw asuma al'axwensanita lo'o nga /a'y. 19 Niwahardahii Efeso, Paulo Prisila nee Akwila nina dida ii gedaay ala ino's kilo's inadah baraa' doo' saliingw nee tare axweesa nee mu'k Yahudi. 20 Paulo nguwa bayee' ala iwiwiitaan delor hhawaa'ke ino's ina si'i. 21 Ala inatla'y wa dir'in ngina ba'y ni male kii/ amorhung bar sla'aariin Mungu' Alu tisiye ina tla'y ar meli wa Efeso. 22 Paulo ina harda kaisaria ire tsa/a'n Yerusalemu kanisa ngina lawe'eesa'r ay, alo ire /eet ay Antiokia. 23 Alu iwa disi wa iwiwiit delor inawe Paulo ina tla'y ner braa' aya Galatia nee Frigia nee eharuuse slee'meero ngire /uru ii doo'ng. 24 Heeko wa'k oo Yahudi umowo's a Apolo kulaqwal wa baraa' Aleksandria ninaxay Efeso. A hee' sagalo'a'n koo'm baraa' Axwento nee xu'uut ngi lo'a koon baraa' gooin Munguhe. 25 Apolo kwa gana'aas baraa' intsahhasar Aako ala ar idoda' munaawo's ir tlara raa/ ina Axwees nee ire intsahhatimiis ner idor qoom kangw danda Yesu, gar wake ubarisumo'i xuui o Yohana kilo's. 26 Apolo axweeni alki/iit ar pihhay baraa' dor salingw wa ale. Ala Prisila nee Akwila nguwa iar i qaasiye nguna hhiyu'uuma'r i tleehhiye' nangw uruwar Mungu' kure aliki/iit ar idor qoom. 27 Ngiwa slaa iwa tlay amo'r Akaya, Hhae nguna harakeesiye nee barwitoo' kare gooin amor eharuuser Akayar idirii' as nguwa ilaohiiya' iwahanda ar tsuqaro ngina ale/iis kwada aharatlintii. 28 Aa /uruuwo's nee sagaloa, Apolo Wayahudi nginar ba/a geera mu'k wa ale ngiwa laqaqan ner baraa' gooi gidaaba' Yesu an Kristo.